મોદી સરકાર 3.0ના આશાવાદ પાછળ સેન્સેક્સ 6 માસમાં 10% વધ્યો, આ ચૂંટણીમાં બજાર કેવુ રહેશે

અમદાવાદ, 15 માર્ચઃ નાણાકીય વર્ષ 2023-24 પૂર્ણ થવાના આરે હવે માંડ 16 દિવસ બાકી છે. બીજી તરફ ઇલેક્શન કમિશને જાહેરાત કર છે કે શનિવારે ચૂંટણીની તારીખો જાહેર કરવામાં આવશે. માર્ચ ઈફેક્ટ તેમજ પ્રોફિટ બુકિંગ ઉપરાંત લોકસભા ચૂંટણીના કારણે શેરબજારમાં વોલેટિલિટી વધી છે. શુક્રવારે ઇન્ટ્રા-ડે ટ્રેડ દરમિયાન સેન્સેક્સ વધુ 547.33 પોઈન્ટ ઘટાડે ટ્રેડ થઈ રહ્યો હતો.. લોકસભા ચૂંટણીમાં મોદીની એનડીએ સરકારની જીત નિશ્ચિત જણાઈ રહી છે. 2014થી બે ટર્મથી કાર્યરત સરકારના રાજમાં સેન્સેક્સ અને નિફ્ટી વૈશ્વિક સ્તરે ટોચના આઉટપર્ફોર્મ સ્ટોક એક્સચેન્જ તરીકે પ્રચલિત થયા છે.

છેલ્લી બે ટર્મની ચૂંટણીમાં મોદી સરકારની જીતના પ્રથમ છ માસમાં સેન્સેક્સ એવરેજ 10 ટકા વધ્યો છે. 2014માં પ્રથમ વખત જીત દરમિયાન 16.27 ટકા વધ્યો હતો. જો કે, બાદમાં પ્રોફિટ બુકિંગ અને અમુક આર્થિક ફેરફારોના કારણે 1 વર્ષ બાદ સેન્સેક્સ ઘટ્યો હતો. 2019માં છ માસ બાદ 3.99 ટકા વૃદ્ધિ નોંધાવ્યા બાદ 20.97 ટકા તૂટ્યો હતો.

શેરબજારમાં વૃદ્ધિના સંકેતોઃ સરકારી ખર્ચ ફરી શરૂ થયો છે, રોજગારી વધી રહી છે, અને પુરવઠાની અડચણો ધીમે ધીમે હળવી થઈ રહી છે, જે ઊંચા ફુગાવાના નકારાત્મક પ્રભાવને પ્રતિસંતુલન પૂરું પાડે છે. મધ્યમ ગાળામાં, ભારતીય અર્થતંત્ર સ્થિર રાજકીય પરિદ્રશ્ય, સાનુકૂળ નીતિ વાતાવરણ, ઉત્પાદન-લિંક્ડ ઇન્સેન્ટિવ (PLI) કાર્યક્રમોની અસરો, વૈશ્વિક સપ્લાય ચેઈનમાં ફેરફારોને કારણે ઉદ્ભવતી તકો અને સરકારનું ધ્યાન તેના પર કેન્દ્રિત છે.

બોન્ડ માર્કેટમાં આઉટલૂક પોઝિટીવ

બોન્ડ માર્કેટ માટે આઉટલૂક સાનુકૂળ લાગે છે અને વ્યાજદરોમાં ઘટાડો થવાની તીવ્ર શક્યતા જણાઈ રહી છે. નાણાકીય નીતિ વૈશ્વિક સંકેતો અને ઘટનાઓ પર નજર રાખીને, મજબૂત રીતે એકબીજા સાથે સંકળાયેલી હોવાથી સક્રિયપણે ડિસફ્લેશનરી બની રહેશે. મુખ્ય ફુગાવો સતત હળવો થઈ રહ્યો હોવા છતાં, ખાદ્ય ફુગાવો અસ્થિર અને વ્યાપક-આધારિત રહે છે અને મુખ્ય ચિંતા રહે છે. ~4% ફુગાવાના લક્ષ્યની સંભવિત પ્રાપ્તિ પર વાજબી દૃશ્યતા અને વિકસિત બજારોમાંથી પોલિસી રેટમાં સરળતા RBI દ્વારા રેટ કટની તરફેણમાં પ્રતિક્રિયા આપી શકે છે, સંભવતઃ જૂન પોલિસીમાં, અમે કુલ 50 bps રેટ કટનો અંદાજ લગાવીએ છીએ.