ગુજરાતમાં ઈ-કોમર્સ ઓર્ડરના વોલ્યુમમાં 48% વૃદ્ધિ
અમદાવાદ, 27 જૂનઃ ભારતમાં ઓનલાઈન શોપિંગનું પ્રમાણ વધી રહ્યું છે ત્યારે વૈશ્વિક સ્તરે પ્રોડક્શન હબ તરીકે જાણીતા ગુજરાતમાં છેલ્લા એક વર્ષમાં ઈ-કોમર્સ ઓર્ડર વોલ્યુમમાં સતત વધારો જોવા મળ્યો છે. સમગ્ર પ્રદેશમાં નાણાંકીય વર્ષ 2022ની સરખામણીમાં નાણાંકીય વર્ષ 2023માં ઈ-કોમર્સ ઓર્ડર વોલ્યુમમાં 48%થી વધુનો વધારો થયો છે. અમદાવાદ, સુરત અને વડોદરા રાજ્યમાં ઓનલાઈન શોપિંગ કરતાં વધી રહેલા ગ્રાહકોનું પાવરહાઉસ છે ત્યારે અન્ય વિસ્તારોના ગ્રાહકોએ પણ રાજ્યમાં વધતા ઈ-કોમર્સ વોલ્યુમમાં ફાળો આપ્યો છે. ઈકોમર્સ ઈનેબલમેન્ટ SaaS કંપનીઓમાંની એક યુનિકોમર્સે આ પ્રદેશમાં ગ્રાહક ખરીદીના ટ્રેન્ડ્સને સમજવા માટે છેલ્લા બે નાણાંકીય વર્ષમાં ગુજરાતમાં પ્રોસેસ કરાયેલા 26 મિલિયનથી વધુ ઓર્ડરનું મૂલ્યાંકન કર્યું છે. કંપનીએ અહેવાલ આપ્યો છે કે ગત નાણાંકીય વર્ષના સમાન સમયગાળાની સરખામણીમાં નાણાંકીય વર્ષ 2023માં 70%થી વધુની મજબૂત ઓર્ડર વોલ્યુમ વૃદ્ધિ જોવા મળી છે. તેમાં ઓડિયો પ્રોડક્ટ્સ, ચાર્જર, કેબલ્સ, સ્માર્ટ લાઇટ્સ, ડિસ્પ્લે, IoT પેરિફેરલ્સ અને બેટરી જેવા ઇલેક્ટ્રોનિક કમ્પોનેન્ટ્સનો સમાવેશ થાય છે. ઇલેક્ટ્રોનિક્સ સેગમેન્ટની વૃદ્ધિ બ્રાન્ડ વેબસાઇટ્સને આભારી છે જેમાં ઓર્ડર વોલ્યુમમાં 200%થી વધુનો વધારો થયો છે જ્યારે માર્કેટપ્લેસ ઓર્ડર વોલ્યુમ 50% વધ્યું છે.
ગુજરાતમાં વધી રહેલા ટ્રેન્ડ્સ વિશે બોલતા યુનિકોમર્સનાં સીઈઓ કપિલ મખીજાએ જણાવ્યું હતું કે, ગુજરાતમાં ઈ-કોમર્સ માર્કેટ અનેકગણી વૃદ્ધિ જોવા માટે તૈયાર છે અને અમે સમગ્ર પ્રદેશમાં નવીન સોલ્યુશન્સ તથા બિઝનેસ વૃદ્ધિને આગળ વધારવા માટે ટેક્નોલોજીનો લાભ લેવા માટે પ્રતિબદ્ધ છીએ.
- બ્યૂટી અને પર્સનલ કેર તથા ફેશન એસેસરીઝ એ બે મોટા ઈ-કોમર્સ સેગમેન્ટ્સ છે જેમાં નાણાંકીય વર્ષ 2022ની સરખામણીમાં નાણાંકીય વર્ષ 2023માં ઓર્ડર વોલ્યુમમાં 40%થી વધુ વૃદ્ધિ જોવાઈ છે. માર્કેટપ્લેસે બ્યૂટી અને પર્સનલ કેર તથા ફેશન એસેસરીઝ સેગમેન્ટમાં અનુક્રમે 84% અને 59% ઓર્ડર વોલ્યુમ વૃદ્ધિ નોંધાવી છે અને બ્રાન્ડ વેબસાઇટ્સ કરતાં વધુ સારું પ્રદર્શન કર્યું છે.
- હેલ્થ અને ફાર્મા તથા હોમ ડેકોર ગુજરાતમાં અગ્રણી કેટેગરી બની રહ્યા છે અને બંને સેગમેન્ટે અનુક્રમે 32% અને 25% વૃદ્ધિ નોંધાવી છે.
ગુજરાતમાં ડીટુસી કંપનીઓની સંખ્યામાં થઇ રહેલો વધારો
ગુજરાતમાં ડીટુસી કંપનીઓની સંખ્યામાં વધારો થઈ રહ્યો છે. તે જોવું પણ રસપ્રદ છે કે ગુજરાતના 70%થી વધુ વ્યવસાયો સમગ્ર દેશમાં ગ્રાહકોને ફેશન પ્રોડક્ટ્સ વેચે છે. યુનિકોમર્સ ગુજરાતમાં 400થી વધુ બિઝનેસીસને સશક્ત બનાવે છે જે પ્રદેશમાં સ્થિત સ્થાનિક તેમજ રાષ્ટ્રીય બ્રાન્ડના 1100થી વધુ એકમોના ઈ-કોમર્સ કામગીરીનું સંચાલન કરે છે.
