MCX: કોટન વાયદામાં 1104 ખાંડી વોલ્યુમ, ઓપન ઈન્ટરેસ્ટ 19488 ખાંડી

મુંબઈ, 27 જુલાઇઃ કોમોડિટી ડેરિવેટિવ્ઝ એક્સચેન્જ MCX પર વિવિધ કોમોડિટી વાયદા, ઓપ્શન્સ અને ઈન્ડેક્સ ફ્યુચર્સમાં ગુરૂવારે પ્રથમ સત્ર સુધીમાં 1,98,692 સોદાઓમાં કુલ રૂ.17,594.43 કરોડનું ટર્નઓવર નોંધાયું હતું, જેમાં કોમોડિટી વાયદાનાં કામકાજનો હિસ્સો રૂ.7,626.55 કરોડનો અને ઓપ્શન્સનો હિસ્સો રૂ. 9955.79 કરોડનો હતો.

કીમતી ધાતુઓના વાયદાઓમાં સોના-ચાંદીમાં MCX પર 56,311 સોદાઓમાં રૂ.5,552.51 કરોડનાં કામકાજ થયાં હતાં. સોનાના વાયદાઓમાં MCX સોનું ઓગસ્ટ વાયદો સત્રની શરૂઆતમાં 10 ગ્રામદીઠ રૂ.59,610ના ભાવે ખૂલી, દિવસ દરમિયાન ઉપરમાં રૂ.59,680 અને નીચામાં રૂ.59,504 ના મથાળે અથડાઈ, પ્રથમ સત્ર સુધીમાં રૂ.86 વધી રૂ.59,547ના ભાવે પહોંચ્યો હતો. આ સામે ગોલ્ડ-ગિની જુલાઈ કોન્ટ્રેક્ટ 8 ગ્રામદીઠ રૂ.257 વધી રૂ.48,250 અને ગોલ્ડ-પેટલ જુલાઈ કોન્ટ્રેક્ટ 1 ગ્રામદીઠ રૂ.13 વધી રૂ.5,935ના ભાવે પહોંચ્યો હતો. સોનું-મિની ઓગસ્ટ વાયદો 10 ગ્રામદીઠ રૂ.99 વધી રૂ.59,446ના સ્તરે પહોંચ્યો હતો.

સોનાનો વાયદો રૂ.86 અને ચાંદીનો વાયદો રૂ.609 વધ્યો

ચાંદીના વાયદાઓમાં ચાંદી સપ્ટેમ્બર વાયદો સત્રની શરૂઆતમાં 1 કિલોદીઠ રૂ.75,800ના ભાવે ખૂલી, દિવસ દરમિયાન ઉપરમાં રૂ.76,040 અને નીચામાં રૂ.75,631 ના મથાળે અથડાઈ, પ્રથમ સત્ર સુધીમાં રૂ.609 વધી રૂ.75,933 ના સ્તરે બોલાઈ રહ્યો હતો. ચાંદી-મિની ઓગસ્ટ કોન્ટ્રેક્ટ રૂ.549 વધી રૂ.75,742 અને ચાંદી-માઈક્રો ઓગસ્ટ કોન્ટ્રેક્ટ રૂ.544 વધી રૂ.75,734 બોલાઈ રહ્યો હતો.

બિનલોહ ધાતુઓના વાયદાઓમાં MCX ખાતે 10,682 સોદાઓમાં રૂ.1,177.01 કરોડના વેપાર થયા હતા. તાંબુ જુલાઈ વાયદો રૂ.739ના ભાવે ખૂલી, રૂ.3 વધી રૂ.737.80 જ્યારે એલ્યુમિનિયમ જુલાઈ કોન્ટ્રેક્ટ રૂ.1.85 વધી રૂ.200.35 તેમ જ સીસું ઓગસ્ટ કોન્ટ્રેક્ટ રૂ.0.30 વધી રૂ.184ના ભાવ થયા હતા. જસત જુલાઈ કોન્ટ્રેક્ટ રૂ.1.80 વધી રૂ.220ના ભાવ થયા હતા. મિની વાયદાઓમાં એલ્યુમિનિયમ-મિની જુલાઈ વાયદો 1 કિલોદીઠ રૂ.0.90 વધી રૂ.200 સીસુ-મિની ઓગસ્ટ કોન્ટ્રેક્ટ રૂ.0.25 વધી રૂ.184.45 જસત-મિની જુલાઈ વાયદો રૂ.3.40 વધી રૂ.221.40 બોલાઈ રહ્યો હતો.

