નાના રોકાણકારો પણ મ્યુચ્યુઅલ ફંડ્સમાં માસિક રૂ.250નું માઇક્રો SIP કરી શકશે

માર્કેટ રેગ્યુલેટર SEBIએ માઇક્રો SIPને સક્ષમ બનાવવા માટે ફંડ હાઉસ સાથે શરૂ કર્યો ચર્ચાનો દોર

અમદાવાદ, 22 માર્ચઃ સેબી મ્યુચ્યુઅલ ફંડ (એમએફ) ઉદ્યોગ સાથે મળીને માસિક લઘુત્તમ એસઆઈપી યોગદાનને રૂ. 500 પ્રતિ માસથી ઘટાડીને રૂ.250 પ્રતિ માસ કરવા માટે કામ કરી રહી છે. આ અંગે રાઇઝિંગ ભારત સમિટ 2024માં સેબીના ચેરપરસન માધબી પુરી બૂચે ઉલ્લેખ કર્યો હતો. સુશ્રી બુચે જણાવ્યું હતું કે MF ઉદ્યોગે એફએમસીજી ગૂડ્ઝના સેચેટાઇઝેશનમાંથી શીખવું જોઈએ જેણે તેમના ઉત્પાદનોને સમાજના વિશાળ વર્ગ માટે વધુ પોસાય તેવા બનાવ્યા છે.

ચેરપર્સનએ જણાવ્યું હતું કે જ્યારે માર્કેટ રેગ્યુલેટર લઘુત્તમ માસિક એસઆઈપી યોગદાનને ઘટાડીને રૂ. 100 કરવા માંગે છે, ત્યારે ફંડ હાઉસે કહ્યું કે તે તેમના માટે યોગ્ય રહેશે નહીં. આથી, માર્કેટ રેગ્યુલેટર માસિક એસઆઈપી યોગદાનને રૂ. 250 સુધી ઘટાડવા માટે ફંડ હાઉસ સાથે કામ કરી રહ્યું છે, એમ સુશ્રી બુચે જણાવ્યું હતું.

બુચે જણાવ્યું હતું કે, “અમે નિયમનકારો તરીકે જાણીએ છીએ કે જ્યાં સુધી તે વ્યવહારુ ન હોય ત્યાં સુધી તેને આગળ ધપાવવામાં આવશે નહીં. તેથી, અમે તમામ ખર્ચને ઓળખવા માટે ઉદ્યોગ સાથે ખૂબ જ નજીકથી કામ કરી રહ્યા છીએ, જેમાં કેટલાક નિયમન-આધારિત ખર્ચનો સમાવેશ થાય છે, જે તેને રૂ. 250 પર અવ્યવહારુ બનાવે છે.”

યુટીઆઇ મ્યુ. ફંડે સેવા બેન્ક સાથે શ્રમજીવી મહિલાઓ માટે માઇક્રો એસઆઇપીનો કન્સેપ્ટ અપનાવ્યો

સુશ્રી બુચે જણાવ્યું કે, કેટલાંક ફંડ હાઉસ એનજીઓ અને માઇક્રો ફાઇ. સંસ્થઆઓ સાથે મળી રૂ. 100ના યોગદાન સાથેની એસઆઇપી સુવિધા ઓફર કરે છે. હાલમાં, કેટલાક ફંડ હાઉસ રૂ. 100 ના લઘુત્તમ માસિક SIP યોગદાન સાથે માઇક્રો SIP સુવિધા ઓફર કરે છે. વાસ્તવમાં, થોડા વર્ષો પહેલા, કેટલાક ફંડ હાઉસે માઇક્રો SIPને પ્રોત્સાહન આપવા માટે NGO, માઇક્રો ફાઇનાન્સ સંસ્થાઓ અને સહકારી બેંકો જેવી થર્ડ પાર્ટી સંસ્થાઓ સાથે જોડાણ કર્યું હતું. માઇક્રો SIPs નાણાકીય સમાવિષ્ટ મોડલ પર કામ કરે છે જેનો ઉદ્દેશ્ય દેશના અર્ધ શહેરી અને ગ્રામીણ વિસ્તારોમાં દૈનિક વેતન મેળવનારાઓ પાસેથી નાની રકમો એકત્રિત કરવાનો છે. તેના અનુસંધાનમાં દિવ્ય ભાસ્કરમાં ઇપીએસ કોલમમાં ઉલ્લેખ કર્યો હતો કે યુટીઆઇ મ્યુચ્યુઅલ ફંડના તત્કાલિન ચેરમેન અને એમડી યુકે સિંહાએ મહિલાઓની સંસ્થા સેવા સાથે મજૂરી કરીને આજીવિકા રળતી શ્રમજીવી મહિલાઓ માટે એક એસઆઇપી સ્કીમ શરૂ કરાવી હતી. તે અનુસાર મહિલાઓ યથાશક્તિ મહિને રૂ. 10, 20, 50, 100 સેવા બેન્કના એક એકાઉન્ટમાં જમા કરાવે અને સેવા બેન્ક તે પૈસા યુટીઆઇ મ્યુચ્યુઅલ ફંડના બેલેન્સફંડમાં એસઆઇપી સ્વરૂપે જમા કરાવે. જેના કારણે છાણા વેચીને ગુજરાન ચલાવતા નાથીબેને રૂ. એક લાખથી વધુ ફંડ જમા કર્યું હતું.

વધુમાં એ પણ ઉલ્લેખનીય છે કે, દિત્ય બિરલા સન લાઈફ, એક્સિસ મ્યુચ્યુઅલ ફંડ, આઈસીઆઈસીઆઈ પ્રુડેન્શિયલ, નિપ્પોન, યુટીઆઈ, એસબીઆઈ, અને માઇક્રો એસઆઈપી વિકલ્પો ઓફર કરતા હતા. જો કે, ઉચ્ચ સંપાદન ખર્ચ અને લોજિસ્ટિક્સ સમસ્યાઓના કારણે માઇક્રો એસઆઈપી શરૂ થઈ ન હતી. મોડેથી, ટેક્નોલોજી અને ઓનલાઈન ડિસ્ટ્રીબ્યુટરના ઉદભવ સાથે એક્વિઝિશન અને લોજિસ્ટિક્સની કિંમતમાં ભારે ઘટાડો થયો છે.

(Disclaimer: The information provided here is investment advice only. Investing in the markets is subject to risks and please consult your advisor before investing.)

(સ્પષ્ટતા: અત્રેથી આપવામાં આવતી તમામ પ્રકારની માહિતી કોઇપણ પ્રકારે રોકાણ, ટ્રેડીંગ માટેની સલાહ નથી. બજારોમાં રોકાણ જોખમોને આધીન છે અને રોકાણ કરતા પહેલા કૃપા કરીને તમારા સલાહકારની સલાહ લો.)