Tata Technologies IPOમાં ટાટા મોટર્સના શેરહોલ્ડર્સ માટે રિઝર્વ શેર, જાણો કોણ લાભ લઈ શકશે

અમદાવાદ, 15 નવેમ્બરઃ ટાટા ગ્રૂપનો 20 વર્ષ બાદ આવી રહેલો અને રોકાણકારોમાં લોકપ્રિય બનેલો ટાટા ટેક્નોલોજીસના આઈપીઓમાં શેર રિઝર્વેશન અંગે ઘણી મુંઝવણો જોવા મળી છે. જેની પેરેન્ટ કંપની ટાટા મોટર્સના માન્ય શેરહોલ્ડર્સ માટે ટાટા ટેક્નોલોજીસના આઈપીઓ માટે 10 ટકા રિઝર્વ રાખવામાં આવ્યું છે. જેનો લાભ લેવા શેર હોલ્ડર ઉત્સાહી બનતાં ટાટા મોટર્સ અને ટાટા મોટર્સ ડીવીઆરના શેરો આજે વર્ષની ટોચે પહોંચ્યા છે. જો કે, તેનો લાભ કયાં શેરહોલ્ડરને મળશે તે જાણવા વધુ વિગતો વાંચો…

માન્ય શેરહોલ્ડર જ આ કેટેગરીમાં રોકાણ કરી શકશે

જો કોઈ વ્યક્તિ RHP ફાઇલના એક કામકાજના દિવસ પહેલા ટાટા મોટર્સના શેર ખરીદે છે, તો તેને પાત્ર ગણવામાં આવશે. RHP ફાઇલ કરવાની તારીખ 13 નવેમ્બર હતી. તેના એક દિવસ પહેલા એટલે કે 12મી નવેમ્બર સુધી ટાટા મોટર્સ ડીવીઆરના શેર ધરાવનારાઓને પણ પાત્ર શેરહોલ્ડર ગણવામાં આવશે.

શેરહોલ્ડર મહત્તમ ₹2,00,000 સુધીની રકમ માટે અરજી કરી શકે છે. પાત્ર શેરહોલ્ડર રિટેલ અથવા HNI (મોટા અથવા નાના) સાથે અરજી કરી શકે છે. જો અરજદાર કર્મચારી હોય તો તે ઉપરોક્ત 2 શ્રેણીઓ સાથે કર્મચારી શ્રેણીમાં અરજી કરી શકે છે. શેરહોલ્ડર કેટેગરીમાં ફાળવણી પ્રમાણના આધારે થશે.