જાપાન અને કોરિયામાં NIFTYને ટ્રેક કરતાં 11 નવા પેસિવ ફંડ્સ લોંચ કરાયાં

મુંબઇ, 9 એપ્રિલઃ નાણાકીય વર્ષ 2024-25 માં જાપાન અને કોરિયામાં નિફ્ટી ઇન્ડેક્સને ટ્રેક કરતા કુલ 11 નવા પેસિવ ફંડ્સ (એક્સચેન્જ ટ્રેડેડ ફંડ્સ અને ઇન્ડેક્સ ફંડ્સ) લોંચ કરવામાં આવ્યા હતા.તેમાંથી 9 ફંડ્સ નિફ્ટી 50 ઇન્ડેક્સને ટ્રેક કરે છે, જ્યારે એક નિફ્ટી ઇન્ડિયા કોર્પોરેટ ગ્રુપ ઇન્ડેક્સ – ટાટા ગ્રુપ 25%ને ટ્રેક કરે છે અને બીજો નિફ્ટી મિડકેપ 50 ઇન્ડેક્સને ટ્રેક કરે છે.

હાલમાં ભારતની બહાર નિફ્ટી ઇન્ડેક્સને ટ્રેક કરતાં 33 પેસિવ ફંડ્સ છે, જેની કુલ એયુએમ 4.3 અબજ ડોલર છે. આ પ્રોડક્ટ્સ મોટા વૈશ્વિક એસેટ મેનેજર્સ દ્વારા લોંચ કરાઇ છે. ફેબ્રુઆરી 2025ના અંત સુધીમાં ભારતમાં પેસિવ ફંડ્સની કુલ એયુએમ (ઇક્વિટી અને ડેટ) રૂ. 9.8 લાખ કરોડ છે, જેમાંથી 73 ટકા નિફ્ટી ઇન્ડેક્સને ટ્રેક કરે છે. ભારતમાં વિવિધ નિફ્ટી ઇન્ડેક્સને ટ્રેક કરતાં 391 પેસિવ ફંડ્સની કુલ એયુએમ રૂ. 7.1 લાખ કરોડ છે.

એનએસઇ ઇન્ડેક્સ લિમિટેડના એમડી અનિરૂદ્ધ ચેટર્જીએ કહ્યું હતું કે, ભારત-કેન્દ્રિત પેસિવ ઇન્વેસ્ટમેન્ટ પ્રોડક્ટ્સ માટે વૈશ્વિક એસેટ મેનેજર્સ તરફથી માગ સતત વધી રહી છે. નાણાકીય વર્ષ 2024-25 એનએસઇ ઇન્ડેક્સ માટે ઐતિહાસિક વર્ષ રહ્યું છે, જેમાં ભારતમાં બહાર નિફ્ટી ઇન્ડેક્સ આધારિત 11 પેસિવ પ્રોડક્ટ્સ સફળતાપૂર્વક લોંચ કરાઇ છે. વર્તમાન નાણાકીય વર્ષમાં વિશ્વભરમાં સંખ્યાબાદ ભારત કેન્દ્રિત પેસિવ પ્રોડક્ટ્સ સાથે આ ટ્રેન્ડ જળવાઇ રહેવાની અમને આશા છે.

(Disclaimer: The information provided here is investment advice only. Investing in the markets is subject to risks and please consult your advisor before investing.)

(સ્પષ્ટતા: અત્રેથી આપવામાં આવતી તમામ પ્રકારની માહિતી કોઇપણ પ્રકારે રોકાણ/ ટ્રેડીંગ માટેની સલાહ નથી. બજારોમાં રોકાણ જોખમોને આધીન છે અને રોકાણ કરતા પહેલા કૃપા કરીને તમારા સલાહકારની સલાહ લો.)