ગુજરાત ચેમ્બરના હાલના સિનિયર વાઈસ પ્રેસિડન્ટ અજય પટેલ નવા પ્રેસિડન્ટ બનશે

સંદીપ એન્જિનિયર સિનિયર ઉપપ્રમુખ તરીકે બિનહરીફ

અમદાવાદ, 29 જૂનઃ ગુજરાત ચેમ્બર ઓફ કોમર્સ એન્ડ ઇન્ડસ્ટ્રી (જીસીસીઆઇ)ની 2023-24ના વર્ષ માટેની યોજાનારી ચૂંટણીમાં ચેમ્બરના બંધારણ મુજબ હાલના સિનિયર વાઈસ પ્રેસિડેન્ટ અજય પટેલ 2023-24ના વર્ષ માટે નવા પ્રેસિડેન્ટ તરીકે નિયુક્ત થશે. ચાલુ વર્ષે બંધારણમાં કરાયેલા સુધારા અંતર્ગત ચેમ્બરના પાંચ પૂર્વ પ્રમુખોની બનેલી કમિટી દ્વારા સિનિયર ઉપપ્રમુખ માટે સંદીપ એન્જિનિયરનું નામ પસંદ કરાયું છે. આમ મહત્ત્વના હોદ્દાઓમાં સર્વસંમતિના કારણે ચૂંટણી ટળી ગઇ છે.

ચેમ્બરના વાઇસ પ્રેસિડેન્ટ માટે અદીચી નેચરલ પોલિમરના મિહિર પટેલની સામે કોઇએ ઉમેદવારે ફોર્મ ન ભરતા બિનહરીફ ચૂંટાઇ આવ્યા છે. 30 જૂનના રોજ ઉમેદવારી પાછી ખેંચવાના છેલ્લા દિવસે કેટલાંક ઉમેદવારો ફોર્મ પાછા ખેંચી લે તેવી શક્યતા છે. આમ ચેમ્બરની ચૂંટણી માટે 11 જુલાઈના રોજ મતદાન યોજાય તેવી શક્યતા ઓછી છે અને ચેમ્બરમાં ઈલેક્શનના બદલે સિલેક્શન થવાની શક્યતા વધુ છે. કોર્પોરેટ કેટેગરીમાં 3 હોદ્દા માટે ત્રણ ફોર્મ, જનરલ કેટેગરી લોકલમાં 8 હોદ્દા માટે 11 ફોર્મ ભરાયા છે અને જનરલ કેટેગરી બહારગામમાં 4 બેઠક માટે 6 ફોર્મ ભરાયા છે. બિઝનેશ એસોસિએશન લોકલ કેટેગરીની 2 સીટ સામે 4 ફોર્મ ભરાયા છે. જેમાં ગુજરાત ડાયસ્ટફ મેન્યુફેકચર એસોસિએશનના રમેશ પટેલે ભરેલું ફોર્મ પરત ખેંચી લીધું હતું. જ્યારે જનરલ કેટેગરી- વુમન માટે એક મહિલા ઉમેદવારે ફોર્મ ભર્યું છે.

હોદ્દા કરતાં વધારે ફોર્મ ભરાયેલી કેટેગરી

બિન હરીફ ચૂંટાઈ આવેલા અન્ય ઉમેદવારો