Tata AIA Lifeએ આત્મનિર્ભર ભારત વિઝન પર સંચાલિત ટાટા એઆઈએ રાઈઝિંગ ઈન્ડિયા ફંડ લોન્ચ કર્યું

અમદાવાદ, 19 માર્ચઃ ટોચની ખાનગી વીમા કંપનીઓ પૈકી એક ટાટા એઆઈએ લાઈફ ઈન્સ્યોરન્સ (Tata AIA)એ ભારતની વિકાસ યાત્રામાં સહભાગી બનવાના હેતુ સાથે યુનિક એવેન્યુ ટાટા એઆઈએ રાઈઝિંગ ઈન્ડિયા ફંડ લોન્ચ કર્યું છે. આ નવો એનએફઓ 31 માર્ચ સુધી ખૂલ્લો રહેશે, જેની NAV રૂ.10 પ્રતિ યુનટિ છે.

રાઈઝિંગ ઈન્ડિયા ફંડ આત્મનિર્ભર ભારત વિઝન સંચાલિત મુખ્ય ક્ષેત્રો અને કંપનીઓમાં રોકાણ કરશે. જેમાં ઈન્ફ્રાસ્ટ્રક્ચર, મેન્યુફેક્ચરિંગ, બેન્કિંગ, ડિજિટલ, ડિફેન્સ સહિતના ક્ષેત્રો સમાવિષ્ટ છે. ફંડ સમગ્ર માર્કેટ કેપમાં કંપનીઓમાં રોકાણ કરશે અને વિકસતા ક્ષેત્રોને આવરી લેશે, જે ફંડ મેનેજરને ભારતના વિકાસ એન્જિનને ચલાવવા માટે વિવિધ તકોનો ઉપયોગ કરવામાં સક્ષમ બનાવશે.

મૂડીમાં વધારો કરવા માટે, ફંડના રોકાણના 70%-100% ઇક્વિટી અને ઇક્વિટી-સંબંધિત સાધનોમાં અને 0%- 30% ડેટ અને મની માર્કેટ ઇન્સ્ટ્રુમેન્ટ્સમાં કરવામાં આવશે. ટાટા AIA રાઇઝિંગ ઇન્ડિયા ફંડ રોકાણકારોને ઉચ્ચ ગુણવત્તાવાળા, વૈવિધ્યસભર પોર્ટફોલિયો અને મજબૂત પ્રદર્શન સંભવિતતા ધરાવતા એક ફંડમાં તમામ માર્કેટ કેપમાં રોકાણ કરવાની પસંદગી આપે છે. ટાટા AIA પોલિસીધારકો આ ફંડમાં પ્રો-ફિટ, પરમ રક્ષક સોલ્યુશન, પરમ રક્ષક પ્લસ સોલ્યુશન, પરમ રક્ષક II સોલ્યુશન, પરમ રક્ષક આરઓપી સોલ્યુશન, પરમ રક્ષક IV સોલ્યુશન, પરમ રક્ષક પ્રો સોલ્યુશન, પરમ રક્ષક એલીટ સોલ્યુશન સહિત બહુવિધ ઉત્પાદનો દ્વારા રોકાણ કરી શકે છે. આ ગ્રાહકોને તેમના પ્રિયજનોને જીવન વીમા કવચની સુરક્ષા સાથે સુરક્ષિત કરતી વખતે ઇક્વિટીની લાંબા ગાળાની વૃદ્ધિની સંભાવનાનો લાભ મેળવવાની અનન્ય તક આપે છે.

તાજેતરના વર્ષોમાં ટાટા એઆઈએ લાઇફે તેના યુનિટ લિંક્ડ પ્રોડક્ટ્સના વિવિધ પોર્ટફોલિયો સાથે સતત રોકાણની નવી તકો રજૂ કરી છે. આ ઓફરિંગ્સ સતત બેન્ચમાર્ક કરતાં વધુ સારું રિટર્ન આપે છે.

NFO લોન્ચિંગ અંગે ટાટા એઆઈએના ચીફ ઈન્વેસ્ટમેન્ટ ઓફિસર અને એક્ઝિક્યુટીવ વાઈસ પ્રેસિડન્ટ હર્ષદ પાટીલે જણાવ્યું હતું કે, તાજેતરના વર્ષોમાં, ભારતે સૌથી ઝડપથી વિકસતી મોટી અર્થવ્યવસ્થા બનીને તેનો વૈશ્વિક પ્રભાવ દર્શાવ્યો છે. આ નવા ફંડ દ્વારા, અમે અમારા ઉપભોક્તાઓને આ અદ્ભુત પ્રવાસમાં ભાગ લેવા અને તેનો લાભ લેવાનો માર્ગ પ્રદાન કરવા માંગીએ છીએ. અમારા ગ્રાહકોએ હંમેશા ટાટા AIA ઓફર કરેલા ULIP ફંડ્સમાં રોકાણ કરીને ભારતીય ઇક્વિટી માર્કેટની લાંબા ગાળાની વૃદ્ધિની સંભાવનાનો લાભ મેળવ્યો છે. અમે અમારા ફંડની કામગીરીમાં આલ્ફા જનરેટ કરવા માટે સતત પ્રયત્નશીલ રહીશું. મજબૂત સંચાલિત સંશોધન પ્રક્રિયા અને બોટમ-અપ સ્ટોક સિલેક્શન અભિગમ સાથે, અમે અમારા પોલિસીધારકોને સ્થાયી મૂલ્ય અને રિટર્ન આપવા માટે પ્રતિબદ્ધ છીએ.