CORPORATE/ BUSINESS NEWS
ગોલ્ડી સોલાર રૂ. 5000 કરોડના રોકાણ સાથે વિસ્તરણ કરશે
અમદાવાદ: સોલર બ્રાન્ડ ગોલ્ડી સોલારે તેની વ્યાપાર વિસ્તરણ યોજનાઓના ભાગરૂપે INR 5,000 કરોડથી વધુ રોકાણ કરવાની યોજનાની જાહેરાત કરી છે. તે સાથે જ, તેણે HELOC̣® Plus ઓફર કરતી તેની નવી અને સીમાચિહ્ન પ્રોડક્ટનું પણ અનાવરણ કર્યું, જે હીટરોજંકશન ટેક્નોલોજી સાથે ઉચ્ચ કાર્યક્ષમતા અને ઓછી કાર્બન મોડ્યુલ શ્રેણી છે. ગોલ્ડી સોલર મોડ્યુલ, સેલ અને કાચા માલની ઉત્પાદન ક્ષમતાઓ સાથે એન્ડ-ટુ-એન્ડ અને વર્ટિકલી ઇન્ટિગ્રેટેડ કંપની બનવાનું લક્ષ્ય ધરાવે છે. તદનુસાર, તે ગુજરાતમાં તેના સેલ મેન્યુફેક્ચરિંગ યુનિટમાં ઉત્પાદન શરૂ કરવાની યોજના ધરાવે છે. ત્યારબાદ, તે તેની ક્ષમતા 5GW સુધી વિસ્તૃત કરશે. વધુમાં, ગોલ્ડી સોલર વિવિધ કાર્યોમાં 4,500 થી વધુ લોકોની ભરતી કરવાની યોજના ધરાવે છે, જે હાલના કર્મચારીઓ સહિત તેના કર્મચારીઓની સંખ્યા વધારીને 5,500+ કરશે. કંપનીના મેનેજિંગ ડિરેક્ટર, કેપ્ટન ઇશ્વર ધોળકિયાએ જણાવ્યું કે, ગોલ્ડી સોલર તેની સૂચિત ઉત્પાદન સુવિધા પર નજીકના સ્થાનિક આદિવાસી વિસ્તારોમાંથી 25% કર્મચારીઓને નોકરી પર રાખવાની યોજના ધરાવે છે. કંપની ગુજરાતના નવસારી ખાતે NSDC (નેશનલ સ્કિલ ડેવલપમેન્ટ કાઉન્સિલ)ના સહયોગથી કૌશલ્ય વિકાસ કેન્દ્રમાં ત્રણ મહિનાના પ્રમાણપત્ર કાર્યક્રમો શરૂ કરવાનું આયોજન કરશે. ગોલ્ડી સોલારે સતત ગુણવત્તાયુક્ત મોડ્યુલ બનાવ્યા અને વિતરિત કર્યા છે. ગોલ્ડી એ નવીનતમ HJT ટેક્નોલોજી પર આધારિત 710 Wp મોડ્યુલની જાહેરાત કરનાર પ્રથમ ભારતીય ઉત્પાદક છે, અને અમને વિશ્વાસ છે કે અમારી નવીનતમ ઑફર HELOC̣® Plus, ઉદ્યોગમાં ગેમ-ચેન્જર બની રહેશે.
BPCLએ બ્રાઝિલની ઓઇલ કંપની પેટ્રોબસ સાથે MOU કર્યા
મુંબઈ:ભારતમાં ઊર્જા સુરક્ષા માટે ક્રૂડ ઓઇલના સ્તોત્રનું ડાઇવર્સિફિકેશન કરવાની સીમાચિહ્નરૂપ પહેલમાં ‘મહારત્ન’ અને ફોર્ચ્યુન ગ્લોબલ 500 કંપની ભારત પેટ્રોલિયમ કોર્પોરેશન લિમિટેડ (BPCL)એ આજે બ્રાઝિલની સરકારી ઓઇલ કંપની મેસર્સ પેટ્રોબસ સાથે સમજૂતીકરાર (MOU) કર્યા હતા. આ MOU પર BPCLના ચેરમેન અને મેનેજિંગ ડિરેક્ટર અરુણ કુમાર સિંહે અને પેટ્રોબસના સીઇઓ કાઇઓ પેસ દા એન્ડ્રાદેએ બ્રાઝિલમાં અધિકારીઓ હાજરીમાં હસ્તાક્ષર કર્યા હતા. ભારત પેટ્રોરિસોર્સીસ લિમિટેડ (BPRL)ની યોજના બ્રાઝિલમાં એક ઓઇલ બ્લોક વિકસાવવા 1.6 અબજ ડોલરનું રોકાણ કરવાની છે, જેથી વિદેશમાં ઓઇલમાં હિસ્સો ખરીદી શકાય. પોતાની સંપૂર્ણ માલિકીની પેટાકંપની ભારત પેટ્રોરિસોર્સીસ લિમિટેડ મારફતે BPCL બ્રાઝિલમાં અતિ-ઊંડા પાણીમાં વોટર હાઇડ્રોકાર્બન બ્લોકમાં અપસ્ટ્રીમ સેક્ટરમાં હિસ્સો ધરાવે છે, જેની માલિકી અને સંચાલન મેસર્સ પેટ્રોબસનું છે. આ ફિલ્ડ વિકાસ યોજના છે અને રોકાણનો અંતિમ નિર્ણય ટૂંક સમયમાં જાહેર થાય એવી અપેક્ષા છે. પેટ્રોબસ સરકારી માલિકીનું કોર્પોરેશન છે, જે ઓઇલ, કુદરતી ગેસ અને ઊર્જા ઉદ્યોગમાં સંકલિત અને વિશેષ રીતે કાર્યરત છે. તેમને અતિ-ઊંડા પાણીમાં આપણા ઓઇલ અને કુદરતી ગેસ સંશોધન અને ઉત્પાદન ટેકનોલોજી માટે દુનિયાભરમાં માન્યતાપ્રાપ્ત છે.
