સેન્સેક્સ 1600 પોઈન્ટ તૂટ્યો, નિફ્ટીએ 21600ની સપાટી તોડી, કડાકાના 5 કારણો જાણો

ફેડરલ રિઝર્વના ગવર્નર ક્રિસ્ટોફર વોલરની હોકીશ ટિપ્પણીએ યુએસ 10-વર્ષના બોન્ડ્સ અને ડોલર ઇન્ડેક્સ પર ઉપજમાં વધારો કર્યો હોવાથી વિશ્વભરના બજારોમાં કડાકો બોલાયો

અમદાવાદ, 17 જાન્યુઆરીઃ બુધવારે વૈશ્વિક શેરબજારોમાં કડાકાની સ્થિતિના પગલે સેન્સેક્સ અને નિફ્ટીએ પણ બે ટકાથી વધુ ગાબડું નોંધાવવા સાથે તમામ સેક્ટોરલ્સમાં સેલિંગ પ્રેશર જોવા મળ્યું હતું. ખાસ કરીને HDFC બેન્કની આગેવાની હેઠળના બેન્કિંગ શેરોમાં વેચવાલીથી મંદી સર્જાઈ હતી. સેન્સેક્સ 1,628.01 પોઈન્ટ અથવા 2.23 ટકા ઘટીને 71,500.76 પર અને નિફ્ટી 453.90 પોઈન્ટ અથવા 2.06 ટકા ઘટીને 21,578.40 પોઇન્ટની સપાટી ઉપર બંધ રહ્યો હતો. એકંદરે માર્કેટ બ્રેડ્થ પણ નેગેટિવ રહેવા સાથે 1,011 શેર વધ્યા સામે 2,226 ઘટ્યા હતા અને 48 યથાવત રહ્યા.

બજારમાં કડાકા પાછળના મુખ્ય પાંચ કારણો જાણો

1. યુએસ રેટ-કટમાં વિલંબ અંગે ચિંતાઃ યુએસ ફેડરલ રિઝર્વના ગવર્નર ક્રિસ્ટોફર વોલરે ચેતવણી આપી હતી કે નાણાકીય નીતિમાં ધારણા કરતાં ધીમી ગતિ આવી શકે છે તે પછી રેટ-કટની અપેક્ષાઓ હળવી થવાથી સેન્ટિમેન્ટમાં ઘટાડો થયો હતો. સીએમઈ ગ્રુપના ફેડવોચ ટૂલના જણાવ્યા અનુસાર, હોકીશ ટિપ્પણીઓ અનુસાર યુએસ સેન્ટ્રલ બેંક માર્ચથી તેના દર-કટીંગની શરૂઆત કરે તેવી શક્યતા છે.
2. યુએસ બોન્ડ યીલ્ડ અને ડોલર ઇન્ડેક્સમાં વધારોઃ યુએસ 10-વર્ષના ટ્રેઝરી બોન્ડ્સ પર યીલ્ડમાં વધારો થયો હતો અને ડોલર ઇન્ડેક્સ એક મહિનાની ઊંચી સપાટીએ પહોંચ્યો હતો અને 4 ટકાથી ઉપર હતો.
3. નબળા વૈશ્વિક સંકેતોઃ ડાઉ જોન્સ ઇન્ડસ્ટ્રીયલ એવરેજ 0.6 ટકા ઘટ્યો, જ્યારે S&P 500 અને NASDAQ 100 પણ નીચામાં બંધ રહ્યા હતા. એશિયા-પેસિફિકના બજારોમાં પણ વેચવાલીનું દબાણ જોવા મળ્યું હતું. હોંગકોંગ, ઓસ્ટ્રેલિયા, દક્ષિણ કોરિયા અને ચીનમાં બેન્ચમાર્ક રેડ ઝોનમાં બંધ રહ્યા હતા.
4. HDFC બેંકના નિરાશાજનક Q3 પરીણામોઃ એચડીએફસી બેન્કના ડિસેમ્બર ક્વાર્ટરના પરિણામોમાં હેડલાઇન નંબર્સ બજારની અપેક્ષાઓ પૂરી કરવા છતાં ચોખ્ખા વ્યાજના માર્જિન પર દબાણને પ્રતિબિંબિત કરવાનું ચાલુ રાખ્યા પછી HDFC બેન્કના શેરને સૌથી વધુ નુકસાન થયું હતું. આ શેર નિફ્ટી 50માં વેઇટેજ 13.52 ટકા ધરાવે છે અને તેથી કાઉન્ટર પર વેચવાલીથી હેડલાઇન ઇન્ડેક્સ પર દબાણ વધ્યું. તેની પાછળ પાછળ કોટક મહિન્દ્રા બેંક, ICICI બેંક અને SBI 2-4 ટકા ઘટવા સાથે અન્ય બેંકિંગ શેરોમાં પણ વેચવાલી જોવા મળી હતી. નિફ્ટી બેંક પણ 4 ટકાથી વધુ ઘટ્યો હતો.
5. પેનિક સેલિંગ પ્રેશરઃ ઈન્ફોર્મેશન ટેક્નોલોજી સિવાયના તમામ ક્ષેત્રો ઘટીને બંધ થયા હતા. નિફ્ટી મેટલ ઇન્ડેક્સ 3 ટકાથી વધુ, ઓટોમોબાઈલ, ફાર્મા, એફએમસીજી, એનર્જી, પીએસયુ બેંકો અને ઈન્ફ્રા સેક્ટર પણ લગભગ 1 ટકાના ઘટાડા સાથે બંધ થયા હતા. નિફ્ટી સ્મોલકેપ અને મિડકેપ સૂચકાંકો 1 ટકાથી વધુ તૂટ્યા હતા.

(Disclaimer: The information provided here is investment advice only. Investing in the markets is subject to risks and please consult your advisor before investing.)

(સ્પષ્ટતા: અત્રેથી આપવામાં આવતી તમામ પ્રકારની માહિતી કોઇપણ પ્રકારે રોકાણ, ટ્રેડીંગ માટેની સલાહ નથી. બજારોમાં રોકાણ જોખમોને આધીન છે અને રોકાણ કરતા પહેલા કૃપા કરીને તમારા સલાહકારની સલાહ લો.)