ઇન્ડેલ મનીનો રૂ. 100 કરોડના રિડિમેબલ NCD ઇશ્યૂનો ત્રીજો તબક્કો
- પ્રત્યેક રૂ. 1,000ની ફેસ વેલ્યુ ધરાવતા સિક્યોર્ડ એનસીડી
- ઇશ્યૂમાં રૂ. 50 કરોડ સુધીના બેઝ ઇશ્યૂ સાઇથ સાથે રૂ. 50 કરોડ સુધીના ઓવરસબસ્ક્રિપ્શનને જાળવી રાખતા રૂ. 100 કરોડનો વિકલ્પ સામેલ
- ઇશ્યૂ 06 જૂન, 2023ના રોજ ખૂલશે અને 19 જૂન, 2023ના રોજ બંધ થશે
- ક્રિસિલ રેટિંગ્સ લિમિટેડ દ્વારા બીબીબી+/સ્ટેબલ રેટિંગ અંતર્ગત પ્રસ્તાવિત એનસીડી ઇશ્યૂ છે
- 72 મહિનામાં રોકાણ બમણું – વિકલ્પ 8
- વાર્ષિક 12.25 ટકા સુધીની કૂપન યિલ્ડ
- સંપૂર્ણ સિક્યોર્ડ એનસીડીની અવધી 400 દિવસથી 72 મહિના
- એનસીડીના તમામ વિકલ્પોમાં લઘુત્તમ એપ્લીકેશન સાઇઝ રૂ. 10,000
- એનસીડી બીએસઇ લિમિટેડ ઉપર લિસ્ટ થવાની દરખાસ્ત
અમદાવાદ, 1 જૂન: ગોલ્ડ લોન સેક્ટરમાં નોન-ડિપોઝિટ ટેકિંગ અને પ્રણાલીગતરૂપે મહત્વપૂર્ણ નોન-બેંકિંગ ફાઇનાન્સ કંપની (એનબીએફસી) ઇન્ડેલ મની લિમિટેડે પ્રત્યેક રૂ. 1,000ની ફેસ વેલ્યુ ધરાવતા સિક્યોર્ડ એનસીડીના પબ્લિક ઇશ્યૂના ત્રીજા તબક્કાની જાહેરાત કરી છે. આ ઇશ્યૂ 06 જૂન, 2023ના રોજ ખૂલશે અને 19 જૂન, 2023ના રોજ બંધ થશે. (વહેલા ઓવર સબસ્ક્રિપ્શનની સ્થિતિમાં વહેલા ક્લોઝરના વિકલ્પ સાથે).
ઇન્ડેલ મનીના એક્ઝિક્યુટિવ ડાયરેક્ટર અને સીઇઓ ઉમેશ મોહનને કહ્યું કે, સ્પર્ધાત્મક ક્ષમતાઓનો લાભ લેવા અને ગોલ્ડ લોન ઇન્ડસ્ટ્રીમાં હાજરીને વધારવા તથા ઉપસ્થિતિ વિસ્તારવા માટે બિઝનેસની વ્યૂહરચનાને ડિઝાઇન કરવામાં આવી છે. આ ઇશ્યૂ દ્વારા અમે અમારા ફંડ્સના સ્રોતોમાં વધારો કરવા માગીએ છીએ. સિક્યોર્ડ એનસીડી પ્રત્યેક રૂ. 1,000ની ફેસ વેલ્યુ ધરાવે છે. ઇશ્યૂમાં રૂ. 50 કરોડ સુધીની રકમ માટે બેઝ ઇશ્યૂ સાઇઝ સામેલ છે, જેમાં રૂ. 50 કરોડના ઓવરસબસ્ક્રિબ્શનને જાળવી રાખતાં કુલ રૂ. 100 કરોડનો વિકલ્પ છે. ઇશ્યૂના લીડ મેનેજર વિવરો ફાઇનાન્સિયલ સર્વિસિસ પ્રાઇવેટ લિમિટેડ છે. આ ઇશ્યૂ દ્વારા એકત્ર કરાયેલાં ભંડોળનો ઉપયોગ ધિરાણ અને ફાઇનાન્સિંગના હેતુ માટે કરાશે.
ઇન્ડેલ મનીએ નાણાકીય વર્ષ 2023માં વિતરણમાં 210 ટકાની નોંધપાત્ર વૃદ્ધિ સાધી છે તથા રૂ. 3000 કરોડના મૂલ્યની લોનનું વિતરણ કર્યું છે. તેના લોન પોર્ટફોલિયોમાં ગોલ્ડ લોનનો હિસ્સો 92 ટકા સુધી છે. નાણાકીય વર્ષ 2023માં ઇન્ડેલ મનીએ તેની એસેટ અન્ડર મેનેજમેન્ટ (એયુએમ) 72 ટકા જેટલી વધારીને રૂ. 1,154 કરોડ કરી છે, જે નાણાકીય વર્ષ 2022માં રૂ. 669 કરોડ હતી. હવે ઇન્ડેલ મની વર્તમાન નાણાકીય વર્ષમાં રૂ. 2100 કરોડની એયુએમનું લક્ષ્ય ધરાવે છે, જેનો વૃદ્ધિદર 81 ટકા રહેશે. કંપનીનું કુલ એયુએમમાં ગોલ્ડ લોનનો હિસ્સો 90 ટકાથી વધુ રાખવાનું પણ લક્ષ્ય છે. ઇન્ડેલ મનીએ મે 2022માં રૂ. 100 કરોડના એનસીડીના બીજા તબક્કાને લોંચ કર્યો હતો.
કંપની નાણાકીય વર્ષ 2024માં ડિબેન્ચર્સ ઇશ્યૂ કરીને અંદાજે રૂ. 300 કરોડ ઉભા કરવાની યોજના ધરાવે છે. એનબીએફસીની આ ઇશ્યૂમાંથી પ્રાપ્ત થયેલાં ભંડોળનો ઉપયોગ તેના ગોલ્ડ લોન બિઝનેસમાં કરવાની યોજના છે. વધુમાં એનબીએફસી નાણાકીય વર્ષ 2024-25માં નવા ક્ષેત્રોમાં પ્રવેશ કરીને પ્રાઇવેટ ઇક્વિટી (પીઇ) ઉભી કરવાની પણ યોજના ધરાવે છે. હાલમાં ઇન્ડેલ મની 8 રાજ્યોમાં કામગીરી ધરાવે છે તથા નાણાકીય વર્ષ 2025 સુધીમાં ભારતના 15 રાજ્યોમાં 500થી વધુ બ્રાન્ચ સાથે ઉપસ્થિતિ વધારવાની યોજના ધરાવે છે.
