MCX WEEKLY REVIEW: સોનાના વાયદામાં રૂ.1,176 અને ચાંદીમાં રૂ.2,449નો ઉછાળો

મુંબઈ, 29 ડિસેમ્બરઃ કોમોડિટી ડેરિવેટિવ્ઝ એક્સચેન્જ એમસીએક્સ પર વિવિધ કોમોડિટી વાયદા, ઓપ્શન્સ અને ઈન્ડેક્સ ફ્યુચર્સમાં 20થી 26 ડિસેમ્બર સુધીના સપ્તાહ દરમિયાન 72,36,225 સોદાઓમાં કુલ રૂ.7,84,956.19 કરોડનું ટર્નઓવર નોંધાયું હતું, જેમાં કોમોડિટી વાયદાનાં કામકાજનો હિસ્સો રૂ.86,797.39 કરોડનો અને ઓપ્શન્સનો હિસ્સો રૂ.6,98,138.93 કરોડનો હતો.

સમીક્ષા હેઠળના સપ્તાહ દરમિયાન કીમતી ધાતુઓના વાયદાઓમાં સોના-ચાંદીમાં એમસીએક્સ પર 5,44,220 સોદાઓમાં રૂ.42,177.58 કરોડનાં કામકાજ થયાં હતાં. સોનાના વાયદાઓમાં એમસીએક્સ સોનું ફેબ્રુઆરી વાયદો સપ્તાહના પ્રારંભે 10 ગ્રામદીઠ રૂ.75,660ના ભાવે ખૂલી, સપ્તાહ દરમિયાન ઈન્ટ્રા-ડેમાં ઉપરમાં રૂ.76,946 અને નીચામાં રૂ.75,651ના મથાળે અથડાઈ, સપ્તાહનાં અંતે રૂ.1,176ના ઉછાળા સાથે રૂ.76,827ના ભાવે પહોંચ્યો હતો. આ સામે ગોલ્ડ-ગિની ડિસેમ્બર કોન્ટ્રેક્ટ 8 ગ્રામદીઠ રૂ.998 ઊછળી રૂ.61,888 અને ગોલ્ડ-પેટલ ડિસેમ્બર કોન્ટ્રેક્ટ 1 ગ્રામદીઠ રૂ.81 વધી રૂ.7,672ના ભાવે પહોંચ્યો હતો. સોનું-મિની જાન્યુઆરી વાયદો 10 ગ્રામદીઠ રૂ.923ની તેજી સાથે રૂ.76,114ના સ્તરે પહોંચ્યો હતો.

ચાંદીના વાયદાઓમાં ચાંદી માર્ચ વાયદો સપ્તાહના પ્રારંભે 1 કિલોદીઠ રૂ.86,993ના ભાવે ખૂલી, સપ્તાહ દરમિયાન ઈન્ટ્રા-ડેમાં ઉપરમાં રૂ.90,000 અને નીચામાં રૂ.86,447ના મથાળે અથડાઈ, સપ્તાહનાં અંતે રૂ.2,449ના ઉછાળા સાથે રૂ.89,636ના સ્તરે બંધ થયો હતો. ચાંદી-મિની ફેબ્રુઆરી કોન્ટ્રેક્ટ રૂ.2,337ની તેજી સાથે રૂ.89,665 અને ચાંદી-માઈક્રો ફેબ્રુઆરી કોન્ટ્રેક્ટ રૂ.2,355ની વૃદ્ધિ સાથે રૂ.89,681 બંધ થયો હતો.

ક્રૂડ તેલના વાયદામાં રૂ.43ની વૃદ્ધિ, મેન્થા તેલમાં નરમાઈ

બિનલોહ ધાતુઓના વાયદાઓમાં એમસીએક્સ ખાતે 85,156 સોદાઓમાં રૂ.11,430.41 કરોડના વેપાર થયા હતા. તાંબુ ડિસેમ્બર વાયદો રૂ.797.25ના ભાવે ખૂલી, રૂ.3.10 વધી રૂ.799.85 જ્યારે એલ્યુમિનિયમ ડિસેમ્બર કોન્ટ્રેક્ટ રૂ.11.85 વધી રૂ.253.10 તેમ જ સીસું ડિસેમ્બર કોન્ટ્રેક્ટ રૂ.0.10 ઘટી રૂ.176ના ભાવ થયા હતા. જસત ડિસેમ્બર કોન્ટ્રેક્ટ રૂ.2.05 વધી રૂ.281ના ભાવ થયા હતા. મિની વાયદાઓમાં એલ્યુમિનિયમ-મિની ડિસેમ્બર વાયદો 1 કિલોદીઠ રૂ.5.60 વધી રૂ.247.30 સીસુ-મિની ડિસેમ્બર કોન્ટ્રેક્ટ રૂ.1.75 ઘટી રૂ.175.75 જસત-મિની ડિસેમ્બર વાયદો રૂ.1.30 વધી રૂ.280.95 બંધ થયો હતો.

કોટન-ખાંડી, નેચરલ ગેસ વધ્યા, બુલડેક્સ વાયદામાં રૂ.20 કરોડનાં કામકાજ

એનર્જી સેગમેન્ટના વાયદાઓમાં એમસીએક્સ પર 7,60,844 સોદાઓમાં રૂ.33,163.87 કરોડનો ધંધો થયો હતો. ક્રૂડ તેલ જાન્યુઆરી વાયદો સપ્તાહના પ્રારંભે 1 બેરલદીઠ રૂ.5,902ના ભાવે ખૂલી, સપ્તાહ દરમિયાન ઈન્ટ્રા-ડેમાં ઉપરમાં રૂ.6,050 અને નીચામાં રૂ.5,844ના મથાળે અથડાઈ, સપ્તાહનાં અંતે રૂ.43 વધી રૂ.5,976 બોલાયો હતો, જ્યારે ક્રૂડ તેલ-મિની જાન્યુઆરી વાયદો રૂ.43 વધી રૂ.5,979 બંધ થયો હતો. નેચરલ ગેસ ડિસેમ્બર વાયદો 1 એમએમબીટીયૂદીઠ રૂ.307ના ભાવે ખૂલી, રૂ.18.10 વધી રૂ.317.30 અને નેચરલ ગેસ-મિની ડિસેમ્બર વાયદો 18.7 વધી 317.6 બંધ થયો હતો.

કોમોડિટી વાયદાઓમાં રૂ.86,797 કરોડ અને ઓપ્શન્સમાં રૂ.6,98,138 કરોડનું ટર્નઓવર

કૃષિ કોમોડિટીઝના વાયદાઓમાં એમસીએક્સ ખાતે રૂ.25.53 કરોડનાં કામકાજ થયા હતા. કોટન ખાંડી જાન્યુઆરી વાયદો સપ્તાહના પ્રારંભે 1 ખાંડીદીઠ રૂ.53,710ના ભાવે ખૂલી, સપ્તાહ દરમિયાન ઈન્ટ્રા-ડેમાં ઉપરમાં રૂ.54,650 અને નીચામાં રૂ.53,710ના મથાળે અથડાઈ, સપ્તાહનાં અંતે રૂ.410 વધી રૂ.54,430ના સ્તરે પહોંચ્યો હતો. મેન્થા તેલ ડિસેમ્બર કોન્ટ્રેક્ટ 1 કિલોદીઠ રૂ.11.10 ઘટી રૂ.916.70 બોલાયો હતો.