સેન્સેક્સમાં 355 પોઇન્ટના સુધારા સાથે વિ.સ. 2080ની શરૂઆત, નિફ્ટી 19500 રેઝિસ્ટન્સ ક્રોસ
સેન્સેક્સ- નિફ્ટીમાં ડેઇલી ચાર્ટ ઉપર જોવા મળી હાયર હાઇ હાયર લો પેટર્ન
| DETAILS | SENSEX | NIFTY |
| OPEN | 65419 | 19547 |
| HIGH | 65419 | 19547 |
| LOW | 65218 | 19510 |
| CLOSE | 65259 | 19526 |
| GAIN | 355 | 100 |
| GAIN | 0.55% | 0.52% |
અમદાવાદ, 12 નવેમ્બરઃ વિક્રમ સંવત 2080ની શુભ શરૂઆત ભારતીય શેરબજારોમાં સાર્વત્રિક સુધારાની ચાલ સાથે થઇ છે. બીએસઇ સેન્સેક્સ 354.77 પોઇન્ટના સુધારા સાથે 65259.45 પોઇન્ટની સપાટીએ બંધ રહ્યો હતો. જો નેશનલ સ્ટોક એક્સચેન્જનો નિફ્ટી-50 પણ 100.20 પોઇન્ટના સુધારા સાથે 19500 પોઇન્ટની સાયકોલોજિકલ કમ ટેકનિકલી મહત્વની રેઝિસ્ટન્સ ક્રોસ કરવામાં સફળ રહેવા સાથે 19525.55 પોઇન્ટની સપાટીએ બંધ રહ્યો હતો. બેન્ક નિફ્ટી પણ 180 પોઈન્ટ વધીને 44,000ની સપાટીએ રહ્યો હતો.
જોકે, રોકાણકારો નવા વર્ષના પ્રથમ દિવસના સુધારાને cricket world cupમાં જોવા મળતી મેનેજ્ડ અને નાટકીય વળાંક સમાન ગણીને મુહુર્તના સોદામાં પણ સાવચેતીથી વર્ત્યા હતા. જ્યારે એચએનઆઇ અને ઇન્સ્ટિટ્શનલ ઇન્વેસ્ટર્સની મુહુર્તની ખરીદી બ્લુચીપ અને હાઇ વેલ્યૂ શેર્સમાં જોવા મળી હતી.
BSE: LOSERS AT A GLANCE
BSE: GAINERS AT A GLANCE
| SCRIPT | LTP(₹) | Ch, | % Ch. |
| WELCORP | 529 | +41.15 | +8.44 |
| CAPPL | 1296 | +97.85 | +8.17 |
| SHARE INDIA | 1629 | +109.15 | +7.18 |
| CRESSA NPP | 12.41 | +0.83 | +7.17 |
| INOX WIND | 254 | +16.75 | +7.05 |
| SCRIPT | LTP (₹) | Ch. | %Ch. |
| TNPL | 266 | -20 | -7 |
| TGVSL | 106 | -5.8 | -5 |
| PTCIL | 4709 | -248 | -5 |
| ESAB INDIA | 6100 | -294 | -4.6 |
| GALAXY SURF | 2862 | -88.6 | -3 |
અગ્રણી નાણાકીય નિષ્ણાતોએ મેક્રોઇકોનોમિક સ્થિરતા, રાજકીય સ્થિતિસ્થાપકતા અને વૈશ્વિક રોકાણના વલણો વચ્ચે ભારતીય શેરબજારના માર્ગ પર ભાર મૂક્યો હતો. નવા સંવત વર્ષમાં અને તેનાથી આગળ બજારની દિશા મેક્રોઇકોનોમિક અને મૂળભૂત સ્થિરતા અને ઊંચા મૂલ્યાંકનનું સંચાલન વચ્ચેના જટિલ બેલેન્સિંગ પર આધારિત રહેશે. મોટાભાગના નિષ્ણાતો એ વાત સાથે સંમત છે કે, 2024ની ચૂંટણી પછી કોઈપણ રાજકીય પક્ષ સત્તામાં આવે તો પણ ભારતના વિકાસની આગેકૂચ જારી રહેશે તેમાં શંકાને કોઇ સ્થાન નથી. એમકે ઇન્વેસ્ટમેન્ટ મેનેજર્સના ચીફ ઇન્વેસ્ટમેન્ટ ઓફિસર મનીષ સોંથલિયા, સંવત 2080 માટે નિફ્ટીમાં 15-20 ટકા વળતરની આગાહી કરે છે.
| નવા વર્ષે નજર રાખો આ 12 શેર્સ ઉપર….. | એફપીઆઇ પણ તેજીની પાર્ટીમાં જોડાશે |
| “સંવત 2080 ની ક્ષિતિજ આશાસ્પદ લાગે છે. આપને આનંદમય દીપાવલી અને આવનારા સમયની શુભકામનાઓ. અમારા ‘દિવાળી પિક્સ 2023’માં HDFC બેંક, L&T, Tata Motors, Indigo, Tata Power, ABFRL, Crompton Greaves Consumer Electricals, Usha Martin, Doodla Dairy, Ashoka Buildcon, LG Bal Bros, અને ઇમેજિકા જેવા નામો સહિત સંતુલિત રોકાણની સંભાવના ધરાવતા 12 શેરો છે. અમે સંભવિત વૃદ્ધિ માટે મજબૂત ફંડામેન્ટલ્સ સાથે આ મૂલ્ય પસંદગીઓને એકઠા કરવાની ભલામણ કરીએ છીએ. હેપ્પી ઇન્વેસ્ટિંગ અને દીપાવલી.” – પ્રશાંત તાપસે, વરિષ્ઠ વીપી રિસર્ચ એનાલિસ્ટ, મહેતા ઇક્વિટીઝ | ભારતીય ઇક્વિટી મોટા ભાગના અન્ય વૈશ્વિક બજારોને પાછળ રાખી દે તેવી અપેક્ષા અને ક્ષમતા રહેલી છે. સ્થાનિક વપરાશ અને પ્રિમીયમાઇઝેશન કંપનીઓને માર્જિન વૃદ્ધિ દ્વારા મજબૂત કમાણી કરવા સક્ષમ બનાવશે. ઇન્ફ્રા અને કન્સ્ટ્રક્શન સારી કામગીરી બજાવે તેવી અપેક્ષા છે. સ્મોલ- અને મિડ-કેપ સેગમેન્ટમાં સમૃદ્ધ વેલ્યુએશન સાથે સારી કમાણી વૃદ્ધિ ધરાવતી કંપનીઓ તેમના વેલ્યુએશનને યોગ્ય ઠેરવવાનું ચાલુ રાખે છે. જો યુએસ બોન્ડ યીલ્ડ CY2024 ના બીજા ભાગમાં નીચે આવવાનું શરૂ કરશે, તો FPIs પણ ભારતીય શેરબજારોની પાર્ટીમાં પાછા આવે તેવી – સુનિલ શાહ, ડિરેક્ટર, ખંભાતા સિક્યોરિટીઝ |
