2022: સ્મોલકેપના 26 શેરોમાં 275 ટકા સુધીનું રિટર્ન

નવી દિલ્હી: શેરબજારમાં રોકાણ કરનારા ઘણા રોકાણકારો માટે વર્ષ 2022 બહુ સારું રહ્યું નથી. આ કેલેન્ડર વર્ષમાં નિફ્ટી સ્મોલકેપમાં 15 ટકાથી વધુનો ઘટાડો થયો છે. જોકે, સ્માર્ટ રોકાણકારોએ ઘણા સ્મોલકેપ શેરોમાંથી કમાણી કરી છે. આ વર્ષે અત્યારસુધીમાં 26 સ્મોલકેપ શેરો મલ્ટિબેગર બન્યા છે. જેમાં રોકાણકારોને 100 ટકાથી 274 ટકા સુધીનું રિટર્ન પ્રાપ્ત થયું છે.

સ્મોલકેપ સેગમેન્ટમાં સૌથી વધુ ક્રેસાન્ડા સોલ્યુશન્સે અત્યાર સુધીમાં 274 ટકાનો ઉછાળો નોંધાવ્યો છે. બીજી તરફ, ચોઈસ ઈન્ટરનેશનલમાં 272 ટકા, BLS ઈન્ટરનેશનલમાં 231 ટકા, જ્યોતિ રેઝિન્સમાં 200 ટકા અને ઉગર સુગર વર્ક્સમાં 194 ટકાનો ઉછાળો જોવા મળ્યો હતો. આ શેરોએ રોકાણકારોની મૂડીમાં ત્રણ ગણો વધારો કર્યો હતો. સ્મોલકેપ મલ્ટીબેગર્સમાં PSU સ્ટોક મઝાગાંવ ડોક શિપબિલ્ડર્સનો પણ સમાવેશ થાય છે. જેમાં 151 ટકાનો ઉછાળો આવ્યો છે. યુકો બેન્કના શેરમાં આ વર્ષે અત્યાર સુધીમાં 100 ટકાથી વધુનો ઉછાળો જોવા મળ્યો છે. અન્ય સ્મોલકેપ મલ્ટીબેગર શેરોમાં વાડીલાલ ઇન્ડસ્ટ્રીઝ, TCPL પેકેજિંગ, KPI ગ્રીન એનર્જી, TGV SRACC, સ્પેશિયાલિટી રેસ્ટોરન્ટ્સ, મોનાર્ક નેટવર્થ કેપિટલ, ધ ગ્રેટ ઇસ્ટર્ન શિપિંગ કંપની, રેમન્ડ, રામા સ્ટીલ ટ્યુબ્સ, અપાર ઇન્ડસ્ટ્રીઝ, ભારત ડાયનેમિક્સ, કર્ણાટક બેન્ક જેવા શેરનો સમાવેશ થાય છે. જગસોનપાલ ફાર્માસ્યુટિકલ્સ, મેરેથોન નેક્સ્ટજેન રિયલ્ટી, લોયડ્સ મેટલ્સ એન્ડ એનર્જી, આરએચઆઈ મેગ્નેસિટા ઈન્ડિયા, શાંતિ ગિયર્સ, શોપર્સ સ્ટોપ અને રોસેલ ઈન્ડિયા પણ મલ્ટિબેગર્સમાં સામેલ છે.

ટોપ-26 સ્મોલ કેપ સ્ટોક્સમાં વાર્ષિક રિટર્ન