SBFC ફાઇનાન્સ અને કોનકોર્ડના IPOમાં જામ્યું આકર્ષણ, આગામી સપ્તાહે મેઇનબોર્ડમાં TVS supplyનો IPO

Mainboard IPO Calendar at a Glance

અમદાવાદ, 6 ઓગસ્ટઃ પ્રાઇમરી માર્કેટમાં પ્રવેશેલા SBFC ફાઇનાન્સ અને કોનકોર્ડ બાયોટેકના IPOમાં રિટેલ સહિત તમામ રોકાણકાર વર્ગનો ભારે ક્રેઝ રહ્યો હતો. આગામી સપ્તાહે મેઇનબોર્ડમાં TVS સપ્લાય ચેઇનનો આઇપીઓ આવી રહ્યો છે. તા.7 ઓગસ્ટના રોજ યથાર્થ હોસ્પિટલનો IPO લિસ્ટેડ થઇ રહ્યો છે. ગત સપ્તાહે લિસ્ટેડ થયેલા એસએમઇ આઇપીઓ શ્રી ટેકટેક્સમાં 40 ટકા આસપાસ પ્રિમિયમથી રોકાણકારોનો પ્રવાહ એસએમઇ આઇપીઓ તરફ ખેંચાઇ રહ્યો છે. ઓગસ્ટ માસ દરમિયાન વર્તમાન તેમજ સંભવિત આઇપીઓ મારફત 10 કંપનીઓ રૂ. 8000 કરોડ એકત્ર કરવાની દરખાસ્ત ધરાવે છે.

Mainboard  જુલાઇ  લિસ્ટેડ IPO performance at a Glance

એસએમઇ પ્લેટફોર્મ પર શ્રીવરી સ્પાઇસિસનો IPO

SME IPO Canlendar at a Glance

એસએમઇ પ્લેટફોર્મ ઉપર હજી સુધી કોઇ મોટી જાહેરાત થઇ નથી. શ્રીવરી સ્પાઇસીસ તા. 7 ઓગસ્ટના રોજ ખૂલી રહ્યો છે. કંપની શેરદીઠ રૂ. 40-42ની પ્રાઇસબેન્ડ સાથે ઇશ્યૂ યોજવા જઇ રહી છે. પરંતુ તા. 4 ઓગસ્ટના રોજ ખુલેલા યુડીઝના આઇપીઓમાં રોકાણકારોનો ઉત્સાહ થોડો ધીમો જોવા મળ્યો હોવાનું સૂત્રો જણાવી રહ્યા છે. આગામી સપ્તાહે રાઇટ્સ ઇશ્યૂ કોર્નરમાં પણ Vaxtex Cotfab, પરફેક્ટ ઇન્ફ્રા અને પિરામલ ફાર્મા રાઇટ્સ ઇશ્યૂ લઇને આવી રહ્યા છે.

જુલાઇ લિસ્ટેડ SME IPO performance at a glance

Rights Issue Calendar at a Glance

શ્રી ટેકટેક્સ લિમિટેડે 40 ટકા પ્રીમિયમ સાથે લિસ્ટેડ

અમદાવાદ સ્થિત ટેક્નિકલ ટેક્સટાઇલના અગ્રણી ઉત્પાદક અને નિકાસકર્તા શ્રી ટેકટેક્સ લિમિટેડે એનએસઇના એસએમઇ ઇમર્જ પ્લેટફોર્મ ખાતે રૂ. 61ની ઇશ્યૂ પ્રાઇસની તુલનામાં લગભગ 40 ટકા ઉપર પ્રતિશેર રૂ. 85.20ના સ્તરે લિસ્ટિંગ નોંધાવ્યું છે. કંપનીનો શેર 33 ટકા પ્રીમિયમ સાથે રૂ. 81.15ના ભાવે ખૂલ્યો હતો. ઇન્ટ્રા-ડે ટ્રેડમાં શેર રૂ. 77.20ના નીચા સ્તરે સ્પર્શ્યાં બાદ રિબાઉન્ડિંગ થયો હતો તથા રૂ. 85.20ની ઇન્ટ્રા-ડે ટોચ ઉપર બંધ આવ્યો હતો. કંપનીનો આઇપીઓ રૂ 144.23 ગણો છલકાયો હતો. આઇપીઓમાંથી પ્રાપ્ત ભંડોળનો ઉપયોગ મેન્યુફેક્ચરિંગ સાઇટના નિર્માણ, મશીનરીની પ્રાપ્તિ તથા કાર્યકારી મૂડી સહિતના ખર્ચ માટે કરાશે. ઇશ્યૂના બુક રનિંગ લીડ મેનેજર બીલાઇન કેપિટલ એડવાઇઝર્સ પ્રાઇવેટ લિમિટેડ હતાં, જ્યારે કે લિંક ઇનટાઇમ ઇન્ડિયા પ્રાઇવેટ લિમિટેડ ઇશ્યૂના રજીસ્ટ્રાર હતાં. બીલાઇન એડવાઇઝર્સ માટે રાજ્યની આ 26મી કંપની છે.

ઓગસ્ટમાં 10 કંપનીઓના સંભવિત IPO રૂ. 8000 કરોડ એકત્ર કરશે