FirstCryની પેરેન્ટ કંપની બ્રેઈનબીઝે સેબી સમક્ષ આઈપીઓ માટે ડ્રાફ્ટ ફાઈલ કર્યો

અમદાવાદ, 28 ડિસેમ્બરઃ બાળકો માટેની ફેશનવેયર બ્રાન્ડ અને ઓનલાઈન ઈ-કોમર્સ યુનિકોર્ન ફર્સ્ટક્રાય (FirstCry)ની પેરેન્ટ કંપની બ્રેઈનબીઝે માર્કેટ રેગ્યુલેટર સિક્યોરિટીઝ એન્ડ એક્સચેન્જ બોર્ડ ઓફ ઈન્ડિયા (SEBI) સમક્ષ IPO પેપર્સ ફાઇલ કર્યા છે. જેમાં ફર્સ્ટક્રાય પ્રાઈમરી ઈશ્યૂ દ્વારા રૂ. 1,816 કરોડ એકત્ર કરશે, જ્યારે M&M, SoftBank અને અન્ય વર્તમાન રોકાણકારો ઓફર ફોર સેલ (OFS) દ્વારા કુલ 5.44 કરોડ શેર વેચશે.

ઓફર ફોર સેલમાં ઓટોમોટિવ કંપની મહિન્દ્રા એન્ડ મહિન્દ્રા (M&M), ખાનગી ઇક્વિટી ફર્મ TPG, NewQuest Asia અને SoftBank જેવા હાલના રોકાણકારો મળીને બ્રેઇનબીઝના કુલ 5.44 કરોડ શેરનું વેચાણ કરશે.

ફર્સ્ટક્રાય તેના IPO દ્વારા કુલ $500 મિલિયન (આશરે રૂ. 4,200 કરોડ) એકત્ર કરવા માંગે છે અને તેમાંથી 60 ટકા ઓફર ફોર સેલ (OFS) હશે જ્યારે બાકીનો ફ્રેશ ઈસ્યૂ હશે. કંપની 2024ની શરૂઆતમાં લિસ્ટિંગ કરાવવાની યોજના ધરાવે છે.

કંપની DRHP મુજબ નવા સ્ટોર્સ અને વેરહાઉસ ખોલવા માટે ભંડોળનો ઉપયોગ કરશે અને આંતરરાષ્ટ્રીય સ્તરે વિસ્તરણ પણ કરશે.

ફર્સ્ટક્રાય તેના IPO માટે આશરે $3.5-3.75 અબજના વેલ્યૂએશન પર નજર રાખી રહ્યું હતું, જે તેણે તેના છેલ્લા ખાનગી ભંડોળના સંગ્રહ દરમિયાન કમાન્ડ કરેલા $3 અબજ કરતાં સહેજ વધારે હતું.

M&M અને SoftBank, Apricot Investments, Valiant Mouritius, TIMF, Think India Opportunities Fund, Schroders અને PI ઓપોર્ચ્યુનિટીઝ જેવા નોંધપાત્ર નામો ઉપરાંત, ફર્સ્ટક્રાયમાં હિસ્સો વેચશે.

જ્યારે ઓટોમોબાઈલ ઉત્પાદક M&M બ્રેઈનબીસ સોલ્યુશન્સમાં 0.58 ટકા હિસ્સો અથવા 28 લાખ શેર વેચશે, ત્યારે DRHP ફાઇલિંગ મુજબ, સોફ્ટબેન્ક ઈ-કોમર્સ મેજરમાં તેના હોલ્ડિંગ ઘટાડી 2.03 કરોડ શેર ઓફલોડ કરશે.

તાજેતરમાં, સોફ્ટબેન્કે કથિત રીતે ફર્સ્ટક્રાયમાં રૂ. 630 કરોડના શેરનું વેચાણ કર્યું હતું અને તે જ ક્રિકેટર સચિન તેંડુલકર, ઇન્ફોસિસના કો-ફાઉન્ડર ક્રિસ ગોપાલક્રિષ્નન, એથનિક વેયર બ્રાન્ડ મણ્યાવરના રવિ મોદી, અન્ય ઘણા લોકો સહિતની ફેમિલી ઓફિસ દ્વારા ખરીદવામાં આવ્યા હતા.

નાણાકીય સ્થિતિ

ફર્સ્ટક્રાયની કોન્સોલિડેટેડ ચોખ્ખી ખોટ FY22માં રૂ. 79 કરોડથી વધીને FY23માં રૂ. 486 કરોડ થઈ હતી. તે જ સમયે, તેની કોન્સોલિડેટેડ આવક 135 ટકા વધીને રૂ. 5,633 કરોડ થઈ છે, જેના કારણે સોફ્ટબેન્ક-સમર્થિત કંપની રૂ. 5,000 કરોડથી વધુની આવક ધરાવતા યુનિકોર્ન સ્ટાર્ટઅપ્સની લીગમાં જોડાઈ છે.

IPOની પ્રાઇસ બેન્ડ નક્કી થયા પછી, બુક રનિંગ લીડ મેનેજર્સ સાથે પરામર્શ કરીને બ્રેઇનબીસ દ્વારા શેરની વેચાણ કિંમત નક્કી કરવામાં આવશે. કોટક, મોર્ગન સ્ટેનલી, બોફા સિક્યોરિટીઝ, જેએમ ફાઇનાન્શિયલ અને એવેન્ડસ ફર્સ્ટક્રાયના લીડ મેનેજર છે.

કંપની અપેક્ષા રાખે છે કે માર્કેટિંગ, વિસ્તરણ, છૂટક વિતરણ, સ્ટોક ઓપ્શન્સ તરફના તેના ખર્ચ તેમની નાણાકીય સ્થિતિ પર પ્રતિકૂળ અસર કરી શકે છે.