શેરબજારોમાં મંદીનો સૂસવાટો નવા ડીમેટ એકાઉન્ટ ખોલવાની પ્રવૃત્તિ 23 માસની નીચી સપાટીએ

અમદાવાદ, 9 એપ્રિલઃ એક તરફ સેકન્ડરી માર્કેટમાં સળંગ એફઆઇઆઇની વેચવાલી, જિયો- પોલિટિકલ, ટ્રેડ ક્રાઇસિસ વચ્ચે વૈશ્વિક શેરબજારોમાં મંદીનો માહોલ ચાલી રહ્યો છે. તેના કારણે માર્ચમાં નવા ડીમેટ ખાતા ખોલવાની ગતિ ધીમી પડી છે એટલું જ નહિં, જે 23 મહિનામાં સૌથી ધીમી ગતિ દર્શાવે છે. ડીમેટ ખાતાઓની કુલ સંખ્યામાં સતત વધારો છતાં, ડિપોઝિટરીઝના ડેટા નવા નોંધણીઓમાં નોંધપાત્ર મંદી દર્શાવે છે.

માર્ચમાં, 2.04 મિલિયન નવા ખાતા ખોલવામાં આવ્યા હતા. તેની સામે ફેબ્રુઆરીમાં 3.03 મિલિયન નવા ખાતા ખૂલ્યા હતા. આ સતત ત્રીજા મહિને નવા ખાતા ખોલવામાં ઘટાડો દર્શાવે છે. માર્ચના અંત સુધીમાં, NSDL અને CDSL સાથે ડીમેટ ખાતાઓની કુલ સંખ્યા 192.44 મિલિયન હતી, જે ફેબ્રુઆરીમાં 190.4 મિલિયન હતી.

માર્ચમાં, 2.04 મિલિયન નવા ખાતા ખોલવામાં આવ્યા તેની સામે ફેબ્રુઆરીમાં 3.03 મિલિયન ખાતા ખૂલ્યા  હતા

બજાર નિષ્ણાતો આ મંદીને રોકાણકારોની નબળી ભાવના અને નિરાશાજનક IPO બજારને આભારી હોવાનું ગણાવી રહ્યા છે. જ્યારે બજારમાં મંદીનો માહોલ હોય અને IPO પ્રવૃત્તિ ધીમી હોય છે, ત્યારે રિટેલ રોકાણકારો નવા ખાતા ખોલવાનું ટાળે છે. જ્યાં સુધી બજારનો આત્મવિશ્વાસ ફરી ન વધે અને પ્રાઇમરી માર્કેટની પ્રવૃત્તિમાં વધારો ન થાય, ત્યાં સુધી આ વલણ ચાલુ રહેવાની શક્યતા છે.

માર્ચ મહિનામાં ભારતીય શેરબજારમાં નોંધપાત્ર અસ્થિરતા જોવા મળી હતી. મહિનાના પહેલા ભાગમાં ભારે વેચવાલી જોવા મળી હતી, પરંતુ બીજા ભાગમાં આંશિક રિકવરી જોવા મળી હતી સેન્સેક્સ અને નિફ્ટીએ અનુક્રમે 5.8 ટકા અને 6.3 ટકાનો વધારો નોંધાવ્યો હતો, જ્યારે BSE મિડકેપ અને BSE સ્મોલકેપ સૂચકાંકોમાં 7.6 ટકા અને 8.3 ટકાનો ઘટાડો થયો હતો.

(Disclaimer: The information provided here is investment advice only. Investing in the markets is subject to risks and please consult your advisor before investing.)

(સ્પષ્ટતા: અત્રેથી આપવામાં આવતી તમામ પ્રકારની માહિતી કોઇપણ પ્રકારે રોકાણ/ ટ્રેડીંગ માટેની સલાહ નથી. બજારોમાં રોકાણ જોખમોને આધીન છે અને રોકાણ કરતા પહેલા કૃપા કરીને તમારા સલાહકારની સલાહ લો.)