ITC Q4 ચોખ્ખો નફો 1.3% ઘટી રૂ. 5,020 કરોડ, અંતિમ ડિવિડન્ડ રૂ. 7.50

અમદાવાદ, 23 મેઃ ITC લિમિટેડે માર્ચ ક્વાર્ટર માટે રૂ. 5,020.2 કરોડનો સ્ટેન્ડઅલોન ચોખ્ખો નફો નોંધાવ્યો છે, જે એક વર્ષ અગાઉના ક્વાર્ટરની તુલનામાં 1.31 ટકા ઓછો છે. કંપનીની આવક 1.40 ટકા વધીને રૂ. 17,752.87 કરોડ થઈ હતી.

કંપનીએ 31 માર્ચ, 2024ના રોજ પૂરા થતા નાણાકીય વર્ષ માટે સામાન્ય શેરદીઠ રૂ. 7.50ના અંતિમ ડિવિડન્ડની ભલામણ કરી હતી. 29 જાન્યુઆરી, 2024ના રોજ જાહેર કરાયેલા રૂ. 6.25 પ્રતિ શેરના વચગાળાના ડિવિડન્ડ સાથે મળીને, વર્ષ માટે કુલ ડિવિડન્ડ રૂ. 13.75 પ્રતિ શેર હશે.

ત્રિમાસિક ગાળા માટે વ્યાજ, કર, ઘસારા અને ઋણમુક્તિ (EBIDTA) પહેલાંની કમાણી 0.8 ટકા ઘટીને રૂ. 6,162.6 કરોડ હતી. EBITDA માર્જિન વાર્ષિક ધોરણે 70 bps ઘટીને 37.2 ટકા થયું છે.

(Disclaimer: The information provided here is investment advice only. Investing in the markets is subject to risks and please consult your advisor before investing.)

(સ્પષ્ટતા: અત્રેથી આપવામાં આવતી તમામ પ્રકારની માહિતી કોઇપણ પ્રકારે રોકાણ/ ટ્રેડીંગ માટેની સલાહ નથી. બજારોમાં રોકાણ જોખમોને આધીન છે અને રોકાણ કરતા પહેલા કૃપા કરીને તમારા સલાહકારની સલાહ લો.)