NSE ઇન્ડાઇસિસે પ્રથમ મ્યુનિસિપલ બોન્ડ ઇન્ડેક્સ લોંચ કર્યો

મુંબઇ: NSEની ઇન્ડેક્સ સર્વિસિસની પેટાકંપની NSE ઇન્ડાઇસિસ લિમિટેડે બેંગલુરુ ખાતે મ્યુનિસિપલ ડેટ સિક્યોરિટીઝ પરનાં સેબી વર્કશોપમાં ભારતનાં સર્વ પ્રથમ મ્યુનિસિપલ બોન્ડ ઇન્ડેક્સ નિફ્ટી ઇન્ડિયા મ્યુનિસિપલ બોન્ડ ઇન્ડેક્સ લોંચ કર્યા હતા.

નિફ્ટી ઇન્ડિયા મ્યુનિસિપલ બોન્ડ ઇન્ડેક્સ ભારતની મ્યુનિસિપલ કોર્પોરેશન દ્વારા જારી કરવામાં આવતા વિવિધ પાકતી મુદતનાં અને ઇન્વેસ્ટમેન્ટ ગ્રેડ ક્રેડિટ રેટિંગ ધરાવતાં મ્યુનિસિપલ બોન્ડની કામગીરીને ટ્રેક કરે છે. ઇન્ડેક્સમાં સિક્યોરિટીઝ એક્સચેન્જ બોર્ડ ઓફ ઇન્ડિયા ઇશ્યુ અને મ્યુનિસિપલ ડેટ સિક્યોરિટીઝ રેગ્યુલેશન, 2015 દ્વારા જારી કરવામાં આવતા મ્યુનિસિપલ બોન્ડ્સનો સમાવેશ થાય છે. હાલમાં, ઇન્ડેક્સમાં 10 ઇશ્યુઅર્સ દ્વારા જારી કરવામાં આવતા 28 મ્યુનિસિપલ બોન્ડ છે, જે તમામ AA રેટિંગ કેટેગરી ધરાવે છે.

NSE ઇન્ડાઇસિસના સીઇઓ મુકેશ અગરવાલે જણાવ્યું કે, મ્યુનિસિપલ બોન્ડ માર્કેટમાં ભારતની વિવિધ મ્યુનિસિપલ કોર્પોરેશન્સની ઋણ જરૂરિયાત માટે ધિરાણ મેળવવામાં મહત્વની ભૂમિકા ભજવે તેવી સંભાવના છે. મ્યુનિસિપલ કોર્પોરેશન દ્વારા જારી કરવામાં આવતા બોન્ડમાંથી મળતી આવકનો ઉપયોગ વૃધ્ધિલક્ષી ઇન્ફ્રાસ્ટ્રક્ચર પ્રોજેક્ટનાં જરૂરી વિસ્તરણ માટે ધિરાણ પૂરૂં પાડવા થઈ શકે છે અને તે ભારતનાં શહેરી ઇન્ફ્રાસ્ટ્રક્ચર ધિરાણમાં રહેલો અવકાશ પૂરી શકે છે. ભારતનાં સૌ પ્રથમ મ્યુનિસિપલ બોન્ડ ઇન્ડેક્સ ‘નિફ્ટી ઇન્ડિયા મ્યુનિસિપલ બોન્ડ ઇન્ડેક્સ’ બજારનું પ્રતિનિધિત્વ કરતાં બેન્ચમાર્ક રજૂ કરવાનાં NSEનાં વિઝનને અનુરુપ છે.

આ ઇન્ડેક્સની ગણતરી પ્રાઇસ રિટર્ન અને કુપર રિટર્ન સહિતની કુલ રિટર્ન મેથડોલોજીનો ઉપયોગ કરીને કરવામાં આવે છે. ઇન્ડેક્સની બેઝ ડેટ 01 જાન્યુઆરી, 2021 છે અને તેની બેઝ વેલ્યુ 1000 છે. ઇન્ડેક્સની સમીક્ષા ત્રિમાસિક ધોરણે થશે. આ ઇન્ડેક્સ બેન્ચમાર્ક મેનેજર્સ માટે બેન્ચમાર્ક તરીકે ઉપયોગી થશે અને એક્સચેન્જ ટ્રેડેડ ફન્ડ્સ (ETFs), ઇન્ડેક્સ ફન્ડ્સ સ્ટ્રક્ચર્ડ પ્રોડક્ટ્સનાં સ્વરૂપમાં પેસિવ ફન્ડ્સ દ્વારા ટ્રેક કરાતા રેફરન્સ ઇન્ડેક્સ બનશે.