ટાટા એસેટ મેનેજમેન્ટે ટુરિઝમ ઇન્ડેક્સ ફંડ લોન્ચ કર્યું

મુંબઈ, 9 જુલાઈ: ટાટા એસેટ મેનેજમેન્ટ કંપનીએ ટુરિઝમ ઈન્ડેક્સ ફંડ લોન્ચ કર્યું છે, જેમાં નિફ્ટી 500માં સમાવિષ્ટ કંપનીઓના કલેક્શનનો સમાવેશ થાય છે. ટાટા નિફ્ટી ઈન્ડિયા ટુરિઝમ ઈન્ડેક્સ ફંડ નિફ્ટી ઈન્ડિયા ટુરિઝમ ઈન્ડેક્સ (ટીઆરઆઈ, એટલે કે ટોટલ રિટર્ન્સ ઇન્ડેક્સ) ને ટ્રેક કરશે.

આ ઓપન-એન્ડેડ ઇન્ડેક્સ ફંડને રોકાણકારોને મુસાફરી, પ્રવાસન અને હોસ્પિટાલિટી વ્યવસાયોમાંથી ભારતની સૌથી ઝડપથી વિકસતી કંપનીઓને એક્સપોઝર આપવા માટે ડિઝાઇન કરવામાં આવ્યું છે.

ટાટા એસેટ મેનેજમેન્ટના ચીફ બિઝનેસ ઓફિસર આનંદ વરદરાજને જણાવ્યું હતું કે, “ઉચ્ચ વપરાશી આવક, સારી હાઇવે કનેક્ટિવિટી, રેલ્વેની વધેલી સુવિધા અને ઝડપ તથા અનેક નવા એરપોર્ટે મુસાફરીને સરળ, ઝડપી અને સલામત બનાવી છે. અમે સ્થાનિક ઉડ્ડયન, હોટેલ્સ, રેસ્ટોરન્ટ્સ અને ટ્રાવેલમાં મહત્તમ વૃદ્ધિ જોઈ છે. તમામ પ્રકારની મુસાફરી, ચાહે તે તીર્થયાત્રા હોય, વેપાર હોય, મેડિકલ હોય કે આરામપ્રિય સ્થળો, આ બધામાં પ્રગતિ થઈ રહી છે. આ પર્યટનને એક સેગમેન્ટ તરીકે જોવા માટે અને આ ક્ષેત્રના વિકાસથી લાભ મેળવવા માટે કેવી રીતે રોકાણ કરી શકે છે અને તેનો ધ્યેય રાખવા માટે આ એક આકર્ષક કેસ બનાવે છે.

ભારતનો પ્રવાસ અને પ્રવાસન ખર્ચ 2019માં 140 અબજ ડોલરથી વધીને 2030 સુધીમાં પ્રભાવશાળી 406 અબજ ડોલર થવાનો અંદાજ છે.

ટાટા નિફ્ટી ઈન્ડિયા ટુરિઝમ ઈન્ડેક્સ ફંડ માટે ઈન્ડેક્સ મેથડોલોજી કે જેમાં હાલમાં 17 સ્ટોકનો સમાવેશ થાય છે, જેમાં મહત્તમ સ્ટોક લેવલ કેપિંગ મર્યાદા ઇન્ડેક્સના 20 ટકા છે. આ ઇન્ડેક્સમાં પેરેન્ટ ઇન્ડેક્સ નિફ્ટી 500માંથી વધુમાં વધુ 30 સ્ટોક હોઈ શકે છે. ડાયવર્સિફિકેશન અને રિસ્ક મેનેજમેન્ટ પર ધ્યાન કેન્દ્રિત કરીને, ઇન્ડેક્સના ઘટકો  ફ્રી-ફ્લોટ માર્કેટ કેપિટલાઇઝેશન પર વેઇટેજ ધરાવે છે.

(Disclaimer: The information provided here is investment advice only. Investing in the markets is subject to risks and please consult your advisor before investing.)

(સ્પષ્ટતા: અત્રેથી આપવામાં આવતી તમામ પ્રકારની માહિતી કોઇપણ પ્રકારે રોકાણ, ટ્રેડીંગ માટેની સલાહ નથી. બજારોમાં રોકાણ જોખમોને આધીન છે અને રોકાણ કરતા પહેલા કૃપા કરીને તમારા સલાહકારની સલાહ લો.)