માર્કેટ લેન્સઃ નિફ્ટી માટે સપોર્ટ 25078- 25007, રેઝિસ્ટન્સ 25272- 25394
NIFTY માટે આગામી સપોર્ટ ઝોન, 25,000 તરફ ગબડી શકે છે. 24,900–24,800 તરફ વધુ ઘટાડો થવાની શક્યતા નકારી શકાય નહીં. જોકે, જો તે શુક્રવારના નીચા સ્તરને જાળવી રાખવામાં સફળ થાય, તો 25,300 તાત્કાલિક રેઝિસ્ટન્સ હશે, તે ક્રોસ થયા બાદ 25,500 જોવા મળી શકે
| Stocks to watch: | Hubtown, ThyrocareTech, EIDParry, JSWInfra, Rallis, PiramalEnterprises, AvenueSupermarts, NCC, KoltePatilDevelopers, VIPIndustries, SulaVineyards, Wockhardt, AkzoNobel, GlandPharma, TravelFoodServices |
અમદાવાદ, 14 જુલાઇઃ સળંગ ત્રણ દિવસની ઘટાડાની ચાલમાં NIFTYએ ગત સપ્તાહે શુક્રવારના રોજ 0.81 ટકાના ઘટાડા સાથે 25150 પોઇન્ટની સપાટીએ બંધ આપવા સાથે મહત્વના બે સપોર્ટ 25330 અને 25440 ગુમાવ્યા છે. 25000ની સપાટી તૂટે તો માર્કેટમાં 24850ની સપાટી જોવા મળી શકે. જોકે સુધારાની સ્થિતિમાં NIFTY માટે 25330- 25400 પોઇન્ટની સપાટીઓ રેઝિસ્ટન્સ તરીકે વર્તી શકે તેવું ટેકનિકલ એનાલિસ્ટ્સનું માનવું છે. રિલાયન્સ સિક્યુરિટીઝનો ટેકનિકલ રિસર્ચ રિપોર્ટ સૂચવે છે કે, આરએસઆઇ વધુ ઘટવા સાથે માર્કેટની મજબૂતાઇમાં ઓટ આવ્યાનો સંકેત આપે છે. અને NIFTY હવે 25100 પોઇન્ટની સપાટી જાળવી રાખે તેવી શક્યતા દર્શાવે છે.
NIFTY અને બેંક NIFTYએ સતત ત્રીજા સત્ર માટે તેમના ઘટાડાને લંબાવવા સાથે ટૂંકા ગાળાની મૂવિંગ એવરેજથી નીચે તૂટી ગયા છે, અને મોમેન્ટમ ઇન્ડાઇસિસમાં નબળાઈ વધુ ઘટાડાની શક્યતા સૂચવે છે. જો NIFTY શોર્ટટર્મ એવરેજથી નીચે રહે છે, તો 25,000 તરફ ઘટાડો થવાની સંભાવના છે. નીચે વધુ ઘટાડો 24,900ને મહત્વપૂર્ણ સપોર્ટ તરીકે ફોકસમાં લાવશે. ઉપરમાં, 25,300 તાત્કાલિક રેઝિસ્ટન્સ છે; આ લેવલથી ઉપર ટકી રહેવાથી ટ્રેન્ડ ટર્નઅરાઉન્ડ થઇ શકે છે. દરમિયાન, બેંક NIFTYએ 57000થી વધુ રિબાઉન્ડ માટે 56600ના લેવલ(ગયા અઠવાડિયાના નીચલા સ્તર) ને જાળવી રાખવાની જરૂર છે. નિષ્ણાતોના મતે, જો તે આ સ્તરથી નીચે સરકી જાય છે, તો 56400- 56000 મુખ્ય સપોર્ટ ઝોન બની જાય છે.
11 જુલાઈના રોજ, NIFTY 205 પોઈન્ટ ઘટીને 25150 પર બંધ થયો હતો, જ્યારે બેંક NIFTY 201 પોઈન્ટ ઘટીને 56755 પોઇન્ટની સપાટી પર બંધ થયો હતો. માર્કેટ બ્રેડ્થ નેગેટિવ રહેવા સાથે NSE પર 854 શેર્સ સુધર્યા હતા તેની સામે 1775 શેર્સ ઘટ્યા હતા.
ઇન્ડિયા VIX: ત્રણ દિવસના ઘટાડા પછી 1.24 ટકા વધીને 11.82ના લેવલ પર પહોંચ્યો હોવા છતાં નીચલા ઝોનમાં રહ્યો. આ સામાન્ય રીતે તેજીવાળાઓ માટે સપોર્ટ ઝોન માનવામાં આવે છે.
F&O પ્રતિબંધમાં શેર્સ: ગ્લેનમાર્ક ફાર્મા, હિન્દુસ્તાન કોપર, RBL બેંક
(Disclaimer: The information provided here is investment advice only. Investing in the markets is subject to risks and please consult your advisor before investing.)
(સ્પષ્ટતા: અત્રેથી આપવામાં આવતી તમામ પ્રકારની માહિતી કોઇપણ પ્રકારે રોકાણ/ ટ્રેડીંગ માટેની સલાહ નથી. બજારોમાં રોકાણ જોખમોને આધીન છે અને રોકાણ કરતા પહેલા કૃપા કરીને તમારા સલાહકારની સલાહ લો.)
