ગુજરાતી શેર્સ વિ.સ. 2078: 357 ટકા રિટર્ન સાથે વેલસ્પન અને 217 ટકા રિટર્ન સાથે અદાણી પાવરમાં તેજીનો કરંટ

• ગુજરાતની 33 કંપનીના શેર્સમાં 2થી 257 ટકા સુધી સુધારો, 21માં ઘટાડો નોંધાયો
• રિટર્નની દ્રષ્ટિએ અદાણી, મેઘમણી, વેલસ્પન, વાડીલાલ, સ્ટેટ પીએસયુ શેર્સ ટોચે રહ્યા
• ઇન્ફિબીમ, દિશમાન કાર્બોજેન, GTPL હેથવે, ટોરન્ટ ફાર્મામાં 44થી 70 ટકાનું કરેક્શન

અમદાવાદઃ વિદાય લઇ રહેલાં વિક્રમ સંવત 2078ના છેલ્લા ટ્રેડિંગ દિવસે થઇ રહેલાં લેખા- જોખામાં વર્ષ દરમિયાન ગુજરાતની ટોચની કંપનીઓ પૈકી અદાણી જૂથ, મેઘમણી જૂથ, વેલસ્પન, વાડીલાલ જૂથથી માંડીને સ્ટેટ પીએસયુ શેર્સમાં બમ્પર રિટર્ન આપીને રોકાણકારોને ન્યાલ કરી દીધાં છે. ગુજરાતની 33 કંપનીઓએ 2 ટકાથી 357 ટકા સુધી રિટર્ન આપ્યુ હતું. ગુજરાતની લિસ્ટેડ ટોચની 61 ટકા કંપનીઓમાં સુધારો જોવા મળ્યો છે. જેમાં અદાણી ગ્રૂપ મોખરે રહ્યું છે.

કેમિકલ, એનર્જી, અને મેન્યુફેક્ચરિંગ ઈન્ડેક્સમાં તેજી

ગુજરાતની કેમિકલ, મેન્યુફેક્ચરિંગ સેગમેન્ટની કંપનીઓના શેર્સમાં તેજીની ચાલ જોવા મળી હતી. જ્યારે ન્યૂ ક્લિન એનર્જી પર ફોકસ કરતાં એનર્જી અને ગેસ શેર્સમાં પણ ઉછાળો નોંધાયો હતો.

ગુજરાતની લિસ્ટેડ 61 ટકા કંપનીઓમાં સુધારા અને ઊછાળા એક નજરે

(નોંધઃ અહીં આપેલી ગણતરીમાં બોનસ, રાઈટ્સ ઈશ્યૂ, સ્ટોક સ્પ્લિટને ધ્યાનમાં લેવામાં આવ્યા નથી. સ્રોતઃ BSEIndia)

ફાર્મા-હેલ્થકેર, આઈટીના શેર્સમાં રિવર્સ ટ્રેન્ડ

કોવિડ-19માં ફાર્મા અને હેલ્થકેર સેગમેન્ટની માગ રહેતાં શેર્સમાં અનેકગણો ઉછાળો નોંધાયો હતો. પરંતુ પાછળથી ફાર્મા અને હેલ્થકેરના શેરોની ચમક ઓછી થઈ છે. આઈટીમાં પણ પડકારો વધતા છેલ્લા કેટલાક સમયથી શેરમાં ઘટાડો નોંધાઈ રહ્યો છે.

38 ટકા કંપનીઓમાં મૂડી 50 ટકા સુધી ધોવાઈ

ગુજરાતની ટોચની 54 કંપનીઓમાંથી 38 ટકા કંપનીઓ અર્થાત 21 કંપનીઓના શેરમાં રોકાણકારોની મૂડી 5 ટકાથી 50 ટકા સુધી ધોવાઈ હતી. જેમાં સૌથી વધુ 70 ટકા નુકસાન ઈન્ફિબીમના શેરમાં થયું હતું.

સંવત 2078માં નેગેટીવ રિટર્ન આપનારા શેર્સની યાદી

(નોંધઃ અહીં આપેલી ગણતરીમાં બોનસ, રાઈટ્સ ઈશ્યૂ, સ્ટોક સ્પ્લિટને ધ્યાનમાં લેવામાં આવ્યા નથી. સ્રોતઃ BSEIndia)