ભારતીય રૂપિયો ડોલર સામે 85.0775ની ઓલટાઇમ નીચી સપાટીએ

મુંબઇ, 20 ડિસેમ્બરઃ યુએસ ફેડરલ રિઝર્વ દ્વારા 2025માં ઓછા દરમાં કાપના સંકેત આપ્યા બાદ ડોલર ઈન્ડેક્સમાં ઉછાળાને કારણે ભારતીય રૂપિયો 19 ડિસેમ્બરે યુએસ ડોલર સામે 85.0775 ના રેકોર્ડ નીચા સ્તરે પહોંચ્યો હતો. ભારતીય રૂપિયો યુએસ ડોલર સામે 85.0775 ના સ્તરે બંધ થયો હતો. જે અગાઉના ટ્રેડિંગ સત્રમાં 84.9550 હતો. સ્થાનિક ચલણ આજે પ્રથમ વખત 85ની સપાટીએ પહોંચ્યું હતું. ભારતીય રૂપિયો યુએસ ડોલર સામે વર્ષ-ટુ-ડેટ 2.20 ટકા નીચે છે.

ફેડરલ રિઝર્વે બુધવારે તેના મુખ્ય વ્યાજ દરમાં એક ક્વાર્ટર ટકાવારી પોઈન્ટનો ઘટાડો કર્યો હતો, જે કી નીતિ દરમાં સતત ત્રીજો ઘટાડો છે. ફેડરલ ઓપન માર્કેટ કમિટીએ તેનો રાતોરાત ઉધાર દર ઘટાડીને 4.25 ટકાથી 4.5 ટકાની લક્ષ્‍યાંક રેન્જમાં મૂક્યો છે, જે તે સ્તરે પાછો ફર્યો છે જ્યાં તે ડિસેમ્બર 2022માં હતો, જ્યારે દરમાં વધારો ચાલુ હતો. ડોલર ઇન્ડેક્સ, જે યુએસ ચલણને છ કરન્સીની બાસ્કેટ સામે માપે છે, યુએસ ફેડ નીતિના નિર્ણય પછી બે વર્ષની ઊંચી સપાટીએ પહોંચ્યો હતો. ડૉલર ઇન્ડેક્સ 0.05 ટકા વધીને 108.086 પર હતો. નવેમ્બર 2022 પછી આ સર્વોચ્ચ સ્તર છે.

છેલ્લા કેટલાક મહિનામાં, સ્થાનિક ઇક્વિટી બજારોમાંથી આઉટફ્લો, યુએસ ફેડના હૉકીશ આઉટલૂક અને આસપાસની અનિશ્ચિતતાની હવાને કારણે મુખ્ય કરન્સી સામે ડૉલરની એકંદર મજબૂતાઈ જેવા અનેક પરિબળોને કારણે રૂપિયો નબળો પડી રહ્યો છે. આગામી ડોનાલ્ડ ટ્રમ્પ શાસન જેવા પરીબળોના કારણે રૂપિયો ડોલર સામે નબળો પડી રહ્યો હોવાનું ફોરેક્સ નિષ્ણાતો જણાવે છે.

(Disclaimer: The information provided here is investment advice only. Investing in the markets is subject to risks and please consult your advisor before investing.)

(સ્પષ્ટતા: અત્રેથી આપવામાં આવતી તમામ પ્રકારની માહિતી કોઇપણ પ્રકારે રોકાણ/ ટ્રેડીંગ માટેની સલાહ નથી. બજારોમાં રોકાણ જોખમોને આધીન છે અને રોકાણ કરતા પહેલા કૃપા કરીને તમારા સલાહકારની સલાહ લો.)