સ્ટીમહાઉસ ઈન્ડિયાએ UDRHP ફાઇલ કર્યું

અમદાવાદ,9 ડિસેમ્બર: ભારતમાં કમ્યૂનિટી બોઇલર સિસ્ટમમાં અગ્રણી સ્ટીમહાઉસ ઈન્ડિયા લિમિટેડે સિક્યોરિટીઝ એન્ડ એક્સચેન્જ બોર્ડ ઓફ ઈન્ડિયા (સેબી)માં તેનું અપડેટેડ ડ્રાફ્ટ રેડ હેરિંગ પ્રોસ્પેક્ટસ (UDRHP) ફાઇલ કર્યું છે. કંપનીએ 01 જુલાઈ, 2025ના રોજ સેબીમાં કોન્ફિડેન્શિયલ ડ્રાફ્ટ રેડ હેરિંગ પ્રોસ્પેક્ટસ (CDRHP) ફાઇલ કર્યું હતું અને 14 ઓક્ટોબર, 2025ના રોજ તેના માટે નિરીક્ષણો મેળવ્યા હતા.

આઈપીઓમાં પ્રત્યેક રૂ. 2ની ફેસ વેલ્યુના ઇક્વિટી શેર્સનો સમાવેશ થાય છે જેનું મૂલ્ય રૂ. 425 કરોડ સુધીનું છે, જેમાં રૂ. 345 કરોડ સુધીના મૂલ્યના ઇક્વિટી શેરના ફ્રેશ ઇશ્યૂ અને વિશાલ સાંવરપ્રસાદ બુધિયા (પ્રમોટર સેલિંગ શેરહોલ્ડર) દ્વારા રૂ. 80 કરોડ સુધીના ઇક્વિટી શેરની ઓફર ફોર સેલનો સમાવેશ થાય છે.

બીઆરએલએમ સાથે ચર્ચા કરીને, સ્ટીમહાઉસ ઈન્ડિયા લિમિટેડ આ અપડેટેડ ડ્રાફ્ટ રેડ હેરિંગ પ્રોસ્પેક્ટસ – 1 ફાઇલ કરવાની તારીખ અને રેડ હેરિંગ પ્રોસ્પેક્ટસ ફાઇલ કરતા પહેલાની તારીખ વચ્ચે રૂ. 15 કરોડ સુધીના પ્રી-આઈપીઓ અંગે વિચારણા કરી શકે છે. જો આમ કરવામાં આવે તો એકત્ર કરાયેલ રકમ ફ્રેશ ઇશ્યૂમાંથી ઘટાડવામાં આવશે.

કંપની ફ્રેશ ઇશ્યૂમાંથી મળેલી ચોખ્ખી આવકનો ઉપયોગ કંપની દ્વારા લેવામાં આવેલા ચોક્કસ બાકી ઉધારના તમામ અથવા અમુક ભાગની ચુકવણી અથવા પૂર્વચુકવણી માટે, અંકલેશ્વર ફેસિલિટી (ફેઝ 3) અને પાનોલી સુવિધા (ફેઝ 2) ના ક્ષમતા વિસ્તરણ માટે કંપનીના ઇન્ફ્રાસ્ટ્રક્ચર વિકાસને વધારવા માટે મૂડી ખર્ચની જરૂરિયાતોને ભંડોળ પૂરું પાડવા, દહેજ સેઝમાં સ્ટીમ ઉત્પાદન માટે નવો ઉત્પાદન પ્લાન્ટ સ્થાપવા માટેના મૂડી ખર્ચને ભંડોળ પૂરું પાડવા માટે તથા સામાન્ય કોર્પોરેટ હેતુઓ માટે કરવાની યોજના ધરાવે છે.

કંપની હાલમાં ગુજરાતમાં સાત કમ્યૂનિટી સ્ટીમ બોઈલર ચલાવે છે જેમાં વાપી ફેઝ 1, વાપી WTE યુનિટ, અંકલેશ્વર ફેઝ 1, અંકલેશ્વર ફેઝ 2, સરીગામ, નંદેસરી અને પાનોલી સહિત વિવિધ સ્થળોએ છ માલિકીના છે અને એક ભાડાપટ્ટે આપેલા છે. તે ફાર્માસ્યુટિકલ્સ, કેમિકલ્સ, એગ્રો-કેમિકલ્સ, ટેક્સટાઇલ, ટાયર, ડાઇઝ એન્ડ પિગમેન્ટ્સ, પોલિમર, પેઇન્ટ્સ અને અન્ય ક્ષેત્રો સહિત મુખ્ય ક્ષેત્રોમાં સ્થાપિત ઔદ્યોગિક ગ્રાહક આધાર ધરાવે છે અને તે મુખ્ય પોર્ટ્સ તથા કસ્ટમર ક્લસ્ટર્સની નજીક વ્યૂહાત્મક રીતે સ્થિત છે.

નાણાંકીય વર્ષ 2024માં કંપનીની કામગીરીમાંથી આવક રૂ. 2,917.10 મિલિયન હતી જે વધીને નાણાંકીય વર્ષ 2025માં રૂ. 3,951.06 મિલિયન થઈ હતી, જે 35.44 ટકાની વૃદ્ધિ દર્શાવે છે. આ જ સમયગાળા દરમિયાન ચોખ્ખો નફો રૂ. 271.86 મિલિયનથી વધીને રૂ. 311.61 મિલિયન થયો હતો.

30 સપ્ટેમ્બર, 2025ના રોજ પૂરા થયેલા છ મહિનાના સમયગાળા માટે, કંપનીએ કામગીરીમાંથી રૂ. 2,384.17 મિલિયનની આવક અને રૂ. 130.85 મિલિયનનો ચોખ્ખો નફો નોંધાવ્યો હતો. કામગીરીમાંથી તેની આવકમાં ફરીથી આવેલા ગ્રાહકોનો હિસ્સો 96.64 ટકા હતો.

નાણાંકીય વર્ષ 2025માં ભારતની કુલ પ્રોસેસ સ્ટીમ માંગ આશરે 186,000 ટીપીએચ હતી. નાણાંકીય વર્ષ 2025થી 2030 સુધી 9.5 ટકાના અંદાજિત સીએજીઆર સાથે, બજાર નોંધપાત્ર વિસ્તરણ માટે તૈયાર છે. ઇન્ડસ્ટ્રીયલ ગેસ ફાર્માસ્યુટિકલ્સ, રસાયણો અને કાપડ જેવા મોટા કદના ઉદ્યોગો માટે અનિવાર્ય છે, જ્યાં તે ઉત્પાદન કાર્યક્ષમતાને શ્રેષ્ઠ બનાવવા અને કાર્યકારી સ્થિરતા સુનિશ્ચિત કરવામાં મહત્વપૂર્ણ ભૂમિકા ભજવે છે.

ઇક્વિરસ કેપિટલ પ્રાઇવેટ લિમિટેડ આ ઇશ્યૂના એકમાત્ર બુક રનિંગ લીડ મેનેજર (BRLM) છે.

(Disclaimer: The information provided here is investment advice only. Investing in the markets is subject to risks and please consult your advisor before investing.)

(સ્પષ્ટતા: અત્રેથી આપવામાં આવતી તમામ પ્રકારની માહિતી કોઇપણ પ્રકારે રોકાણ/ ટ્રેડીંગ માટેની સલાહ નથી. બજારોમાં રોકાણ જોખમોને આધીન છે અને રોકાણ કરતા પહેલા કૃપા કરીને તમારા સલાહકારની સલાહ લો.)