બિટકોઈને 10 મહિના બાદ 30 હજાર ડોલરની સપાટી વટાવી

મુંબઇ, 11 એપ્રિલઃ ક્રિપ્ટો કરન્સી બિટકોઈને 10 મહિના બાદ પ્રથમ વખત $30,000ની સાયકોલોજિકલ સપાટી ક્રોસ કરી છે. અગાઉ તા. 10 જૂન, 2022ના રોજ બિટકોઇન 30245.81 ડોલર પર ટ્રેડ થઈ રહ્યો હતો. જેની પાછળનું કારણ યુએસ ફેડ રિઝર્વ દ્વારા વ્યાજદરોમાં વધારોનું વલણ મંદ પડવાનું છે. ઉપરાંત બેન્કિંગ ક્રાઈસિસની ભીતિ ટ્રેડર્સમાં રહેતાં ક્રિપ્ટો કરન્સીમાં રોકાણ વધી રહ્યું છે.

માર્ચ માસમાં બિટકોઈન 23% વધ્યો

બિટકોઈનની કિંમત બે ટકા વધીને $30,438ની ઊંચી સપાટીએ પહોંચી ગઈ છે. માર્ચમાં બિટકોઈનની કિંમતમાં છ ટકાથી વધુનો ઉછાળો આવ્યો છે. માર્ચ મહિનામાં જ તેમાં 23 ટકાથી વધુનો ઉછાળો જોવા મળ્યો છે. શુક્રવારે બહાર પાડવામાં આવેલ યુએસ નોન-ફાર્મ પેરોલ્સ રિપોર્ટ સૂચવે છે કે યુએસ અર્થતંત્રમાં હજુ પણ ઘણી સ્થિતિસ્થાપકતા છે. જો કે, ગયા મહિને વૈશ્વિક બેન્કિંગ કટોકટીના પગલે, રોકાણકારો આશા રાખી રહ્યા છે કે ફેડ વ્યાજદરમાં વધારા અંગે તેના આક્રમક વલણને ટોન કરશે. આ કારણે રોકાણકારો બિટકોઈન સહિત અન્ય ક્રિપ્ટો ટોકન્સ ખરીદી રહ્યા છે.

ઈથરની કિંમત 0.75 ટકા વધીને $1,925.80ના સ્તરે

બીજી સૌથી મોટી ક્રિપ્ટોકરન્સી ઈથર (ઈથર)ની કિંમત 0.75 ટકા વધીને $1,925.80ના સ્તરે પહોંચી ગઈ છે.આ ક્રિપ્ટો ટોકનની કિંમત તાજેતરમાં $1,942.50 ના સ્તરે ચઢી ગઈ હતી. આ રીતે, આ ક્રિપ્ટો ટોકનની કિંમત લગભગ આઠ મહિનાની ઊંચી સપાટીએ પહોંચી ગઈ હતી. Tether, BNB, XRP, Cardano, Dogecoin, Polygon અને Solana પણ ફાયદા સાથે ટ્રેડ થઈ રહ્યા હતા.