દુબઈમાં હવે ઝડપથી વર્ક પરમિટ અને રેસિડેન્સી વિઝા મળશે, પ્રોસેસિંગનો સમય 30 દિવસથી ઘટાડી 5 દિવસ કર્યો

અમદાવાદ, 9 માર્ચઃ યુએઈ સરકારના નવા “વર્ક બંડલ” પ્લેટફોર્મ સાથે વર્ક પરમિટ અને રેસિડેન્સી વિઝા મેળવવા માટેના તમામ જરૂરી દસ્તાવેજો પૂર્ણ કરવાનો સમય 30 દિવસથી ઘટાડીને પાંચ કરવામાં આવ્યો છે.

આ પ્રોગ્રામનો પ્રારંભિક તબક્કો દુબઈમાં શરૂ કરવામાં આવ્યો છે અને ધીમે ધીમે અન્ય અમીરાતમાં પણ લાગૂ કરવામાં આવશે. “વર્ક બંડલ” પાંચને બદલે એક પ્લેટફોર્મ પ્રદાન કરીને ગ્રાહકના અનુભવમાં પણ સુધારો કરે છે, તે આઠ સેવાઓના બદલે એકીકૃત સિંગલ પ્લેટફોર્મ પર જ તમામ પ્રક્રિયાઓ લાગૂ કરશે, જ્યારે જરૂરી 15 પગલાંથી ઘટાડીને હવે પાંચ પગલાંઓ અને 16 દસ્તાવેજોના બદલે માત્ર પાંચ દસ્તાવેજોની મદદથી વર્ક પરમિટ અને રેસિડેન્સી વિઝા આપવામાં આવશે. વિઝિટની સંખ્યા સાતથી ઘટાડીને માત્ર બે કરી છે, જે બદલામાં વ્યવહાર પૂર્ણ કરવા માટે લેવામાં આવેલા સમયને પ્રતિબિંબિત કરે છે, અંતે વર્ક પરમિટ અને રેસિડેન્સી વિઝા  કામકાજના 30 દિવસથી ઘટી માત્ર પાંચ દિવસમાં મેળવી શકાશે.

વર્ક બંડલ પ્લેટફોર્મ હેઠળ સંકલિત સેવાઓમાં રોજગાર સેવાઓ માટે એકીકૃત પ્લેટફોર્મનો સમાવેશ થાય છે, જેમાં રિન્યુઅલ, રદ, તબીબી તપાસ અને ફિંગરપ્રિંટિંગનો સમાવેશ થાય છે. શરૂઆતમાં ‘Invest in Dubai’ વેબસાઈટ અને મોબાઈલ એપ પર ઉપલબ્ધ છે, પ્લેટફોર્મ અન્ય વિવિધ સરકારી ડિજિટલ પ્લેટફોર્મ અને ‘વર્ક ઈન UAE’ વેબસાઈટ પર વિસ્તરણ કરવા માટે તૈયાર છે.

UAEના ઉપરાષ્ટ્રપતિ અને વડા પ્રધાન અને દુબઈના શાસક શેખ મોહમ્મદ બિન રશીદ અલ મકતુમે જણાવ્યું હતું કે વર્ક બંડલ પ્લેટફોર્મ “દેશમાં વસવાટ અને વર્ક (પરમિટ) માટેની પ્રક્રિયાઓને સરળ અને ટૂંકી કરશે.”

(નવું વર્ક બંડલ પ્લેટફોર્મ) સરકારી માળખામાં રેસિડેન્સી અને વર્ક પરમિટના રિન્યુઅલ માટે અગાઉ સમર્પિત કામકાજના દિવસો 62 મિલિયનથી ઘટાડી વાર્ષિક ધોરણે 25 મિલિયન પ્રક્રિયાઓને ઘટાડવાની અપેક્ષા રાખે છે, જેનાથી સરકારી અને ખાનગી બંને ક્ષેત્રો માટે નોંધપાત્ર બચત થશે.”

વર્ક બંડલ માનવ સંસાધન અને અમીરાતીકરણ મંત્રાલય, ઓળખ અને નાગરિકતા માટે ફેડરલ ઓથોરિટી, કસ્ટમ્સ અને બંદર સુરક્ષા, દુબઈમાં રહેઠાણ અને વિદેશી બાબતોના જનરલ ડિરેક્ટોરેટ અને દુબઈ આરોગ્ય સહિતની સરકારી સંસ્થાઓ માટેની તમામ પ્રક્રિયાઓને એકીકૃત કરે છે.