Adani Enterprises વાર્ષિક 9.30 ટકા સુધીની ઓફરિંગ ધરાવતા રૂ. 1,000 કરોડના એનસીડી ઇશ્યૂની જાહેરાત કરી

અમદાવાદ, 7 જુલાઈ, 2025 –અદાણી એન્ટરપ્રાઇઝીસ લિમિટેડે સિક્યોર્ડ, રેટેડ, લિસ્ટેડ રીડિમેબલ, નોન-કન્વર્ટિબલ ડિબેન્ચર્સના તેના બીજા પબ્લિક ઇશ્યૂના લોન્ચની જાહેરાત કરી છે. એઈએલનો ગયા વર્ષે સપ્ટેમ્બરમાં લોન્ચ થયેલો રૂ. 800 કરોડનો પહેલો એનસીડી ઇશ્યૂ પહેલા જ દિવસે સંપૂર્ણ સબ્સ્ક્રાઇબ થયો હતો.

કંપની નો બેઝ ઇશ્યૂ સાઇઝ રૂ. 500 કરોડ છે જેમાં વધારાના રૂ. 500 કરોડ સુધીના ઓવર-સબ્સ્ક્રીપ્સન જાળવવાનો વિકલ્પ (“Green Shoe Option”) છે જેના પગલે કુલ ઇશ્યૂ સાઇઝ રૂ. 1,000 કરોડ સુધીની છે (“Issue” or “Issue Size”). ઇશ્યૂ 9 જુલાઇ, 2025ના રોજ ખૂલશે અને 22 જુલાઇ, 2025ના રોજ બંધ થશે જેમાં વહેલા બંધ કરવાનો અથવા વિસ્તારવાનો વિકલ્પ છે. એનસીડી પ્રત્યેક રૂ. 1,000ની ફેસ વેલ્યુ ધરાવે છે. દરેક એપ્લિકેશન લઘુતમ 10 એનસીડી અને ત્યારબાદ 1 એનસીડીના ગુણાંકમાં કરી શકાય છે. લઘુતમ એપ્લિકેશન સાઇઝ રૂ. 10,000 રહેશે.

ઇશ્યૂમાંથી મળેલી ઓછામાં ઓછી 75 ટકા રકમનો કંપની દ્વારા લેવામાં આવેલા હાલના ઋણ પૈકીના સંપૂર્ણ કે આંશિક હિસ્સાની પૂર્વચૂકવણી કે ચૂકવણી કરવા માટે તથા બાકીની રકમનો (મહત્તમ 25 ટકા સુધી) સામાન્ય કોર્પોરેટ હેતુઓ માટે ઉપયોગ કરવામાં આવશે.

નુવામા વેલ્થ મેનેજમેન્ટ લિમિટેડ, ટ્રસ્ટ ઇન્વેસ્ટમેન્ટ એડવાઇઝર્સ પ્રાઇવેટ લિમિટેડ અને ટિપ્સન્સ કન્સલ્ટન્સી સર્વિસીઝ પ્રાઇવેટ લિમિટેડ આ ઇશ્યૂના લીડ મેનેજર્સ છે.

(Disclaimer: The information provided here is investment advice only. Investing in the markets is subject to risks and please consult your advisor before investing.)

(સ્પષ્ટતા: અત્રેથી આપવામાં આવતી તમામ પ્રકારની માહિતી કોઇપણ પ્રકારે રોકાણ/ ટ્રેડીંગ માટેની સલાહ નથી. બજારોમાં રોકાણ જોખમોને આધીન છે અને રોકાણ કરતા પહેલા કૃપા કરીને તમારા સલાહકારની સલાહ લો.)