ક્વાડ્રન્ટ ફ્યુચર ટેકનો IPO 7 જાન્યુઆરીએ ખૂલશેઃ પ્રાઇસબેન્ડ રૂ.275-290

અમદાવાદ, 4 જાન્યુઆરી: ક્વાડ્રન્ટ ફ્યુચર ટેક લિમિટેડે તેની પ્રથમ પ્રારંભિક જાહેર ઓફર માટે રૂ. 10/- ની મૂળ કિંમતના પ્રત્યેક ઇક્વિટી શૅર માટે શૅર દીઠ રૂ. 275/- થી રૂ. 290/-ની પ્રાઇસ બેન્ડ નક્કી કરી છે. ફ્લોર પ્રાઈસ ઇક્વિટી શૅરના ફેસ વેલ્યુના 27.5 ગણી છે અને કેપ પ્રાઈસ ઇક્વિટી શેરના ફેસ વેલ્યુના 29.0 ગણી છે. કંપનીનો આઇપીઓ તા. 7 જાન્યુઆરીએ ખૂલશે અને તા. 9 જાન્યુઆરીએ બંધ થશે. રોકાણકારો ઓછામાં ઓછા 50 ઇક્વિટી શૅર માટે અને ત્યારબાદ 50 ઇક્વિટી શૅરના ગુણાંકમાં બિડ કરી શકે છે.

ઇશ્યૂ યોજવા માટેના મુખ્ય ઉદ્દેશ્યો એક નજરે

આ IPO સંપૂર્ણપણે રૂ. 2,900 મિલિયન સુધીનો નવો ઇશ્યૂ છે જેમાં કોઈ ઓફર ફોર સેલનો ઘટક નથી. તેના નવા ઇશ્યુમાંથી મળેલી રકમમાંથી રૂ. ૧૪૯૭.૨૨ મિલિયન સુધીની રકમ અમારી કંપની (સ્પેશિયાલિટી કેબલ ડિવિઝન) ની લાંબા ગાળાની કાર્યકારી મૂડી જરૂરિયાતોને પૂર્ણ કરવા માટે ઉપયોગમાં લેવામાં આવશે, રૂ. ૨૪૩.૭૫ મિલિયન ઇલેક્ટ્રોનિક ઇન્ટરલોકિંગ સિસ્ટમના વિકાસ માટે મૂડી ખર્ચ માટે, રૂ. ૨૩૬.૧૯ મિલિયન કંપની દ્વારા મેળવેલ બાકી કાર્યકારી મૂડી ટર્મ લોનના તમામ અથવા એક ભાગની પૂર્વ ચુકવણી અથવા ચુકવણી માટે અને બાકીની રકમ સામાન્ય કોર્પોરેટ હેતુ પૂરા કરવા માટે ઉપયોગમાં લેવાશે.

કંપનીની કામગીરી અને ઇતિહાસ એક નજરે

ક્વાડ્રન્ટ એક સંશોધન-લક્ષી કંપની છે, જે ભારતીય રેલ્વે માટે નવી પેઢીની ટ્રેન નિયંત્રણ અને સિગ્નલિંગ સિસ્ટમ્સ વિકસાવવા ક્ષેત્રે સંકળાયેલી છે, જે રેલ મુસાફરોને ઉચ્ચતમ સ્તરની સલામતી અને વિશ્વસનીયતા પ્રદાન કરે છે અને ઇલેક્ટ્રોન બીમ ઇરેડિયેશન સેન્ટર સાથે સ્પેશિયાલિટી કેબલ ઉત્પાદન સુવિધા પણ ધરાવે છે.

કંપની દ્વારા ઉત્પાદિત સ્પેશિયાલિટી કેબલનો ઉપયોગ રેલ્વે રોલિંગ સ્ટોક અને નેવલ (ડિફેન્સ) ઉદ્યોગમાં થાય છે. આ સુવિધામાં સૌર અને EV કેબલ્સના ઉત્પાદન માટે એન્ડ ટુ એન્ડ ઇન્ફ્રાસ્ટ્રક્ચર ક્ષમતાઓ પણ છે. કંપની પાસે સ્પેશિયાલિટી કેબલ્સના ઉત્પાદન, પરીક્ષણ, સંશોધન અને વિકાસ માટે અને ટ્રેન કંટ્રોલ અને સિગ્નલિંગ ડિવિઝન માટે જરૂરી હાર્ડવેરનું ઉત્પાદન કરવા માટે એક સુવિધા છે, બંને સુવિધા પંજાબ ખાતે જિલ્લા મોહાલીના ગામ બાસ્મા, તહેસીલ બાનુરમાં આવેલી છે. કંપની પાસે 30 સપ્ટેમ્બર, 2024 ના રોજ 1,887.60 મેટ્રિક ટન સ્થાપિત ક્ષમતા હતી.

કંપનીએ ટ્રેન કંટ્રોલ પ્રોડક્ટ્સ અને સોલ્યુશન્સના વિકાસ માટે રેલ્વે સિગ્નલિંગ અને એમ્બેડેડ સિસ્ટમ ડિઝાઇન સેન્ટર સમર્પિત કર્યું છે અને ભારતીય રેલ્વેમાં સલામતી અને ક્ષમતા વધારવા માટે ઓટોમેટિક ટ્રેન પ્રોટેક્શન સિસ્ટમના માધ્યમ તરીકે KAVACH હેઠળ ટ્રેન કોલિઝન એવોઇડન્સ સિસ્ટમ અને ઇલેક્ટ્રોનિક ઇન્ટરલોકિંગ સિસ્ટમના વિકાસ તરફ કામ કરી રહી છે.

કવચ અમલીકરણ હેઠળ, કંપનીને 12 ડિસેમ્બર, 2024 ના રોજ ચિત્તરંજન લોકોમોટિવ વર્ક્સ તરફથી 1,200 લોકોમોટિવ્સમાં ઓન-બોર્ડ કવચ સાધનોના સપ્લાય, ઇન્સ્ટોલેશન, પરીક્ષણ અને કમિશનિંગ માટે રૂ. 9,786.06 મિલિયન (કર સહિત) ની કુલ કિંમતનો ખરીદી ઓર્ડર મળ્યો છે. ઉપરાંત, 01 મે, 2024 ના રોજ, કંપનીએ ભારત સરકારના ઉપક્રમ, રેલટેલ કોર્પોરેશન ઓફ ઈન્ડિયા લિમિટેડ સાથે ભારત અને વિદેશમાં રેલ્વે માટે કવચ તકોને અનુસરવા માટે આંતર-સેવા સહકારના માળખાને વ્યાખ્યાયિત કરવા માટે સમજૂતી કરાર કર્યો છે.

લીડ મેનેજર્સઃ સુંડે કેપિટલ એડવાઇઝર્સ પ્રાઇવેટ એકમાત્ર બુક-રનિંગ લીડ મેનેજર છે, અને લિંક ઇન્ટાઇમ ઇન્ડિયા પ્રાઇવેટ ઇશ્યૂ રજિસ્ટ્રાર છે.

(Disclaimer: The information provided here is investment advice only. Investing in the markets is subject to risks and please consult your advisor before investing.)

(સ્પષ્ટતા: અત્રેથી આપવામાં આવતી તમામ પ્રકારની માહિતી કોઇપણ પ્રકારે રોકાણ/ ટ્રેડીંગ માટેની સલાહ નથી. બજારોમાં રોકાણ જોખમોને આધીન છે અને રોકાણ કરતા પહેલા કૃપા કરીને તમારા સલાહકારની સલાહ લો.)