બેન્ક ઓફ બરોડાનો Q4 નફો 2.3% વધી રૂ. 4886 કરોડ, રૂ. 7.60 ડિવિડન્ડ

અમદાવાદ, 10 મેઃ બેંક ઓફ બરોડાએ નાણાકીય વર્ષ 2023-24ના જાન્યુઆરી-માર્ચ ક્વાર્ટરમાં રૂ. 4,886 કરોડનો ચોખ્ખો નફો નોંધાવ્યો હતો, જે અગાઉના વર્ષના રૂ. 4,775 કરોડના ચોખ્ખા નફાની તુલનામાં 2.3 ટકાનો સુધારો દર્શાવે છે. બેંકની ગ્રોસ નોન-પર્ફોર્મિંગ એસેટ (NPA) 2.92 ટકા હતી, જે ગયા વર્ષના સમાન ક્વાર્ટરમાં 3.79 ટકા હતી. બીજી તરફ, ત્રિમાસિક ગાળા માટે ચોખ્ખી NPA એક વર્ષ અગાઉ 0.89 ટકાની સરખામણીએ 0.68 ટકા હતી. ચોખ્ખી વ્યાજની આવક ગયા વર્ષના રૂ. 11,525 કરોડથી રૂ. 11,793 કરોડ હતી. બેંકે તેના નેટ ઈન્ટરેસ્ટ માર્જિનમાં કમ્પ્રેશન જોયું જે ગયા વર્ષના 3.31 ટકાથી ઘટીને 3.18 ટકા થયું.

બેંકની કુલ સ્થાનિક થાપણો રૂ. 11.28 લાખ કરોડ હતી, જે રૂ. 10.47 લાખ કરોડથી વાર્ષિક ધોરણે 7.7 ટકા વધી રહી છે. અને સ્થાનિક એડવાન્સિસ Q4FY23માં રૂ. 7.95 લાખ કરોડથી 12/9 ટકા વધીને Q4FY24માં રૂ. 8.98 લાખ કરોડ થઈ. 10 મેના રોજ બપોરે 3.22 કલાકે બેંકના શેર્સ BSE પર 4.13 ટકા ઘટીને રૂ. 251.80 પર ટ્રેડ થઈ રહ્યા હતા. FY24 ના માર્ચ ક્વાર્ટરમાં વૈકલ્પિક રોકાણ ફંડ્સ (AIF) માં રોકાણ પર કરાયેલા કુલ રૂ. 50.49 કરોડથી રૂ. 31.32 કરોડને ઉલટાવી દીધા છે.

(Disclaimer: The information provided here is investment advice only. Investing in the markets is subject to risks and please consult your advisor before investing.)

(સ્પષ્ટતા: અત્રેથી આપવામાં આવતી તમામ પ્રકારની માહિતી કોઇપણ પ્રકારે રોકાણ/ ટ્રેડીંગ માટેની સલાહ નથી. બજારોમાં રોકાણ જોખમોને આધીન છે અને રોકાણ કરતા પહેલા કૃપા કરીને તમારા સલાહકારની સલાહ લો.)