Adani Energy Solutionsના શેરમાં BUY રેટીંગ સાથે અપસાઈડની આગાહી

અમદાવાદ, 2 ઓક્ટોમ્બર 2024: AESLના સ્માર્ટ મીટરિંગ સહિતના વૈવિધ્યસભર બિઝનેસ સેગમેન્ટને વિસ્તારવાના કંપનીના ફોકસને ધ્યાનમાં રાખી ICICI સિક્યોરિટીઝે બાય રેટીંગ આપ્યું છે.ICICI સિક્યોરિટીઝે નાણાકીય વર્ષ 2024 અને નાણાકીય વર્ષ 2027 વચ્ચે અદાણી એનર્જી સોલ્યુશન્સના એબિટડામાં 32% ચક્રવૃદ્ધિ દરનો અંદાજ મૂક્યો છે, જેમાં નવી ટ્રાન્સમિશન બિડ્સ, સ્માર્ટ મીટર પ્રોજેક્ટ્સ અને વિતરણ ક્ષેત્રોમાં વૃદ્ધિનો સમાવેશ થાય છે.

કંપનીએ શરૂઆતમાં રૂ. 11,000 કરોડના રોકાણો અને રૂ. 3,300 કરોડની રેગ્યુલેટેડ ઇક્વિટી સાથે કોસ્ટ-પ્લસ ટ્રાન્સમિશન એસેટ્સ વિકસાવવા પર ધ્યાન કેન્દ્રિત કર્યું હતું. તેણે મુંબઈ ડિસ્કોમને હસ્તગત કરીને ડિસ્ટ્રિબ્યુશન બિઝનેસમાં પ્રવેશ કર્યો, પરિણામે નાણાકીય વર્ષ 2020 થી નાણાકીય વર્ષ 2024 સુધી નિયંત્રિત ઈક્વિટીમાં 9% CAGR વૃદ્ધિ થઈ, જે રૂ. 6,000 કરોડ સુધી પહોંચી ગઈ હતી. કંપનીએ તેના વિવિધ વ્યવસાયોમાં નોંધપાત્ર વધારો કર્યો છે, જેનાથી ટ્રાન્સમિશન સ્પેસમાં 20% બજાર હિસ્સા સાથે તે સૌથી મોટી ખાનગી કંપની બની છે.

અદાણી એનર્જી સોલ્યુશન્સે નાણાકીય વર્ષ 2016 અને નાણાકીય વર્ષ 2025ના પ્રથમ અર્ધવાર્ષિક ગાળાની વચ્ચે રૂ. 17,000 કરોડની ટ્રાન્સમિશન એસેટ મેળવી છે અને રૂ. 27,200 કરોડના મૂલ્યનો સ્માર્ટ મીટર બિઝનેસ સ્થાપવા માટે મુંબઈ ડિસ્કોમના સંચાલનમાં તેના અનુભવનો લાભ લીધો છે.આગામી 12 થી 18 મહિનામાં રૂ. 1.6 ટ્રિલિયન મૂલ્યની નવી ટ્રાન્સમિશન સંપત્તિઓ અને રૂ. 1.2 ટ્રિલિયન સ્માર્ટ મીટર પ્રોજેક્ટ્સ માટેની ભારતની આગામી બિડ્સ અદાણી એનર્જી સોલ્યુશન્સના વ્યવસાયોને નોંધપાત્ર તકો પૂરી પાડશે.

(Disclaimer: The information provided here is investment advice only. Investing in the markets is subject to risks and please consult your advisor before investing.)

(સ્પષ્ટતા: અત્રેથી આપવામાં આવતી તમામ પ્રકારની માહિતી કોઇપણ પ્રકારે રોકાણ, ટ્રેડીંગ માટેની સલાહ નથી. બજારોમાં રોકાણ જોખમોને આધીન છે અને રોકાણ કરતા પહેલા કૃપા કરીને તમારા સલાહકારની સલાહ લો.)