કોટક મહિન્દ્રા એસેટ મેનેજમેન્ટે નિફ્ટી ફાઈનાન્સિયલ સર્વિસ એક્સ-બેન્ક ઈન્ડેક્સ ફંડ લોન્ચ કર્યું

મુંબઈ, 24 જુલાઇઃ કોટક મહિન્દ્રા એસેટ મેનેજમેન્ટ કંપની લિમિટેડે આજે કોટક નિફ્ટી ફાઇનાન્શિયલ સર્વિસીઝ એક્સ-બેન્ક ઈન્ડેક્સ ફંડની જાહેરાત કરી છે, જે નિફ્ટી ફાઈનાન્સિયલ સર્વિસીઝ એક્સ-બેન્ક ઈન્ડેક્સની નકલ/ટ્રેક કરતી ઓપન-એન્ડેડ સ્કીમ છે. આ યોજના સબ્સ્ક્રિપ્શન માટે 24મી જુલાઈ, 2023ના રોજ ખુલે છે અને ઓગસ્ટ 7મી, 2023ના રોજ બંધ થાય છે.

નિફ્ટી ફાઇનાન્શિયલ સર્વિસિસ એક્સ-બેન્ક ઇન્ડેક્સ બેન્કો સિવાય નાણાકીય સેવા ક્ષેત્રની ટોચની 30 કંપનીઓમાં રોકાણ કરશે. ઇન્ડેક્સમાં દરેક સ્ટોકનું વેઈટ ફ્રી ફ્લોટ માર્કેટ કેપિટલાઇઝેશન પર આધારિત છે અને તે નિફ્ટી 500 ઇન્ડેક્સનો ભાગ છે. ઇન્ડેક્સની નકલ કરીને, ફંડ રોકાણકારોને NBFC, HFC, ઇન્શ્યોરન્સ, બ્રોકિંગ, AMC અને ફિનટેક વગેરે જેવા ક્ષેત્રોમાં રોકાણની વિવિધ તકો પ્રદાન કરે છે. તે ભારતીય શેરબજારમાં રોકાણ કરવા માટે ખર્ચ-અસરકારક અને પારદર્શક અભિગમ પ્રદાન કરે છે. KMAMCના મેનેજિંગ ડિરેક્ટર નીલેશ શાહે જણાવ્યું કે, કોટક નિફ્ટી ફાઇનાન્સિયલ સર્વિસિસ એક્સ-બેન્ક ઇન્ડેક્સ ફંડની શરૂઆત એ પ્રોડક્ટ્સ ઓફર કરવાની અમારી પ્રતિબદ્ધતા સાથે સંકલિત છે જે વિવિધ રિસ્કની ક્ષમતા પૂરી કરે છે અને રોકાણના સંભવિત ક્ષેત્રોમાં રોકાણની તકો પૂરી પાડે છે. આ સેક્ટરલ ઇન્ડેક્સ ફંડની શરૂઆત સાથે, અમે અમારી એકંદર નિષ્ક્રિય ફંડ ઓફરિંગને વધુ મજબૂત બનાવીએ છીએ.