ક્રૂડ તેલ, નેચરલ ગેસ, મેન્થા તેલમાં સુધારો

એનર્જી સેગમેન્ટના વાયદાઓમાં MCX પર 23,169 સોદાઓમાં રૂ.,884.12 કરોડનો ધંધો થયો હતો. ક્રૂડ તેલ ઓગસ્ટ વાયદો સત્રની શરૂઆતમાં 1 બેરલદીઠ રૂ.6,534ના ભાવે ખૂલી, દિવસ દરમિયાન ઉપરમાં રૂ.6,540 અને નીચામાં રૂ.6,498 ના મથાળે અથડાઈ, પ્રથમ સત્ર સુધીમાં રૂ.44 વધી રૂ.6,517 બોલાયો હતો, જ્યારે ક્રૂડ તેલ-મિની ઓગસ્ટ વાયદો રૂ.43 વધી રૂ.6,513 બોલાઈ રહ્યો હતો. નેચરલ ગેસ ઓગસ્ટ વાયદો 1 એમએમબીટીયૂદીઠ રૂ.221ના ભાવે ખૂલી, રૂ.0.70 ઘટી રૂ.220.80 અને નેચરલ ગેસ-મિની ઓગસ્ટ વાયદો 0.6 ઘટી 221.2 બોલાઈ રહ્યો હતો.

બુલડેક્સ વાયદામાં રૂ.12 કરોડનાં કામકાજ

કૃષિ કોમોડિટીઝના વાયદાઓમાં MCX ખાતે રૂ.12.91 કરોડનાં કામકાજ થયા હતા. કોટન ખાંડી ઓગસ્ટ વાયદો સત્રની શરૂઆતમાં 1 ખાંડીદીઠ રૂ.59,580ના ભાવે ખૂલી, દિવસ દરમિયાન ઉપરમાં રૂ.59,800 અને નીચામાં રૂ.59,380 ના મથાળે અથડાઈ, પ્રથમ સત્ર સુધીમાં રૂ.460 ઘટી રૂ.59,500ના સ્તરે પહોંચ્યો હતો. મેન્થા તેલ જુલાઈ કોન્ટ્રેક્ટ 1 કિલોદીઠ રૂ.5.40 વધી રૂ.875.30 બોલાયો હતો.

કોમોડિટી વાયદાઓમાં રૂ.7,627 કરોડ અને ઓપ્શન્સમાં રૂ. 9955.79 કરોડનું ટર્નઓવર

કામકાજની દૃષ્ટિએ MCX પર કીમતી ધાતુઓમાં સોનાના વિવિધ વાયદાઓમાં રૂ.3,273.52 કરોડનાં 5,476.278 કિલો અને ચાદીના વિવિધ વાયદાઓમાં રૂ.2,278.99 કરોડનાં 300.190 ટનના વેપાર થયા હતા. એનર્જી સેગમેન્ટમાં ક્રૂડ તેલ અને ક્રૂડ તેલ-મિની વાયદાઓમાં રૂ.456.58 કરોડનાં 7,00,080 બેરલ તથા નેચરલ ગેસ અને નેચરલ ગેસ-મિની વાયદાઓમાં રૂ.427.54 કરોડનાં 1,93,29,000 એમએમબીટીયૂ નાં કામ થયાં હતાં. બિનલોહ ધાતુઓમાં એલ્યુમિનિયમ અને એલ્યુમિનિયમ-મિની વાયદાઓમાં રૂ.131.33 કરોડનાં 6,578 ટન સીસુ અને સીસુ-મિની વાયદાઓમાં રૂ.23.50 કરોડનાં 1,275 ટન તાંબાના વાયદાઓમાં રૂ.623.32 કરોડનાં 8,398 ટન અને જસત તથા જસત-મિની વાયદાઓમાં રૂ.398.86 કરોડનાં 18,031 ટનના વેપાર થયા હતા. કૃષિ કોમોડિટીઝમાં કોટન ખાંડી વાયદામાં રૂ.6.57 કરોડનાં 1,104 ખાંડી મેન્થા તેલ વાયદામાં રૂ.6.34 કરોડનાં 70.92 ટનનાં કામકાજ થયાં હતાં.