ફિલાટેક્સ ફેશન્સની સબ્સિડીયરીને કુલ રૂ. 661 કરોડના નિકાસ ઓર્ડર મળ્યા

હૈદરાબાદ, 3 હૈદરાબાદ:  હૈદરાબાદ સ્થિત મોજાં અને સુતરાઉ ઉત્પાદનોનું ઉત્પાદન કરતી અગ્રણી કંપની ફિલાટેક્સ ફેશન્સ લી. (BSE – 532022, NSE – FILATFASH)ની પેટાકંપની ફિલાટેક્સ માઇન્સ એન્ડ મિનરલ્સ પ્રાઇવેટ લી.ને એક મહિનામાં કુલ રૂ. 661 કરોડ (78,875,000 ડોલર)ની નિકાસનો ઓર્ડર મળ્યો છે.

ફિલાટેક્સ માઇન્સ એન્ડ મિનરલ્સ પ્રાઇવેટ લી.એ 29 ઓગસ્ટ, 2024ના જાહેરાત કરી કે તેને 1,59,000 ટન માર્બલના સપ્લાય માટે રિપબ્લિક ઓફ ગિની સ્થિત કંપની, સોસિએટે ડિમો BTP SARL (Société DIMO – BTP SARL (“SDBS”)) તરફથી 5 વર્ષથી વધુ સમયગાળા માટે 43,875,000 ડોલર (રૂ. 368 કરોડ)નો પોલિશ્ડ ટાઇલ્સ નિકાસ કરવાનો ઓર્ડર મળ્યો છે. SDBS એ 14 આફ્રિકન દેશોમાં 5000થી વધુ ડીલર નેટવર્ક સાથે ગ્રેનાઈટ અને માર્બલનું વિતરક છે.

કંપનીની માઇનિંગ સબસિડિયરી માટે આ બીજો નિકાસ ઓર્ડર છે. અગાઉ 26 જુલાઈ, 2024ના રોજ કંપનીને 7 વર્ષના સમયગાળામાં 35 મિલિયન ડોલર (રૂ. 293 કરોડ)ના 2,97,388 મેટ્રિક ટન સફેદ માર્બલના સપ્લાય માટેનો ઓર્ડર મળ્યો હતો. 29 ઓગસ્ટ 2024ના રોજ, કંપનીનું માર્કેટ કેપિટલાઇઝેશન રૂ. 966.75 કરોડ છે.

કંપનીએ રૂ. 5ની ફેસ વેલ્યુના હાલના 1 ઇક્વિટી શેરના સબ-ડિવિઝનને મંજૂર કર્યું છે જે પ્રત્યેકને રૂ. 1ના 5 ઇક્વિટી શેરમાં સંપૂર્ણ ચૂકવણી કરવામાં આવી છે. સ્ટોક સ્પ્લિટના હેતુ માટે રેકોર્ડ ડેટ 9 ઓગસ્ટ 2024 નક્કી કરવામાં આવી છે.

(Disclaimer: The information provided here is investment advice only. Investing in the markets is subject to risks and please consult your advisor before investing.)

(સ્પષ્ટતા: અત્રેથી આપવામાં આવતી તમામ પ્રકારની માહિતી કોઇપણ પ્રકારે રોકાણ, ટ્રેડીંગ માટેની સલાહ નથી. બજારોમાં રોકાણ જોખમોને આધીન છે અને રોકાણ કરતા પહેલા કૃપા કરીને તમારા સલાહકારની સલાહ લો.)