Reliance Industriesનો શેર રેકોર્ડ ટોચે પહોંચ્યો, સેન્સેક્સ પેકની ટોપ ગેઈનર સ્ક્રિપ

અમદાવાદ, 29 જાન્યુઆરીઃ રિલાયન્સ ઈન્ડસ્ટ્રીઝ લિ.નો શેર આજે 2899.40ની રેકોર્ડ ટોચે પહોંચ્યો હતો. આ સાથે દેશની ટોચની લિસ્ટેડ કંપનીની માર્કેટ કેપ 19.52 લાખ કરોડે પહોંચી છે. બપોરે 2.10 વાગ્યે 6.47 ટકા ઉછાળા સાથે 2885.75 પર ટ્રેડ થઈ રહ્યો હતો. આ સાથે સેન્સેક્સ પેકની 30 સ્ક્રિપ્સ પૈકી ટોપ ગેઈનર સ્ક્રિપ બની હતી.

સેન્સેક્સમાં 1200 પોઈન્ટના ઉછાળામાં રિલાયન્સ ઈન્ડસ્ટ્રીઝનું યોગદાન 540 પોઈન્ટ જોવા મળ્યું છે. રિલાયન્સનો શેર આજે નિફ્ટી50 પેકમાં પણ ટોપ કોન્ટ્રિબ્યૂટર તરીકે ઉભરી આવ્યો છે. છેલ્લા એક માસમાં રિલાયન્સનો શેર 9 ટકા જ્યારે 3 માસમાં 24 ટકાથી વધુ ઉછળ્યો છે.

મુકેશ અંબાણીની રિલાયન્સ ઈન્ડસ્ટ્રીઝે 19 જાન્યુઆરીએ મજબૂત ત્રિમાસિક પરિણામો જારી કર્યા હતા. જેમાં ચોખ્ખો નફો 11 ટકા વધી રૂ. 19641 કરોડ, અને ગ્રોસ રેવેન્યુ 3.2 ટકા વધી રૂ. 2.48 લાખ કરોડ થઈ હતી.

તેણે FY24-26E કમાણીના અંદાજો વ્યાપકપણે જાળવી રાખ્યા હતા, મજબૂત ગ્રોથ સાથે  Jio EV/EBITDAના ઉંચા લક્ષ્યાંક, ઊંચા ન્યૂ એનર્જી વેલ્યૂ (1.5x EV/IC) પાછળ શેર દીઠ SOTP-આધારિત TP 8%થી વધારીને ₹2,950 કર્યો હતો. બ્રોકરેજ નુવામાએ રિલાયન્સ ઇન્ડસ્ટ્રીઝ પર ‘એડ’ રેટિંગ જાળવી રાખ્યું હતું.

અગાઉ, નુવામા ઇન્સ્ટિટ્યુશનલ ઇક્વિટીઝે કહ્યું હતું કે રિલાયન્સ ન્યૂ એનર્જી-ચેઇન ઉત્પાદન શરૂ કરવા અને તેના વ્યૂહાત્મક એક્વિઝિશન અને મર્જર (M&A), PLI-વિન અને પ્લાન્ટ પ્રોગ્રેસ સાથે આગળ વધી રહી છે. આમ, તેની સંપૂર્ણ સંકલિત 20GW મોડ્યુલ ક્ષમતાને જોતાં, રિલાયન્સ ઇન્ડસ્ટ્રીઝને તેના નવા એનર્જી વ્યવસાય માટે મૂલ્યાંકન પુનઃ રેટિંગની જરૂર છે.

બ્રોકરેજે રિલાયન્સ ઇન્ડસ્ટ્રીઝના શેરનો ટાર્ગેટ 5% વધારીને ₹3,105 કર્યો છે, RILના ન્યૂ એનર્જી વેલ્યુએશનને FY26Eમાં વેચાણો વધવાની સંભાવના સાથે RILના શેર પર ‘બાય’ રેટિંગ ધરાવે છે.

(Disclaimer: The information provided here is investment advice only. Investing in the markets is subject to risks and please consult your advisor before investing.)

(સ્પષ્ટતા: અત્રેથી આપવામાં આવતી તમામ પ્રકારની માહિતી કોઇપણ પ્રકારે રોકાણ, ટ્રેડીંગ માટેની સલાહ નથી. બજારોમાં રોકાણ જોખમોને આધીન છે અને રોકાણ કરતા પહેલા કૃપા કરીને તમારા સલાહકારની સલાહ લો.)