ઇનોવા કેપ્ટેબ IPO દ્વારા રૂ. 400 કરોડ એકત્ર કરશે, DRHP ફાઇલ
![](https://businessgujarat.in/wp-content/uploads/2022/06/ipo-5.jpeg)
ફાર્મા સેક્ટરની કંપની ઇનોવા કેપ્ટેબ લિમિટેડે પ્રારંભિક પબ્લિક ઓફરિંગ (IPO) દ્વારા ભંડોળ ઊભું કરવા માટે સિક્યોરિટીઝ એક્સચેન્જ બોર્ડ ઑફ ઇન્ડિયા (SEBI) સમક્ષ ડ્રાફ્ટ રેડ હેરિંગ પ્રોસ્પેક્ટસ (DRHP) ફાઇલ કર્યું છે. IPOમાં રૂ. 400 કરોડ સુધી નવા શેર્સ ઇશ્યૂ કરશે. શેરધારકો અને પ્રમોટરો દ્વારા 96 લાખ શેરના વેચાણની ઓફરનો સમાવેશ થાય છે. OFS માં મનોજ કુમાર લોહરીવાલા, વિનય કુમાર લોહરીવાલા અને જ્ઞાન પ્રકાશ અગ્રવાલના 32 લાખ શેરનો સમાવેશ થાય છે.
ઇશ્યૂનો હેતુઃ
ઇશ્યૂની આવકમાંથી રૂ. 180.50 કરોડનો ઉપયોગ દેવું ચૂકવવા માટે કરવામાં આવશે, જ્યારે અન્ય રૂ. 29.50 કરોડ કંપનીના હાથ UMLના દેવાની સેવા કરશે. કાર્યકારી મૂડીની જરૂરિયાતો પૂરી કરવા માટે રૂ. 90 કરોડનો ઉપયોગ કરવામાં આવશે.
કંપનીની સ્થિતિઃ
મે 2022 સુધીમાં, તેની કુલ સિક્યોર્ડ બોરોઇંગ કન્સોલિડેટેડ ધોરણે રૂ. 215.52 કરોડ હતી.
લીડ મેનેજર્સઃ
ICICI સિક્યોરિટીઝ અને જેએમ ફાઇનાન્શિયલ ઇશ્યૂના લીડ મેનેજર છે.
કંપની વિશે જાણકારીઃ
કંપની એક સંકલિત ફાર્માસ્યુટિકલ કંપની છે, જેમાં સંશોધન અને વિકાસ, ઉત્પાદન, દવાનું વિતરણ અને માર્કેટિંગ અને નિકાસ સહિત મૂલ્ય શૃંખલામાં હાજરી છે. કંપની ભારતીય ફાર્માસ્યુટિકલ કંપનીઓને ઉત્પાદન સેવાઓ પણ પૂરી પાડે છે અને સ્થાનિક તેમજ આંતરરાષ્ટ્રીય બ્રાન્ડેડ જેનરિક બિઝનેસ ધરાવે છે.
પ્લાન્ટ વિશેઃ
બદ્દી, હિમાચલ પ્રદેશમાં બે ઉત્પાદન સુવિધાઓ ધરાવે છે, જે ગોળીઓ, કેપ્સ્યુલ્સ, ડ્રાય સિરપ, ડ્રાય પાવડર ઈન્જેક્શન, મલમ અને લિક્વિડ ઓરલનું ઉત્પાદન કરે છે. ભારતમાં ટેબ્લેટ અને કેપ્સ્યુલ ઉત્પાદન ક્ષમતાના સંદર્ભમાં તે તેના સાથીદારોમાં ત્રીજા ક્રમે છે.
કંપનીની નાણાકીય કામગીરી અંગે
FY21 માટે તેની આવક રૂ. 410.66 કરોડ હતી, જે અગાઉના વર્ષે રૂ. 373.32 કરોડ હતી. વર્ષનો ચોખ્ખો નફો FY20માં રૂ. 27.89 કરોડની સામે રૂ. 34.50 કરોડ હતો. ડિસેમ્બર 2021ના રોજ પૂરા થયેલા નવ મહિનામાં આવક રૂ. 584.12 કરોડ અને ચોખ્ખો નફો રૂ. 50.88 કરોડ હતો.
IPO કેલેન્ડર એટ એ ગ્લાન્સ
કંપની | સેક્ટર | રેટિંગ | પ્રાઇસ બેન્ડ | રૂ. કરોડ | લોટ સાઇઝ | ખુલશે | બંધ થશે |
Veerkrupa Jewel | SME IPO | Not Rated | 27.00 | 8.1 | 4000 | 29-Jun | 05-Jul |
Jayant Infratec | SME IPO | Not Rated | 67.00 | 6.19 | 2000 | 30-Jun | 05-Jul |
Kesar India | SME IPO | Not Rated | 170.00 | 15.82 | 800 | 30-Jun | 04-Jul |
Mangalam Worldw | SME IPO | Not Rated | 101.00 | 65.58 | 1200 | 30-Jun | 04-Jul |
B Right | SME IPO | Not Rated | 153.00 | 44.36 | 800 | 30-Jun | 05-Jul |
SKP Bearing | SME IPO | Not Rated | 70.00 | 30.8 | 2000 | 30-Jun | 05-Jul |