સેમસંગ, એક્સિસ બેંકે કો-બ્રાન્ડેડ ક્રેડિટ કાર્ડ પ્રસ્તુત કર્યું
ગુરુગ્રામ: કન્ઝ્યુમર ઇલેક્ટ્રોનિક્સ કંપની સેમસંગ અને એક્સિસ બેંકે વિઝા દ્વારા પાવર્ડ એક્સક્લૂઝિવ કો-બ્રાન્ડેડ ક્રેડિટ કાર્ડ પ્રસ્તુત કરવા જોડાણ કર્યું છે. સેમસંગ એક્સિસ બેંક ક્રેડિટ કાર્ડ સાથે ઉપભોક્તાઓને આખું વર્ષ સેમસંગના તમામ ઉત્પાદનો અને સેવાઓ પર 10 ટકા કેશબેક મળશે. ઉપરાંત ઉપભોક્તાઓને ઇએમઆઇ અને બિન-ઇએમઆઇ નાણાકીય વ્યવહારો એમ બંને પર સેમસંગની ઓફર ઉપરાંત સેમસંગ એક્સિસ બેંક ક્રેડિટ કાર્ડ દ્વારા 10 ટકા કેશબેક મળશે. સેમસંગના દક્ષિણ-પશ્ચિમ એશિયાના પ્રેસિડન્ટ અને સીઇઓ કેન કાંગે કહ્યું કે, સેમસંગ એક્સિસ બેંક ક્રેડિટ કાર્ડ, પાવર્ડ બાય વિઝા, ભારત-કેન્દ્રિત અમારું આગામી ઇનોવેશન છે, જે ઉદ્યોગમાં અગ્રણી શ્રેણીબદ્ધ ખાસિયતો દ્વારા સેમસંગ ઉત્પાદનોની ખરીદી અને સેવાઓ પર ખર્ચ સાથે અમારા ગ્રાહકોની રીતમાં પરિવર્તન લાવશે. એક્સિસ બેંકના એમડી અને સીઇઓ અમિતાભ ચૌધરીએ કહ્યું કે, આ કો-બ્રાન્ડેડ ક્રેડિટ કાર્ડ દ્વારા સેમસંગ ઇન્ડિયા અને વિઝા સાથે જોડાણમાં અમે ભારતમાં ઔપચારિક ધિરાણની સુવિધાને વધારવા, ટોચના 10 શહેરો સિવાય સેમસંગ ઇન્ડિયાની બહોળી પહોંચનો ઉપયોગ કરીને ટિઅર 2 અને 3 શહેરોમાં કાર્ડની પહોંચ વધારીશું.
ડાબરે દીપિકા પાદુકોણને બ્રાન્ડ એમ્બેસેડર તરીકે સાઇન કરી
નવી દિલ્હી: ભારતની સૌથી મોટી નેચરલ પર્સનલ કેર કંપની ડાબર ઈન્ડિયા લિમિટેડે આજે વિશ્વની નંબર 1 હેર ઓઈલ બ્રાન્ડ ડાબર અમલાની નવી બ્રાન્ડ એમ્બેસેડર તરીકે બોલિવૂડ દીપિકા પાદુકોણને સાઈન કરવાની જાહેરાત કરી છે. દીપિકા પાદુકોણને દર્શાવતું એક નવું અભિયાન “ફોટોકોપી નહીં, ચૂનો અસલી અમલા, ડાબર અમલા” પણ શરૂ કરવામાં આવી રહ્યું છે. જે વાળની સંભાળ રાખવાની વાત આવે ત્યારે તે લોકોને કોઈપણ ડુપ્લિકેટ આમળાનો ઉપયોગ ન કરવા વિનંતી કરે છે.
