Banking Stocks Outlook 2024: બેન્કિંગ શેરોમાં તેજી જારી રહેવાનો અંદાજ, આ શેરોમાં રોકાણ કરવા સલાહ

અમદાવાદ, 23 ડિસેમ્બરઃ સ્થાનિક શેરબજારમાં વધતાં વોલ્યૂમ અને એફઆઈઆઈના આકર્ષણને પગલે વૈશ્વિક સ્તરે બીએસઈ અને એનએસઈ શ્રેષ્ઠ પર્ફોર્મર રહ્યા છે. બેન્કોની એસેટ ક્વોલિટીમાં સુધારો, મજબૂત માગ વચ્ચે એનપીએમાં ઘટાડો સહિતના પરિબળોના કારણે બેન્કિંગ શેરોમાં પણ 30થી 40 ટકા ઉછાળો નોંધાયો છે.

આરબીઆઈની જાહેરાત અનુસાર, ઓક્ટોબર-23માં ગ્રોસ બેન્ક ક્રેડિટ 19.7% વાર્ષિક ધોરણે વધી હતી. જાહેર અને ખાનગી બંને ક્ષેત્રની બેન્કોએ સારું પ્રદર્શન કર્યું છે. રિટેલ લોન વૃદ્ધિ દર વર્ષે 30.4% પર મજબૂત રહ્યો છે. તેમાં સર્વિસ સેગમેન્ટમાં (23.6%) અને કૃષિ ધિરાણ (17.5%) ગ્રોથ સાથે PSBsનો CD-R રેશિયો યોગ્ય છે. LKP Securitiesના રિસર્ચ એનાલિસ્ટ અજીત કાબીએ જણાવ્યું હતું કે, અમે અપેક્ષા રાખીએ છીએ કે ચૂંટણી વર્ષ, ઉપભોક્તા માંગ અને ઊંચા મૂડી ખર્ચને જોતાં CY24 માટે લોન વૃદ્ધિ મજબૂત રહેશે. જેના પગલે 2024માં પણ બેન્કિંગ શેરોમાં તેજી જારી રહેશે.

પોલિસી રેટ ફેબ્રુઆરી-23થી યથાવત છે. OMO અને ICRR જેવા લિક્વિડિટી પગલાંએ બેન્કોના માર્જિનને અસર કરી છે. આવનારા ક્વાર્ટર માટે ફંડની કિંમત ચાવીરૂપ રહેશે. તદુપરાંત, એલિવેટેડ ઓપરેટિંગ ખર્ચે PPOP વૃદ્ધિમાં ઘટાડો કર્યો છે. તેમ છતાં, નીચા ક્રેડિટ ખર્ચને કારણે સ્થિર નફાકારકતા અને વળતર ગુણોત્તર અકબંધ રહે છે. અમે આગામી ક્વાર્ટરમાં વધુ માર્જિન કમ્પ્રેશન અને FY24ના અંતમાં સ્થિરતા જોઈ શકીએ છીએ.

2023માં પસંદગીના શેરોમાં રિટર્ન

નીચા સ્લિપેજ અને વસૂલાતને કારણે CY23માં NPA રેશિયોમાં નોંધપાત્ર સુધારો થયો છે. અમે માનીએ છીએ કે NPA ચક્ર તળિયે રહેશે અને ક્રેડિટ ગુણવત્તા આગામી ક્વાર્ટર્સમાં અકબંધ રહેશે. CY24 મોટા NPA નોંધાવાની શક્યતા નથી. સરકારી બેન્કોમાં ઉલ્લેખનીય ગ્રોથ જોવા મળશે.

ખાનગી બેન્કો પાછલા ત્રણ વર્ષમાં અહેવાલ કરાયેલ મજબૂત રિટર્ન રેશિયોને જોતાં દાયકાના નીચા વેલ્યુએશન પર ટ્રેડિંગ કરી રહી છે. આથી, નીચા મૂલ્યાંકનથી શેરના ભાવની કામગીરીમાં વધારો થઈ શકે છે.

અજીત કાબીના મતે ખરીદવાલાયક શેરઃ ઇન્ડસઇન્ડ બેન્ક, ICICI બેન્ક, બેન્ક ઓફ બરોડા અને કેનેરા બેન્ક…

બિઝનેસ ગુજરાત વેબસાઈટમાં આવતાં news updates મેળવવા માટે નીચેની લિંક ઉપર ક્લિક કરી ફોલો કરો

https://whatsapp.com/channel/0029VaDvQgaDOQIYqUTAu20r

(Disclaimer: The information provided here is investment advice only. Investing in the markets is subject to risks and please consult your advisor before investing.)

(સ્પષ્ટતા: અત્રેથી આપવામાં આવતી તમામ પ્રકારની માહિતી કોઇપણ પ્રકારે રોકાણ, ટ્રેડીંગ માટેની સલાહ નથી. બજારોમાં રોકાણ જોખમોને આધીન છે અને રોકાણ કરતા પહેલા કૃપા કરીને તમારા સલાહકારની સલાહ લો.)