Laxmi Dental Limited એ DRHP ફાઈલ કર્યું

અમદાવાદ, 19  સપ્ટેમ્બરઃ  લક્ષ્મી ડેન્ટલ લિમિટેડે આઈપીઓ દ્વારા ફંડ એકત્ર કરવા કેપિટલ માર્કેટ રેગ્યુલેટર SEBI સમક્ષ ડ્રાફ્ટ પેપર ફાઇલ કર્યા છે. કંપની IPO હેઠળ ફ્રેશ ઈશ્યુ મારફત રૂ. 150 કરોડ અને ઓફર ફોર સેલ દ્વારા પ્રમોટર્સ અને અન્ય શેરધારકો દ્વારા 1.28 કરોડ ઈક્વિટી શેર ઓફર કરવામાં આવશે.ઓફર ફોર સેલના ભાગરૂપે કંપનીના રોકાણકાર ઓર્બીમેડ એશિયા 2 મોરિશિયસ લિમિટેડ પોતાનો હિસ્સો વેચશે. આ સિવાય કંપની પ્રિ આઇપીઓ પ્લેસમેન્ટ રાઉન્ડ મારફત રૂ. 30 કરોડ એકત્ર કરવાની યોજના ધરાવે છે. જો પ્રિ-આઈપીઓ હેઠળ ફંડ એકત્ર કરવામાં કંપની સફળ રહી તો તે ફ્રેશ ઈશ્યૂની સાઈઝમાં ઘટાડો કરી શકે છે.

ફ્રેશ ઈશ્યૂ દ્વારા એકત્રિત ફંડનો ઉપયોગ તેની પેટા કંપની બિઝડેન્ટ ડિવાઈસિસમાં રોકાણ અર્થે, કંપની માટે નવી મશીનરીની ખરીદી કરવા, દેવાની ચૂકવણી અને જનરલ કોર્પોરેટ હેતુઓ પૂર્ણ કરવા કરશે. આઈપીઓ ઈશ્યૂના બુક રનિંગ લીડ મેનેજર્સ નુવામા વેલ્થ મેનેજમેન્ટ, મોતિલાલ ઓસ્વાલ ઈન્વેસ્ટમેન્ટ એડવાઈઝર્સ, SBI કેપિટલ માર્કેટ છે.

(Disclaimer: The information provided here is investment advice only. Investing in the markets is subject to risks and please consult your advisor before investing.)

(સ્પષ્ટતા: અત્રેથી આપવામાં આવતી તમામ પ્રકારની માહિતી કોઇપણ પ્રકારે રોકાણ, ટ્રેડીંગ માટેની સલાહ નથી. બજારોમાં રોકાણ જોખમોને આધીન છે અને રોકાણ કરતા પહેલા કૃપા કરીને તમારા સલાહકારની સલાહ લો.)