360 વન એસેટે મલ્ટી એસેટ એલોકેશન ફંડ લોન્ચ કર્યું

અમદાવાદ, 31 જુલાઈ: 360 વન એસેટે તેનું નવું ફંડ 360 વન મલ્ટી એસેટ એલોકેશન ફંડ લોન્ચ કરવાની આજે જાહેરાત કરી હતી. આ ઓપન-એન્ડેડ સ્કીમ ઇક્વિટી, ડેટ, કોમોડિટી અને REITs તથા InvITs જેવી એસેટ્સના ડાયવર્સિફાઇડ પોર્ટફોલિયોમાં રોકાણ કરે છે. ફંડનો ઉદ્દેશ્ય વિવિધ એસેટ ક્લાસના એક્ટિવ મેનેજમેન્ટ દ્વારા આવક અને લાંબા ગાળાના સંપત્તિ સર્જનનો છે.

ફંડ વિવિધ એસેટ ક્લાસમાં રોકાણો સાથે ડાયનેમિક એસેટ એલોકેશન ફ્રેમવર્કને અનુસરે છે જેમાં લાંબા ગાળાની વૃદ્ધિના લક્ષ્ય માટે 15થી 35 ટકા ઇક્વિટીમાં, એકંદરે સ્થિરતા માટે 25થી 50 ટકા ડેટ ઇન્સ્ટ્રુમેન્ટ્સમાં, વૈશ્વિક અનિશ્ચિતતાઓ સામે હેજિંગ માટે સોના અને ચાંદીમાં 25થી 40 ટકા અને રિયલ એસ્ટેટમાં એક્સપોઝર પૂરું પાડવા માટે REITs અને InvITs માં કેટલાક હિસ્સાનો સમાવેશ થાય છે.

આ ફંડ BSE 500 ટીઆરઆઈ (25 ટકા), નિફ્ટી કમ્પોઝિટ ડેટ ઇન્ડેક્સ (45 ટકા) અને સ્થાનિક સોના અને ચાંદીની કિંમતો (30 ટકા)ના કમ્પોઝિટ ઇન્ડેક્સ સામે બેન્ચમાર્ક થયેલું છે.

NFO દરમિયાન લઘુત્તમ રોકાણ રકમ રૂ. 1,000 છે અને ત્યારબાદ રૂ. 1ના ગુણાંકમાં રોકાણ કરી શકાય છે. એસઆઈપી રોકાણો માટે લઘુત્તમ અરજી રકમ રૂ. 1,000 છે અને ત્યારબાદ રૂ. 1ના ગુણાંકમાં રોકાણ થઈ શકે છે. જો ફાળવણીના એક વર્ષની અંદર 10 ટકાથી વધુ યુનિટ્સ રિડીમ કરવામાં આવે તો ફંડમાં 1 ટકાનું એક્ઝિટ લોડ માળખું છે,જ્યારે ફાળવણીના એક વર્ષ પછી રિડીમ કરાયેલા યુનિટ્સ માટે કોઈ એક્ઝિટ લોડ લાગુ પડતો નથી.

NFO 30 જુલાઈ, 2025ના રોજ સબ્સ્ક્રીપ્શન માટે ખુલ્યો છે અને 13 ઓગસ્ટ, 2025ના રોજ બંધ થાય છે.

(Disclaimer: The information provided here is investment advice only. Investing in the markets is subject to risks and please consult your advisor before investing.)

(સ્પષ્ટતા: અત્રેથી આપવામાં આવતી તમામ પ્રકારની માહિતી કોઇપણ પ્રકારે રોકાણ/ ટ્રેડીંગ માટેની સલાહ નથી. બજારોમાં રોકાણ જોખમોને આધીન છે અને રોકાણ કરતા પહેલા કૃપા કરીને તમારા સલાહકારની સલાહ લો.)