નવી મ્યુચ્યુઅલ ફંડે ઓછા ખર્ચનું ELSS ઇન્ડેક્સ ફંડ લોન્ચ કર્યું

નવીનું ELSS  ટેક્સ સેવર નિફ્ટી 50 ઇન્ડેક્સ ફંડ એક પેસિવ ફંડ છે જે નિફ્ટી50 ઇન્ડેક્સને ટ્રૅક કરશે જે કલમ 80C હેઠળ રૂ. 1.5 લાખ સુધીની કર-બચત કપાત અને ભારતની ટોચની 50 કંપનીઓમાં રોકાણનો લાભ પૂરો પાડશે. NFO 14મી ફેબ્રુઆરી 2023ના રોજ ખુલશે અને 28મી ફેબ્રુઆરી 2023ના રોજ બંધ થશે

બેંગલુરુ: નવી મ્યુચ્યુઅલ ફંડે એક પેસિવ ELSS  ટેક્સ-સેવર ફંડ નવી ELSS ટેક્સ સેવર નિફ્ટી 50 ઈન્ડેક્સ ફંડ લોન્ચ કરવાની જાહેરાત કરી છે. NFO 14મી ફેબ્રુઆરી, 2023ના રોજ ખુલશે અને 28મી ફેબ્રુઆરી, 2023ના રોજ બંધ થશે. ડાયરેક્ટ પ્લાન હેઠળ 0.12% ના ખર્ચ રેશિયો સાથે તે ભારતમાં સૌથી ઓછો ખર્ચ કર બચત ELSS ફંડ હશે. કલમ 80C હેઠળ વિવિધ કર બચત સાધનોમાં ફંડમાં માત્ર ત્રણ વર્ષનો સૌથી ઓછો લોક-ઇન સમયગાળો છે. લોક-ઇન સમયગાળાની સમાપ્તિ પછી ઉપાડ પર કોઈ એક્ઝિટ-લોડ રહેશે નહીં. રોકાણકારો ઓછામાં ઓછા રૂ. 500થી રોકાણ શરૂ કરી શકે છે. નવી ELSS  ટેક્સ સેવર નિફ્ટી 50 ઇન્ડેક્સ ફંડની શરૂઆત સાથે સેબીની માર્ગદર્શિકાનો લાભ લેનાર નવી ભારતમાં પ્રથમ મ્યુચ્યુઅલ ફંડ બનશે. રોકાણકારો 14થી 28 ફેબ્રુઆરી, 2023 દરમિયાન કોઈપણ સમયે નવી એપ પર અથવા કોઈપણ મ્યુચ્યુઅલ ફંડ રોકાણ પ્લેટફોર્મ દ્વારા NFOમાં રોકાણ કરવાનું શરૂ કરી શકે છે.