Rupay ડેબિટ કાર્ડ, UPIને પ્રોત્સાહન આપવા 2600 કરોડની યોજનાને મંજૂરી

નવી દિલ્હીઃ યુનિયન કેબિનેટે 11 જાન્યુઆરીએ રૂ. 2,600 કરોડની પ્રોત્સાહક યોજનાને મંજૂરી આપી હતી, જેનો ઉદ્દેશ્ય યુનિફાઇડ પેમેન્ટ્સ ઇન્ટરફેસ (UPI) દ્વારા ઓછા મૂલ્યના વ્યવહારોને પ્રોત્સાહન આપવા અને રૂપે ડેબિટ કાર્ડને પ્રોત્સાહન આપવાનો છે. 2,600 કરોડના કુલ નાણાકીય ખર્ચ સાથેની આ યોજનાને નાણાકીય વર્ષ 2022-23 માટે મંજૂરી આપવામાં આવી છે, એમ સરકારે જણાવ્યું હતું. આ યોજનાના ફાયદાઓમાં મજબૂત ડિજિટલ પેમેન્ટ ઇકોસિસ્ટમનું નિર્માણ અને યુપીઆઈ લાઇટ અને યુપીઆઈ 123પેને આર્થિક અને યુઝર ફ્રેન્ડલી ડિજિટલ પેમેન્ટ વિકલ્પો તરીકે પ્રમોટ કરવાનો સમાવેશ થાય છે.

રૂ.  783 કરોડના રેકોર્ડ ડિજિટલ ટ્રાન્જેક્શન્સ

દેશમાં ડિજિટલ પેમેન્ટ ટ્રાન્ઝેક્શન સતત વેગ પકડે છે, UPI એ ડિસેમ્બર 2022 મહિનામાં રૂ. 12.82 લાખ કરોડના મૂલ્ય સાથે 782.9 કરોડ ડિજિટલ પેમેન્ટ ટ્રાન્ઝેક્શનનો રેકોર્ડ હાંસલ કર્યો હતો. કુલ ડિજિટલ પેમેન્ટ વ્યવહારોએ વાર્ષિક ધોરણે 59 ટકાની વૃદ્ધિ નોંધાવી છે, જે નાણાકીય વર્ષ 2020-21માં 5,554 કરોડથી વધીને નાણાકીય વર્ષ 2021-22માં 8,840 કરોડ થઈ છે, તેણે વધુમાં જણાવ્યું હતું કે, BHIM-UPI વ્યવહારોએ વાર્ષિક ધોરણે 106 ટકાના ગ્રોથ સાથે FY2020-21માં 2,233 કરોડથી વધીને FY2021-22માં 4,597 કરોડ નોંધાયા હતા.