વીડીલ સિસ્ટમનો SME IPO 27 ઓગસ્ટે ખૂલશે, ઇશ્યૂ પ્રાઇસઃ રૂ. 112

અમદાવાદ, 25 ઓગસ્ટ: વીડીલ સિસ્ટમ લિમિટેડ, ઇલેક્ટ્રિકલ કંટ્રોલ પેનલ અને ઓટોમેશન પેનલના ઉત્પાદકે 27 ઓગસ્ટ, 2024ના રોજ તેના ઈનિશિયલ પબ્લિક ઓફરિંગ ખોલવાની દરખાસ્ત મૂકી છે. કંપનીનું લક્ષ્ય ₹18.08 કરોડ એકત્ર કરવાનું છે અને શેર એનએસઈ ઇમર્જ પ્લેટફોર્મ પર સૂચિબદ્ધ થશે. આ ઈશ્યુમાંથી પ્રાપ્ત ચોખ્ખી આવકનો ઉપયોગ મુખ્યત્વે કંપનીની કાર્યકારી મૂડીની જરૂરિયાત, પૂર્વચુકવણી અને અમુક સુરક્ષિત અને અસુરક્ષિત લોનની પુનઃચુકવણી અને સામાન્ય કોર્પોરેટ હેતુઓ માટે કરવામાં આવશે. ઈશ્યુ 29 ઓગસ્ટ, 2024ના રોજ બંધ થશે.

ઈશ્યુના લીડ મેનેજર એફિનિટી ગ્લોબલ કેપિટલ માર્કેટ પ્રાઇવેટ લિમિટેડ છે, ઈશ્યુના રજિસ્ટ્રાર કેમિયો કોર્પોરેટ સર્વિસિસ લિમિટેડ છે.

ઇક્વિટી શેરની ફાળવણી નીચે મુજબ કરાશે

વીડીલ સિસ્ટમ લિમિટેડના ચેરમેન અને મેનેજિંગ ડિરેક્ટર ધીરજ કોચર અને હોલ ટાઇમ ડિરેક્ટર અને ચીફ ફાઇનાન્શિયલ ઓફિસર શ્રીમતી તપસ્વિની પાંડાએ જણાવ્યું, વૈશ્વિક વિદ્યુત કંપનીઓ સાથેની અમારી વ્યૂહાત્મક ભાગીદારી તેમજ ઉત્પાદન ડિઝાઇન અને સિસ્ટમ એકીકરણમાં મજબૂત આંતરિક ક્ષમતાઓએ અમારી બજાર સ્થિતિને મજબૂત બનાવી છે. એફિનિટી ગ્લોબલ કેપિટલ ફાઉન્ડર અને ચેરમેન સંજય ભાલોટિયા અને ડિરેક્ટર શ્રુતિ ભાલોટિયાએ જણાવ્યું કે, વૈવિધ્યસભર ઉત્પાદન શ્રેણી અને ઉચ્ચ-ગુણવત્તાવાળા ઉકેલો પહોંચાડવા માટે મજબૂત પ્રતિબદ્ધતા સાથે, તેઓએ ઝડપથી વિસ્તરતા ઇલેક્ટ્રિકલ અને ઓટોમેશન ક્ષેત્રમાં સ્પર્ધાત્મક ધાર સ્થાપિત કરી છે. આ આઈપીઓ ફંડિંગથી કંપનીને ઉદ્યોગના વિકાસનો લાભ ઉઠાવવામાં મદદ મળશે, જે સ્માર્ટ અને કાર્યક્ષમ ઉકેલોની વધતી માંગથી પ્રેરિત છે.

(Disclaimer: The information provided here is investment advice only. Investing in the markets is subject to risks and please consult your advisor before investing.)

(સ્પષ્ટતા: અત્રેથી આપવામાં આવતી તમામ પ્રકારની માહિતી કોઇપણ પ્રકારે રોકાણ, ટ્રેડીંગ માટેની સલાહ નથી. બજારોમાં રોકાણ જોખમોને આધીન છે અને રોકાણ કરતા પહેલા કૃપા કરીને તમારા સલાહકારની સલાહ લો.)