સ્ટારબિગબ્લોક બિલ્ડિંગ મટિરિયલ લિમિટેડે ઈન્દોરમાં રૂ. 6 કરોડમાં 57,500 ચો.મી. જમીન હસ્તગત કરી

સુરત, 18 ફેબ્રુઆરી:  એરેટેડ ઓટોક્લેવ્ડ કોંક્રિટ (AAC) બ્લોક્સ, બ્રિક્સ અને ALC પેનલ્સના ઉત્પાદક સ્ટારબીગબ્લોક બિલ્ડિંગ મટિરિયલ લિમિટેડે મધ્યપ્રદેશના ઇન્દોરમાં AAC બ્લોક્સ માટે ગ્રીન ફિલ્ડ પ્લાન્ટ સ્થાપિત કરવા માટે જમીન સંપાદન કરી છે. કંપનીએ AAC બ્લોકના વ્યવસાયના વિસ્તરણના હેતુથી મધ્યપ્રદેશના ખરગોન જિલ્લામાં અંદાજે 57,500 ચો.મી.ની જમીન ખરીદી છે. આ જમીનની કુલ અંદાજિત કિમત રૂ. 6 કરોડ છે અને સ્ટેમ્પ ડ્યુટી અલગ રહેશે.

સ્ટારબીગબ્લોક બિલ્ડિંગ મટિરિયલ લિમિટેડ હાલમાં અમદાવાદ નજીક ખેડા ખાતે વાર્ષિક 250,000 ક્યુબિક મીટરની સ્થાપિત ક્ષમતા ધરાવતો એક પ્લાન્ટ ચલાવે છે, જે ગુજરાતના મોટા ભાગ, રાજસ્થાનના ઉદયપુર સુધી અને મધ્ય પ્રદેશના ઇન્દોર સુધી ઉત્પાદન પહોંચાડે છે.

બિગબ્લોક કન્સ્ટ્રક્શન લિમિટેડના ચેરમેન નારાયણ સાબૂએ જણાવ્યું હતું કે બિગબ્લોક કન્સ્ટ્રક્શન લિમિટેડે તાજેતરમાં બ્લોક જોઇન્ટિંગ મોર્ટાર, રેડી મિક્સ પ્લાસ્ટર અને ટાઇલ એડહેસિવ્સ સાથે કન્સ્ટ્રક્શન કેમિકલ્સમાં વિસ્તરણ કર્યું છે, જે ઊંચી માંગવાળા સેગમેન્ટની બજારને કવર કરે છે. કંપનીએ તેની વિશ્વસનીય NXTFIX અને NXTPLAST બ્રાન્ડ્સની સાથે NXTGRIP  ટાઇલ એડહેસિવ્સ રજૂ કર્યા હતા.

(Disclaimer: The information provided here is investment advice only. Investing in the markets is subject to risks and please consult your advisor before investing.)

(સ્પષ્ટતા: અત્રેથી આપવામાં આવતી તમામ પ્રકારની માહિતી કોઇપણ પ્રકારે રોકાણ/ ટ્રેડીંગ માટેની સલાહ નથી. બજારોમાં રોકાણ જોખમોને આધીન છે અને રોકાણ કરતા પહેલા કૃપા કરીને તમારા સલાહકારની સલાહ લો.)