Stock To Buy: Adani Power, Tata Power, Bharti Airtel સહિતના આ શેરોમાં 10થી 20 ટકા સુધીના ઉછાળાની શક્યતા

અમદાવાદ, 9 માર્ચઃ ભારતીય શેરબજારો આ સપ્તાહે ભારે વોલેટિલિટીના અંતે પોઝિટીવ નોટ સાથે બંધ રહ્યા છે. સેન્સેક્સ સપ્તાહ દરમિયાન 923.69 પોઈન્ટની વોલેટિલિટી સાથે અંતે 1 માર્ચની તુલનાએ 374.04 પોઈન્ટ સુધારા સાથે બંધ રહ્યો છે. નિફ્ટી પણ 154.8 પોઈન્ટ વધ્યો છે. જો કે, વોલેટિલિટી વચ્ચે સેન્સેક્સ 74245.17 પોઈન્ટ અને નિફ્ટી 22525.65ની સર્વોચ્ચ રેકોર્ડ ટોચે પહોંચ્યા હતા. આગામી સપ્તાહે બ્રોકરેજ હાઉસ સ્ટોક્સબોક્સે કેટલાક શેરોમાં ખરીદી કરવા સલાહ આપી છે. જે 10થી 20 ટકા સુધી વધવાનો લક્ષ્યાંક મૂક્યો છે.

અદાણી પાવર, ભારતીએરટેલ, કોચિન શીપયાર્ડ, એન્જિનિયર્સ ઈન્ડિયા, કલ્યાણ જ્વેલર્સ, ટાટા પાવર અને યુનિયન બેન્કના શેરોમાં 10થી 20 ટકા સુધીનો ઉછાળો નોંધાવાની શક્યતા સ્ટોક્સબોક્સ જોઈ રહ્યું છે. જેણે આ શેરોમાં ખરીદી વધારવા સલાહ આપી છે. અદાણી અને ટાટા ગ્રુપના શેરો છેલ્લા કેટલાક સમયથી તેજી સાથે આગળ વધી રહ્યા છે. જો કે, વર્તમાન તેજીને ધ્યાનમાં લેતાં એકાદ મોટુ કરેક્શન જોવા મળી શકે છે.

વૈશ્વિક બજારોના મિશ્ર સંકેતો વચ્ચે સ્થાનિક બજાર રેન્જ બાઉન્ડ થઈ રહ્યું છે. ફેડ તરફથી રેટ કટની અપેક્ષાઓ અને બોન્ડ યીલ્ડમાં ઘટાડો થવાથી રોકાણકારોને ઇક્વિટી તરફ વળવા માટે પ્રેરિત કરવામાં આવ્યા હતા, જેણે બજારને પ્રોત્સાહન આપ્યું હતું. મેક્રો ઇકોનોમિક નેરેટિવ બેન્કિંગ શેરોની તરફેણ કરે છે, જ્યારે વૈશ્વિક બજારમાં અનિશ્ચિતતાઓને કારણે આઇટી સેક્ટરમાં નબળાઇ જોવા મળી હતી. ફેમ II સ્કીમના વિસ્તરણ અને પેસેન્જર વાહનો માટે ઉચ્ચ માંગની આગાહીને કારણે ઓટો શેરોમાં ભારે ખરીદી થઈ હતી. અપેક્ષા કરતાં વધુ ઝડપી આર્થિક વૃદ્ધિ ચાલુ નાણાકીય વર્ષમાં મેટલ અને કેપિટલ ગુડ્સ શેરો માટે સેન્ટિમેન્ટમાં તેજી આવી હતી, જેના પરિણામે સંબંધિત સેક્ટરના સૂચકાંકોમાં તેજી જોવા મળી હતી. જો કે, સ્મોલ અને મિડ-કેપ શેરોમાં ઓવરવેલ્યુએશનને કારણે કરેક્શન આવ્યું હતું, જેના કારણે પ્રોફિટ બુકિંગ અને લાર્જ-કેપ શેરોની માંગમાં વધારો થયો હતો.

ECBએ દર યથાવત રાખ્યો છે અને ફુગાવાના નિયંત્રણની પુષ્ટિ કરતા વધુ પુરાવાની રાહ જોશે. આવતા અઠવાડિયે યુએસ, ચીન અને ભારત તરફથી યુએસ પેરોલ ડેટા અને આગામી ફુગાવાના ડેટાનું પ્રકાશન રોકાણકારોને વૈશ્વિક મેક્રો ઇકોનોમિક આઉટલૂકની આંતરદૃષ્ટિ પ્રદાન કરશે. અમે અપેક્ષા રાખીએ છીએ કે ઉચ્ચ મૂલ્યાંકન અને આગામી પોલિસી રેટ ગાઇડન્સ રિલીઝને કારણે આગામી સપ્તાહમાં વોલેટિલિટી ચાલુ રહેશે.

STOXBOX દ્વારા ખરીદી માટે ભલામણ કરાયેલા શેર્સ એક નજરે

(Disclaimer: The information provided here is investment advice only. Investing in the markets is subject to risks and please consult your advisor before investing.)

(સ્પષ્ટતા: અત્રેથી આપવામાં આવતી તમામ પ્રકારની માહિતી કોઇપણ પ્રકારે રોકાણ, ટ્રેડીંગ માટેની સલાહ નથી. બજારોમાં રોકાણ જોખમોને આધીન છે અને રોકાણ કરતા પહેલા કૃપા કરીને તમારા સલાહકારની સલાહ લો.)