સનરેસ્ટ લાઇફસાયન્સનો IPO 7 નવેમ્બરે ખૂલશેઃ ઇશ્યૂ પ્રાઇસ રૂ.84

અમદાવાદ, 6 નવેમ્બર: અમદાવાદ સ્થિત ફાર્માસ્યુટિકલ કંપની, સનરેસ્ટ લાઇફસાયન્સ લિમિટેડ તેના એસએમઇ પબ્લિક ઇશ્યૂમાંથી રૂ. 10.85 કરોડ એકત્ર કરવાની યોજના બનાવી રહી છે. પબ્લિક ઇશ્યૂ 7 નવેમ્બરના રોજ સબસ્ક્રિપ્શન માટે ખુલશે. કંપનીને નેશનલ સ્ટોક એક્સચેન્જના ઇમર્જ પ્લેટફોર્મ પર તેનો પબ્લિક ઇશ્યૂ લોન્ચ કરવાની મંજૂરી મળી ગઈ છે. પબ્લિક ઇશ્યૂની આવકનો ઉપયોગ કંપનીની વિસ્તરણ યોજનાઓ માટે ભંડોળ માટે કરવામાં આવશે જેમાં કાર્યકારી મૂડીની જરૂરિયાતો અને સામાન્ય કોર્પોરેટ હેતુને પહોંચી વળવામાં આવશે. માર્ક કોર્પોરેટ એડવાઈઝર્સ પ્રાઈવેટ લિમિટેડ ઇશ્યૂના લીડ મેનેજર છે. પબ્લિક ઇશ્યૂ 09 નવેમ્બરે બંધ થશે.

આઇપીઓમાં રૂ. 10ની દરેક ફેસ વેલ્યુના રૂ. 84 પ્રતિ શેરના ભાવે (ઇક્વિટી શેર દીઠ રૂ. 74ના પ્રીમિયમ સહિત) 12.91 લાખ ઇક્વિટી શેરના ફ્રેશ ઇશ્યૂનો સમાવેશ થાય છે જેનું મૂલ્ય રૂ. 10.85 કરોડ સુધીનું છે. એપ્લિકેશન માટે લઘુત્તમ લોટ સાઈઝ 1,600 શેર છે જેનું પ્રતિ અરજી મૂલ્ય રૂ. 1.34 લાખ થાય છે. IPO માટે રિટેલ ફાળવણી દરેક ઇશ્યૂના 50% પર રાખવામાં આવી છે. માર્કેટ મેકર રિઝર્વેશન ભાગ 65,600 ઇક્વિટી શેર છે.

કંપનીની કામગીરી અને ઇતિહાસ એક નજરે

2017માં સ્થાપિત, સનરેસ્ટ લાઇફસાયન્સિસ લિમિટેડ આરોગ્યસંભાળ અને વ્યક્તિગત સંભાળ પ્રોડક્ટ્સની વિવિધ શ્રેણી ઓફર કરે છે. કંપનીની પ્રોડક્ટ રેન્જમાં કેપ્સ્યુલ્સ, ટેબ્લેટ્સ, સીરપ, મલમ, જેલ, માઉથવોશ, સોલ્યુશન, સસ્પેન્શન, ડ્રાય પાવડર અને ટૂથપેસ્ટનો સમાવેશ થાય છે. સનરેસ્ટ લાઇફસાયન્સિસના પ્રોડક્ટ પોર્ટફોલિયોમાં એન્ટી-બેક્ટેરિયલ, એન્ટી-ડાયરિયલ, એન્ટી-ફંગલ, એન્ટી-મલેરિયલ, એન્ટી-ડાયાબિટીક, ડેન્ટલ ક્યોર, એન્ટી-પ્રોટોઝોલ, એન્ટી-હિસ્ટામાઇન, એન્ટી-હાયપરટેન્સિવ દવાઓ, કોસ્મેટિક, એન્ટી-પેરાસાઇટીક, મલ્ટીવિટામિન, મલ્ટી-મિનરલ, ન્યૂટ્રાસ્યુટિકલ્સ અને એન્ટી-ઇન્ફ્લેમેટરી જેવી દવાઓની વ્યાપક શ્રેણીનો સમાવેશ થાય છે.

32 પ્રોડક્ટ્સ માટે 18 રજિસ્ટર્ડ ટ્રેડમાર્ક્સ ધરાવે છે કંપની

32 પ્રોડક્ટ્સ માટે 18 રજિસ્ટર્ડ ટ્રેડમાર્ક્સ સાથે, સનરેસ્ટ લાઇફસાયન્સિસ તેના ગ્રાહકોને ઉચ્ચ-ગુણવત્તાવાળી પ્રોડક્ટ્સ પહોંચાડવા માટે પ્રતિબદ્ધ છે. કંપનીને તેની થર્ડ-પાર્ટી ફાર્મા પ્રોડક્ટ ઉત્પાદકો દ્વારા ઉત્પાદિત પ્રોડક્ટ્સ મળે છે જેમાં સનરેસ્ટ જૂથની કંપની ટ્રાઇલેન્ડ ફાર્માસ્યુટિકલ્સ પ્રાઇવેટ લિમિટેડ (ટ્રાઇલેન્ડ)નો પણ સમાવેશ થાય છે. કંપની પાસે ગુજરાત, પંજાબ, મહારાષ્ટ્ર, હરિયાણા, હિમાચલ પ્રદેશ, ઉત્તરાખંડ અને મધ્ય પ્રદેશમાં થર્ડ-પાર્ટી ઉત્પાદકો છે.

કંપનીના પ્રમોટર્સઃ નિખિલકુમાર ઠક્કર, અમિતભાઈ ઠક્કર, ભાગ્યેશ પારેખ અને ભરતકુમાર ઠક્કર કંપનીના પ્રમોટર્સ છે. ઇશ્યૂ પછીનું પ્રમોટર હોલ્ડિંગ 69.91% હશે.

કંપનીની નાણઆકીય કામગીરી એટ એ ગ્લાન્સ

નાણાંકીય વર્ષ 22-23 માટે કંપનીએ કુલ રૂ. 24.67 કરોડની આવક અને રૂ. 2.04 કરોડનો ચોખ્ખો નફો નોંધાવ્યો હતો. 30 જૂન 2023 સુધીમાં, અનામત અને સરપ્લસ રૂ. 86.6 લાખ, કુલ સંપત્તિ રૂ. 17.06 કરોડ અને નેટ વર્થ રૂ. 3.86 કરોડ છે. કંપનીના શેર એનએસઇ લિમિટેડના ઇમર્જ પ્લેટફોર્મ પર લિસ્ટ થશે.