GMDC અંબાજી આસપાસના વિસ્તારમાં બેઝ મેટલ્સની શોધખોળ શરૂ કરી, 6.28 ટન ખનીજ સ્રોત હોવાનો અંદાજ

અમદાવાદ
દેશની અગ્રણી ખાણકામ PSU એન્ટરપ્રાઈઝ અને દેશમાં સૌથી વધુ લિગ્નાઈટ વિક્રેતા, ગુજરાત મિનરલ ડેવલપમેન્ટ કોર્પોરેશન-GMDC એ અંબાજી સ્થિત ખાણ અને તેની આસપાસના 1400 હેક્ટર વિસ્તારમાં ખનિજ સંશોધન કાર્યક્રમો માટે ભૂસ્તરશાસ્ત્રીય અભ્યાસ અને ઓન-ગ્રાઉન્ડ ડિઝાઇન શરૂ કરી છે.

2030-35 સુધીમાં 5 મિલિયન ટન સુધીની અપેક્ષિત વૈશ્વિક કોપર ખાધને પહોંચી વળવા માટે અંબાજી ખાતેનો બેઝ-મેટલ રિઝર્વ નિર્ણાયક અને વ્યૂહાત્મક રીતે અતિ મહત્વનો છે. અંબાજી સાઇટ પાસે કિંમતી ધાતુઓના ટ્રેસ જથ્થા સાથે મોટા પ્રમાણમાં પોલિમેટાલિક ડિપોઝિટ હોવાની અપેક્ષા છે. GMDC આ બેઝ મેટલ્સનું ખનન કરી તેના ખનિજ પોર્ટફોલિયાને વિસ્તારવા પ્રતિબદ્ધ છે. આ રિઝર્વ વિકાસશીલ અને વિકસિત દેશોમાં ઇલેક્ટ્રિક વિહીકલની સ્વીકૃતિ વધારવામાં મદદ કરશે, અને ભારતની કોપર માટે બીજા દેશો ઉપર નિર્ભરતા ધીમે ધીમે ઘટાડશે.

GMDCના મેનેજિંગ ડિરેક્ટર IAS રૂપવંત સિંઘે જણાવ્યું છે કે, “અંબાજીમાં બેઝ મેટલ હોવાની વિશાળ સંભાવનાઓ છે; આ સાઇટ પર કિંમતી ધાતુઓના ટ્રેસ જથ્થા સાથે નોંધપાત્ર માત્રામાં પોલિમેટાલિક ડિપોઝિટ હોવાની અપેક્ષા છે. GMDC એ જે-તે વિસ્તારમાં શોધખોળ શરૂ કરી છે અને અત્યારે કોપર સહિત બેઝ મેટલ્સ શોધી રહ્યા છીએ, પરંતુ અમે અન્ય કોમોડિટી અને અન્ય તકો માટે પણ તૈયાર છીએ.”

અંબાજી ખાતેનો ખનીજ જથ્થો ઈંટ્રૂઝીવ બેઝ્ડ મેસીવ સલ્ફાઇડ સ્ટાઈલ (IHMS) છે. IHMS ડિપોઝિટ બેઝ મેટલનો મુખ્ય સ્ત્રોત છે, જેમાં સીસા, જસત અને તાંબાનો સમાવેશ થાય છે અને સોના અને ચાંદી જેવી કિંમતી ધાતુઓનો પણ સમાવેશ થાય છે.

વર્તમાનમાં અમુક વિસ્તારમાં થયેલા ડ્રિલિંગ અભ્યાસ મુજબ લગભગ 6.28 ટન ખનીજ સ્ત્રોત હોવાનો અદાજ છે, જેનો 10% જથ્થો ધાતુ પદાર્થ (તાંબુ, જસત અને લીડ સંયુક્ત) હોવાનો અંદાજ છે. હાલ રિસોર્સ મોડલનો ડેટા તૈયાર થઈ રહ્યો છે, ખનિજીકરણની શૈલી દર્શાવે છે કે ખનીજ સ્ત્રોત વધવાની મોટી સંભાવના છે, જે ટકાઉ વૃદ્ધિ સાથે બેઝ મેટલ માટે “આત્મનિર્ભર ભારત” સાકાર કરવામાં યોગદાન આપશે.