અમદાવાદ જિલ્લાની પૂર્વ અને પશ્ચિમ લોકસભા બેઠક માટે પ્રથમ દિવસે કુલ 98 ફોર્મનું વિતરણ

અમદાવાદની બન્ને બેઠકો માટે 44 જેટલાં વ્યક્તિઓ ફોર્મ લઈ ગયા

અમદાવાદ, 13 એપ્રિલઃ ગુજરાતમાં લોકસભાની સામાન્ય ચૂંટણી આગામી તારીખ 7 મે-2024ના રોજ યોજાનાર છે. આ ચૂંટણીનું આજે વિધિવત જાહેરનામું પડવાની સાથે ઉમેદવારી ફોર્મ ભરવાની શરૂઆત આજથી થઈ છે. જોકે ઉમેદવારી ફોર્મ ભરવાના પ્રથમ દિવસે આજે અમદાવાદ જિલ્લાની પૂર્વ અને પશ્ચિમ લોકસભા બેઠક માટે એક પણ ઉમેદવારી ફોર્મ ભરાયું નથી પરંતુ ફોર્મ ભરવાના પ્રથમ દિવસે 44 જેટલાં વ્યક્તિઓ 98 ફોર્મ લઈ ગયા છે. જેમાં અમદાવાદ પૂર્વ બેઠક માટે 29 વ્યક્તિઓ 59 ફોર્મ લઈ ગયા છે જ્યારે પશ્ચિમ બેઠક માટે 15 વ્યક્તિઓ 39 ફોર્મ લઈ ગયા છે.

તમારે પણ ઉમેદવારી પત્ર ભરવું છે…. ફોર્મ અહિંથી મળશે

 આ ભરાયેલા ઉમેદવારી પત્રોની ચકાસણી આગામી તા.૨૦/૦૪/૨૦૨૪ના રોજ સવારના ૧૧.૦૦ વાગ્યાથી સબંધિત ચૂંટણી અધિકારીની કચેરી ખાતે હાથ ધરવામાં આવશે અને તા.૨૨/૦૪/૨૦૨૪ના બપોરના ૩.૦૦ કલાક પહેલા ઉમેદવારી પરત ખેંચી શકાશે. એટલે કે તારીખ ૨૨ એપ્રિલના સાંજે ઉમેદવારોનું ચિત્ર સ્પષ્ટ થશે.