Stock Picks: Yes Bank, Crompton, Clean Scienceના શેરમાં 24 ટકા ઉછાળાની શક્યતા, F&O એક્સપાયરી પર ફોકસ

અમદાવાદ, 25 ડિસેમ્બરઃ સેન્સેક્સ અને નિફ્ટીએ છેલ્લા સાત સપ્તાહની તેજીમાં ગત સપ્તાહે વિરામ લીધો હતો. જેની પાછળનું કારણ તહેવારોની સિઝન, આઈપીઓની ભરમાર વચ્ચે પ્રોફિટ બુકિંગ હતું. જો કે, અંતે ઈન્ડેક્સ સુધારા સાથે બંધ રહેતાં તેજીનો આશાવાદ કાયમ છે.

આનંદ રાઠી સ્ટોક બ્રોકર્સના રિપોર્ટના મતે ઈન્ડેક્સ ફ્યુચર્સમાં FIIનો લોંગ શોર્ટ રેશિયો લગભગ 66 ટકા (ગુરુવાર સુધી) છે તેની નોંધ રાખવી જોઈએ. એકવાર આ રેશિયો 70 ટકાના આંકને વટાવી જાય પછી, બજારો કામચલાઉ ટૂંકા ગાળાના ટોચની રચના માટે તૈયારી શરૂ કરી શકે છે.

મુખ્યત્વે કોવિડની નવી ચિંતાઓ સાથે ટૂંકા ગાળાની ઓવરબૉટ સ્થિતિને કારણે નિફ્ટીને 22 ડિસેમ્બરના રોજ પૂરા થયેલા સપ્તાહમાં ભારે નફો-બુકિંગનો સામનો કરવો પડ્યો હતો, ઇન્ડેક્સે શરૂઆતમાં 21,593ની ટોચ નોંધાવ્યા બાદ વેચવાલીનું પ્રેશર વધતાં નિફ્ટી 21,000ની નીચે પહોંચ્યો હતો. જો કે, બુલ્સ કેટલાક નુકસાનની ભરપાઈ કરવામાં સફળ રહ્યા અને 0.50 ટકાના નજીવા નુકસાન સાથે ઈન્ડેક્સને 21,350ની નજીક બંધ કરવામાં મદદ કરી છે.

નિફ્ટી સ્પોટના દૈનિક ચાર્ટ પર, આપણે બેરીશ કેન્ડલસ્ટિકની રચના જોઈએ છીએ અને તે ચિંતાનો વિષય છે. ઉપરાંત, 20,976ની નીચી સપાટી બનાવ્યા પછી, ઇન્ડેક્સ ઝડપથી રિકવર થયો છે, પરંતુ 21,400ની નજીકના રેઝિસ્ટન્સ જાળવવામાં નિષ્ફળ રહ્યો છે, જે તાજેતરના ઘટાડાના 61.8 ટકા રીટ્રેસમેન્ટ છે. જ્યાં સુધી 21,400 બંધ ન થાય ત્યાં સુધી પુલબેકને મંદીનો એક ભાગ ગણી શકાય. આનાથી ઉપરનું પગલું રેલીનો બીજો રાઉન્ડ શરૂ કરી શકે છે જે ઇન્ડેક્સને 21,800 તરફ લઈ જઈ શકે છે.

વર્તમાન અઠવાડિયું 26 ડિસેમ્બરથી શરૂ થતું માસિક સમાપ્તિ સપ્તાહ હોવાથી જાન્યુઆરી 2024 માટે ટ્રેન્ડ-સેટર બની શકે છે.

Crompton Greaves Consumer Electricals:

ક્રોમ્પટન ગ્રીવ્સ કન્ઝ્યુમર ઈલેક્ટ્રિકલ્સની ઓપ્શનલ વેવ રિટ્રેસમેન્ટ અગાઉના અપ મૂવના0.618 અને 1.628ની નજીક છે, આમ તે આકર્ષક ખરીદી બની શકે છે. શેર બોટમ આઉટ થવાનો મજબૂત સંકેત છે. ઈન્ડેક્સ મોરચે, સાપ્તાહિક RSI (રિલેટિવ સ્ટ્રેન્થ ઇન્ડેક્સ) 50 સ્તરોથી ઉલટાવી ગયું છે, જે કાઉન્ટર પરના અમારા બુલિશ વલણની પુષ્ટિ કરે છે. દૈનિક બંધના ધોરણે રૂ. 350ના ટાર્ગેટ અને રૂ. 275ના સ્ટોપ-લોસ માટે રૂ. 295-305ના ઝોનમાં ખરીદી કરી શકાય છે.

Clean Science and Technology:

ક્લિન સાયન્સ એન્ડ ટેકનોલોજી રૂ. 1,330 અને રૂ. 1,430 વચ્ચે કોન્સોલિડેટેડ થઈ રહ્યું હતું. ઉપરાંત, સાપ્તાહિક ધોરણે બેરિશ ટ્રેન્ડલાઈનનું ઉલ્લંઘન કરવામાં આવ્યું છે, તેની સાથે RSI અને DMI (ડાયરેક્શનલ મૂવમેન્ટ ઈન્ડેક્સ) સાપ્તાહિક બુલિશ મોડમાં છે, જે આકર્ષક લાગે છે. રૂ. 1,425ના સ્ટોપ-લોસ અને રૂ. 1,650ના અપસાઇડ ટાર્ગેટ સાથે રૂ. 1,480-1,520ના ઝોનમાં લોંગ ટર્મ રોકાણ કરવાની સલાહ છે.ખરીદો

YES Bank:

છેલ્લા મહિનાથી, યસ બેન્કે થોડી ઝડપી તેજી મેળવી છે અને તે રૂ. 21ની નજીક છે. તાજેતરમાં, તેણે તેના અગાઉના સ્વિંગને વિશાળ વોલ્યુમ સાથે આગળ વધાર્યું છે. સૌથી મહત્વનો ભાગ એ છે કે 5-વર્ષની બેરિશની ટ્રેન્ડલાઇનનું ઉલ્લંઘન કરવામાં આવ્યું છે, જે YES બેન્કમાં બુલિશ વલણની પુષ્ટિ કરે છે. ઈન્ડેક્સ મોર્ચે, દૈનિક DMI અને RSI (રિલેટિવ સ્ટ્રેન્થ ઇન્ડેક્સ) કાઉન્ટરમાં બુલિશ બાયસનો સંકેત આપે છે. આમ, દૈનિક બંધના ધોરણે રૂ. 26ના ટાર્ગેટ સાથે રૂ. 21-22ની રેન્જમાં અને રૂ. 19ના સ્ટોપ-લોસમાં ખરીદી કરી શકાય છે.