MARKET LENS: NIFTY માટે 23350 રોક બોટમ, જો તૂટે તો 23263 સુધી ઘટી શકે
જો શુક્રવારની 23,350 પોઇન્ટની તૂટી જાય, તો નિફ્ટી નવેમ્બરના નીચા સ્તર 23,263ને ટચ કરી શકે છે, ત્યારબાદ 23,000ની સપાટી આવે છે, જે મુખ્ય સપોર્ટ ઝોન છે. જોકે, ઉપર તરફ, 23,600-23,700ની રેન્જ (શુક્રવારનો હાઇ અને 200-દિવસનો EMA) તેજીવાળાઓ માટે ફરીથી એક્શનમાં આવવા માટે મેઇન ફેક્ટર છે
| STOCKS TO WATCH | RELIANCE, JIOFINANCE, INFY, TCS, HCLTECH, SBILIFEDMart, NLCIndia, HEG, Biocon, InterarchBuilding, StandardGlass, JustDial, PCBL, NCLIndustries, JSWEnergy, SignatureGlobal, AdaniWilmar, IndianOverseasBank, BankofBaroda, OlaElectric, StandardGlass |
રિલાયન્સ ઇન્ડસ્ટ્રીઝ, ઇન્ફોસિસ, HCL ટેક્નોલોજીસ, ટેક મહિન્દ્રા, વિપ્રો, કોટક મહિન્દ્રા બેંક, HDFC લાઇફ ઇન્શ્યોરન્સ કંપની, એક્સિસ બેંક, SBI લાઇફ ઇન્શ્યોરન્સ સહિતની કંપનીઓ આવતા અઠવાડિયે તેમના Q3 FY25 પરિણામો જાહેર કરશે
અમદાવાદ, 13 જાન્યુઆરીઃ નિફ્ટીએ સતત ત્રીજા સત્ર માટે ડાઉનટ્રેન્ડ લંબાવવા સાથે 10 જાન્યુઆરીના રોજ સરેરાશથી ઉપરના વોલ્યુમ સાથે 0.4 ટકાનો ઘટાડો નોંધાવ્યો છે. મોમેન્ટમ ઇન્ડિકેટર્સમાં નેગેટિવ ટ્રેન્ડ અને તમામ મુખ્ય મૂવિંગ એવરેજ નીચે ઇન્ડેક્સ ટ્રેડિંગ કરી રહ્યો હોવાના કારણે એકંદર વલણ મંદીનું રહે છે. જો શુક્રવારની 23,350 પોઇન્ટની તૂટી જાય, તો નિફ્ટી નવેમ્બરના નીચા સ્તર 23,263ને ટચ કરી શકે છે, ત્યારબાદ 23,000ની સપાટી આવે છે, જે મુખ્ય સપોર્ટ ઝોન છે. જોકે, ઉપર તરફ, 23,600-23,700ની રેન્જ (શુક્રવારનો હાઇ અને 200-દિવસનો EMA) તેજીવાળાઓ માટે ફરીથી એક્શનમાં આવવા માટે મેઇન ફેક્ટર છે. ગત સપ્તાહે નિફ્ટી 573 પોઈન્ટ (2.39 ટકા) ઘટીને 23,432 પર પહોંચી ગયો, જે જૂન 2024 પછીનો સૌથી નીચો સ્તર છે. અને BSE સેન્સેક્સ 1,844 પોઈન્ટ (2.33 ટકા) ઘટીને 77,379 પર પહોંચી ગયો, જ્યારે નિફ્ટી મિડકેપ 100 અને સ્મોલકેપ 100 સૂચકાંકો અનુક્રમે 5.77 ટકા અને 7.3 ટકા નીચે હતા. IT સિવાયના તમામ ક્ષેત્રો દબાણ હેઠળ હતા.
ટેકનિકલ વ્યૂઃ ટેકનિકલ રીતે, બજારમાં મંદીનો માહોલ પ્રવર્તી રહ્યો છે, ગયા અઠવાડિયે નિફ્ટી જૂન 2024 પછીના સૌથી નીચા સ્તરે પહોંચી ગયો હતો, જેના કારણે લોંગ બેરિશ કેન્ડલસ્ટિક પેટર્ન રચાઇ હતી. નિફ્ટી અઠવાડિયાના EMA (23,442)થી થોડો નીચે બંધ થયો હતો અને લોંગ અપર શેડો સાથે સપોર્ટ ટ્રેન્ડલાઇનથી નીચે ગયો હતો, જેમાં મોમેન્ટમ સૂચકાંકો RSI અને MACDમાં નેગેટિવ ટ્રેન્ડ જોવાયો હતો, જે નબળાઈનો સંકેત આપે છે. જો નિફ્ટી અઠવાડિયાના EMAથી નીચે રહે છે, તો તે 23263ના પ્રથમ લક્ષ્ય સુધી પહોંચી શકે છે, ત્યારબાદ 22,800 ઘટાડા પર આગામી લક્ષ્ય હશે, જોકે, રિકવરીના કિસ્સામાં, ઇન્ડેક્સ 23,700 (200-દિવસ EMA) પર રેઝિસ્ટન્સનો સામનો કરી શકે તેવું નિષ્ણાતોએ જણાવ્યું હતું. એકંદરે, કોર્પોરેટ રિઝલ્ટ્સ, મેક્રોઇકોનોમિક ડેટા અને વૈશ્વિક સંકેતોના મિશ્રણ પર પ્રતિક્રિયા આપતા હોવાથી બજારમાં અસ્થિરતા રહેવાની ધારણા છે.
ભારત VIX: બજારમાં અપેક્ષિત અસ્થિરતા, 14ના સ્તરથી ઉપર ટકી રહી, ગયા શુક્રવારે 1.76 ટકા વધીને 14.92 પર સમાપ્ત થઈ, જે તેજીવાળાઓ માટે પ્રતિકૂળ છે.
F&O પ્રતિબંધમાં શેર: બંધન બેંક, હિન્દુસ્તાન કોપર, L&T ફાઇનાન્સ, મણપ્પુરમ ફાઇનાન્સ, RBL બેંક
(Disclaimer: The information provided here is investment advice only. Investing in the markets is subject to risks and please consult your advisor before investing.)
(સ્પષ્ટતા: અત્રેથી આપવામાં આવતી તમામ પ્રકારની માહિતી કોઇપણ પ્રકારે રોકાણ/ ટ્રેડીંગ માટેની સલાહ નથી. બજારોમાં રોકાણ જોખમોને આધીન છે અને રોકાણ કરતા પહેલા કૃપા કરીને તમારા સલાહકારની સલાહ લો.)
