LCC પ્રોજેક્ટ્સે IPO દ્વારા ભંડોળ એકત્ર કરવા DRHP ફાઇલ કર્યું

અમદાવાદ, 25 ફેબ્રુઆરીઃ ઇપીસી કંપની LCC પ્રોજેક્ટ્સ લિમિટેડે પ્રારંભિક જાહેર ભરણા (આઇપીઓ) દ્વારા ભંડોળ ઊભું કરવાની મંજૂરી પ્રાપ્ત કરવા મૂડીબજાર નિયામક સેબી સાથે ડ્રાફ્ટ રેડ હેરિંગ પ્રોસ્પેક્ટસ (ડીઆરએચપી) ફાઇલ કર્યું છે.

આ પ્રસ્તાવિત આઇપીઓમાં રૂ. 320 કરોડના મૂલ્યના ઇક્વિટી શેર્સનો ફ્રેશ ઇશ્યૂ તથા પ્રમોટર્સ દ્વારા 2.29 કરોડ શેર્સનો ઓફર-ફોર-સેલ (ઓએફએસ) સામેલ છે. કંપનીના પ્રમોટર્સ અર્જન સુજા રબારી અને લાલજીભાઇ અર્જનભાઇ આહીર છે. ઇશ્યૂમાંથી પ્રાપ્ત ભંડોળનો ઉપયોગ ઉપકરણની ખરીદી, દેવાની ચૂકવણી અને કોર્પોરેટના સામાન્ય હેતુઓ માટે કરાશે.

LCC પ્રોજેક્ટ્સ ભારતમાં અગ્રણી મલ્ટીડિસિપ્લિનરી એન્જિનિયરીંગ પ્રોક્યોરમેન્ટ એન્ડ કન્સ્ટ્રક્શન (ઇપીસી) કંપનીઓ પૈકીની એક છે, જે સિંચાઇ અને પાણી પુરવઠા પ્રોજેક્ટ્સમાં કાર્યરત છે.

છેલ્લાં બે દાયકાના સમયગાળામાં કંપનીએ ડેમ, બેરેજ, બંધ, હાઇડ્રોલિક સ્ટ્રક્ચર, નહેરો, પાઇપ વિતરણ નેટવર્ક, લિફ્ટ ઇરિગેશન કાર્યો, પાણી પુરવઠા યોજનાઓ અને અન્ય ઇપીસી પ્રોજેક્ટ્સ જેવા વિશાળ શ્રેણીના પ્રોજેક્ટ્સનો અમલ કર્યો છે.

મોતીલાલ ઓસ્વાલ ઇન્વેસ્ટમેન્ટ એડવાઇઝર્સ ઇશ્યૂના મર્ચન્ટ બેંકર છે.

(Disclaimer: The information provided here is investment advice only. Investing in the markets is subject to risks and please consult your advisor before investing.)

(સ્પષ્ટતા: અત્રેથી આપવામાં આવતી તમામ પ્રકારની માહિતી કોઇપણ પ્રકારે રોકાણ/ ટ્રેડીંગ માટેની સલાહ નથી. બજારોમાં રોકાણ જોખમોને આધીન છે અને રોકાણ કરતા પહેલા કૃપા કરીને તમારા સલાહકારની સલાહ લો.)