Polycab Indiaનો શેર 21% તૂટ્યા બાદ આજે 5 ટકા સુધર્યો, જાણો કારણ

અમદાવાદ, 12 જાન્યુઆરીઃ પોલિકેબ ઈન્ડિયાનો શેર ગઈકાલે 21 ટકા તૂટ્યા બાદ આજે 4.74 ટકા ઉછાળા સાથે 4061.35ની ઈન્ટ્રા ડે ટોચે પહોંચ્યો છે. આ સુધારા પાછળનું કારણ કંપની મેનેજમેન્ટ દ્વારા ઈનકમ ટેક્સ દ્વારા કરચોરીનો આરોપ મામલે આપવામાં આવેલી સ્પષ્ટતા છે.

ઈનકમ ટેક્સ ડિપાર્ટમેન્ટ દ્વારા પોલિકેબ ઈન્ડિયાના 50 સ્થળોએ દરોડા બાદ રૂ. 1000 કરોડના બિનહિસાબી વ્યવહારો મળી આવ્યા હોવાના અહેવાલોના પગલે શેરમાં કડાકો જોવા મળ્યો હતો.

કંપની મેનેજમેન્ટે આ અંગે સ્પષ્ટતા આપી હતી કે, ઈનકમ ટેક્સ ડિપાર્ટમેન્ટે પોલિકેબનું નામ આપ્યું નથી અને ગયા મહિને ઈનકમ ટેક્સના દરોડાના પરિણામ અંગે તેઓને હજુ સુધી ઓથોરિટી તરફથી કોઈ લેખિત સંદેશાવ્યવહાર મળ્યો નથી.

કંપનીએ જણાવ્યું હતું કે, પ્રેસ ઇન્ફોર્મેશન બ્યુરો, દિલ્હી દ્વારા 10 જાન્યુઆરી, 2024ના રોજ પ્રકાશિત ‘આવકવેરા વિભાગ મુંબઈમાં સર્ચ ઓપરેશન’ શીર્ષકવાળી એક પ્રેસ રિલીઝ છે, જેમાં ખાસ કરીને કોઈ કંપનીનું નામ નથી. તેમજ આજની તારીખ સુધીમાં, કંપનીને  આ અંગે IT વિભાગ તરફથી કોઈ લેખિત સંદેશાવ્યવહાર મળ્યો નથી.”

અનિશ્ચિતતાઓને પગલે, કેટલાંક HNIs અને સંસ્થાકીય રોકાણકારોએ Polycabના શેર વેચ્યા હતા. NSE બલ્ક ડીલ્સ ડેટા મુજબ, સ્મોલકેપ વર્લ્ડ ફંડે ગઈકાલે કંપનીના 8.5 લાખ શેર વેચ્યા હતા. લગભગ 22-24% સંગઠિત બજાર હિસ્સા સાથે, Polycab કેબલ્સ અને વાયર સેગમેન્ટમાં માર્કેટ લીડર છે.

એક્સિસ કેપિટલે I-T દરોડા પછી અનિશ્ચિતતાના પરિબળને ધ્યાનમાં રાખીને ટાર્ગેટ રૂ. 5,809થી ઘટાડી રૂ. 4,300 કર્યો હતો.

ટેક્સ ડિપાર્ટમેન્ટે જણાવ્યું હતું કે વાયર, કેબલ અને અન્ય વિદ્યુત વસ્તુઓનું ઉત્પાદન કરતી કંપનીની શોધ અને જપ્તીની કામગીરી દરમિયાન, વિશ્વાસપાત્ર પુરાવા મળી આવ્યા હતા કે જૂથે આશરે રૂ. 1,000 કરોડનું બિનહિસાબી રોકડ વેચાણ કર્યું હતું જે હિસાબી પુસ્તકોમાં નોંધાયેલ નથી.

“કાચા માલની ખરીદી માટે ફ્લેગશિપ કંપની વતી, વિતરક દ્વારા કરવામાં આવેલ રૂ. 400 કરોડથી વધુની બિનહિસાબી રોકડ ચૂકવણીના પુરાવા પણ જપ્ત કરવામાં આવ્યા છે. વધુમાં, પેટા-કોન્ટ્રાક્ટિંગ ખર્ચની પ્રકૃતિમાં બિન-સાચી ખર્ચ, ખરીદીઓ અને ફ્લેગશિપ કંપનીના પરિસરમાંથી જપ્ત કરાયેલા પુરાવાઓમાં આશરે રૂ. 100 કરોડના કુલ પરિવહન ખર્ચ વગેરેની પણ ઓળખ કરવામાં આવ્યા છે.” વિભાગે 4 કરોડ રૂપિયાથી વધુની બિનહિસાબી રોકડ જપ્ત કરી છે અને 25થી વધુ બેન્ક લોકર પર અંકુશ લગાવ્યો છે.

(Disclaimer: The information provided here is investment advice only. Investing in the markets is subject to risks and please consult your advisor before investing.)

(સ્પષ્ટતા: અત્રેથી આપવામાં આવતી તમામ પ્રકારની માહિતી કોઇપણ પ્રકારે રોકાણ, ટ્રેડીંગ માટેની સલાહ નથી. બજારોમાં રોકાણ જોખમોને આધીન છે અને રોકાણ કરતા પહેલા કૃપા કરીને તમારા સલાહકારની સલાહ લો.)