Stock Watch: HDFC Bankનો શેર આજે વધુ 4 ટકા સુધી તૂટી વાર્ષિક તળિયાની નજીક પહોંચ્યો

અમદાવાદ, 18 જાન્યુઆરીઃ એચડીએફસી બેન્કે નિષ્ણાતો અને રોકાણકારોની અપેક્ષા મુજબ ડિસેમ્બર ત્રિમાસિક પરિણામો જારી ન કરતાં શેરમાં વેચવાલી વધી છે. એચડીએફસી બેન્કનો શેર આજે વધુ 3.68 ટકા તૂટી બીએસઈ ખાતે 1480.25ના લેવલે પહોંચ્યો હતો. તેની વાર્ષિક બોટમ રૂ. 1460.55 છે.

યુએસ-લિસ્ટેડ એચડીએફસીના શેર પણ 9.1 ટકા ઘટી 55.5 ડોલર થયા બાદ આજે વધુ 3 ટકા તૂટ્યા હતા. જે માર્ચ-2020 બાદનો સૌથી મોટો સિંગલ ડે ઘટાડો દર્શાવે છે. છેલ્લા બે દિવસમાં એચડીએફસી બેન્ક ADR 15 ટકાથી વધુનો ઘટાડો થયો છે, જ્યારે HDFC બેન્કના શેરમાં 10 ટકાથી વધુનો ઘટાડો થયો છે. 12.44 વાગ્યે 2.29 ટકા તૂટી 1500.65ના સ્તરે ટ્રેડ થઈ રહ્યો હતો.

એચડીએફસી બેન્કની નફાકારકતા રિટર્ન ઓન એસેટ્સ ટેસ્ટમાં બે પરિબળો પર નિષ્ફળ રહી હતી. એક શેરદીઠ કમાણીમાં 2 ટકાનો ઘટાડો તથા રિટર્ન ઓન એસેટ્સ 2 ટકા પર ટેક્સ રાઈટબેકનો મોટો ફાળો. ચોખ્ખો નફો 33 ટકા વધ્યો હોવા છતાં HDFC બેન્કના શેર દબાણ હેઠળ છે, રોકાણકારો મર્જર પૂર્વેની સરેરાશ કરતાં ચોખ્ખા વ્યાજના માર્જિનમાં તીવ્ર ઘટાડાથી સાવચેત છે HDFC બેન્કની ડિપોઝિટ વૃદ્ધિ મોટા માર્જિનથી લોન વૃદ્ધિમાં પાછળ છે ટેક્સ રીટબેક અને ઓપરેટિંગ પ્રોફિટમાં વૃદ્ધિ ઓછી છે અને ભારતના સૌથી મૂલ્યવાન ખાનગી ક્ષેત્રના ધિરાણકર્તાને રોકાણકારોને આકર્ષવામાં પ્રથમ વખત મુશ્કેલી પડી રહી છે.

ખાનગી ક્ષેત્રની ટોચની બેન્કે ઓક્ટોબર-ડિસેમ્બર ક્વાર્ટર (Q3FY24)ના નિરાશાજનક પરિણામો રજૂ કરતાં ગઈકાલે 17 જાન્યુઆરીએ HDFC બેન્કના શેર 8 ટકાથી વધુ તૂટીને રૂ. 1,536 પર બંધ થયા હતા. એચડીએફસી બેન્કના શેરમાં નબળાઈએ અન્ય બેન્કિંગ શેરો, ખાસ કરીને ખાનગી ક્ષેત્રના ધિરાણકર્તાઓ પર લહેરભરી અસર ઊભી કરી છે, જેના કારણે માર્ચ 2022થી એક દિવસના રેકોર્ડ ઘટાડામાં બેન્ક નિફ્ટી ઇન્ડેક્સ 4 ટકા તૂટ્યો હતો.

એલકેપી સિક્યુરિટીઝના રિસર્ચ એનાલિસ્ટ અજીત કાબીએ જણાવ્યું હતું કે, ત્રીજા ક્વાર્ટરની કામગીરી ફ્લેટ જણાઈ રહી છે, ઉચ્ચો CDR (110%) અને નીચું LCR (3Qમાં 110%ની સામે 2Qમાં 126%) ચિંતાનું કારણ છે. નીચો LCR અને ધીમી ડિપોઝિટ વૃદ્ધિ આગળ જતાં NIMના વિસ્તરણને મર્યાદિત કરી શકે છે. NIM અપેક્ષાઓ કરતા ઓછા નોંધાયા છે. નીચું LCR, CDR પડકાર અને ધીમી થાપણ વૃદ્ધિ આગળ જતાં NiM પર પ્રેશર બનાવી શકે છે. અમે માનીએ છીએ, અમે આગામી સમયગાળામાં મજબૂત રિકવરી જોવા મળી શકે છે. અમે આગામી 12 માસમાં શેર 1700ના સ્તરે પહોંચશે તેવો આશાવાદ ધરાવીએ છીએ. જે વર્તમાન ભાવથી 11 ટકા વૃદ્ધિ દર્શાવે છે.

(Disclaimer: The information provided here is investment advice only. Investing in the markets is subject to risks and please consult your advisor before investing.)

(સ્પષ્ટતા: અત્રેથી આપવામાં આવતી તમામ પ્રકારની માહિતી કોઇપણ પ્રકારે રોકાણ, ટ્રેડીંગ માટેની સલાહ નથી. બજારોમાં રોકાણ જોખમોને આધીન છે અને રોકાણ કરતા પહેલા કૃપા કરીને તમારા સલાહકારની સલાહ લો.)